“Proiektu txikitzaileen” aurkako bizikleta martxa egin dute asteburuan Euskal Herrian barrena, “lurra kinkan badator txirrinka” lelopean. Txirrinka ekimenak igandean itxi zuen protesta egitaraua, Angiozarren. Gisako azpiegiturak bultzatzeko erabilitako errekurtsoak jendearen zerbitzura jartzeko exijitu dute, besteak beste.
Lau zutabe eratu zituzten parte hartzaileek eta igandean egin zuten bat Bergaran, Angiozarren amaitu zen manifestazioari ekiteko. Angiozar esangura handiko herria da AHTren aurkako mugimenduentzat, bertan egin baitzuten proiektuaren aurkako lehen ekimena duela hamabost urte. Amaiera ekitaldian bizikleta martxaren lau lekukoek zeramatzaten mezuak irakurri zituzten: Jasone Mitxeltorenak, Fredi Paiak, Juan Ibarrondok eta Amaia Agirrek idatzi dituzte mezuok.
“Lurra eta pertsonak begirunez tratatzen dituzten lan eta bizi harremanen” defentsan jarduteko erabakia berretsi dute eta egungo eredua kritikatu: “Bizimodu industrial eta estresatuaren isla diren azpiegitura kaltegarriak eraikitzean, lurrari zauriak eragiten dizkio gizakiak”.
Azpimarratu dute energia, garraio eta kontsumo “azpiegitura kaltegarriek” ahanztura ere eragiten dutela, “memoria historikoa lapurtuz”. Gaineratu dute horrek eragina duela etorkizuneko norabidean: “Nekez eraikiko dugu etorkizuna gure iragana ezagutu gabe”.
“Prekarietatea eta bazterketa inoiz baino gehiago” zabaltzen ari den bitartean, dirua “azpiegitura txikitzaileetan” gastatzea deitoratu dute. Beren esanetan, elkarren zaintza jarri beharko litzateke bizi ereduaren erdigunean, “lurrarekiko menpekoak garela ahaztu gabe”.
AHTri berebiziko sinbolismoa eman badiote ere, Euskal Herriko “proiektu suntsitzaile” guztiei egin diete kritika: “Azken urteotan azpiegitura erraldoien plangintza eta eraikuntza amorratua izan da: garraio politika itxuragabea (AHT, autobide sarea, aireportuak…), energia gainezartzea (Garoña, zentral termikoak, frackinga, goi tentsio lineak…), uraren eta beste baliabide batzuen metaketa neurriz gainekoa, zaborren tratamendu kutsakorrak…”.
Sare sozialetan ere presente egon da ekimena:
Norberak badu bere haria korapilo honetan @txirrinka2016 #angiozar #aht pic.twitter.com/MKCECprB6h
— Ander Bolibar (@demonocrazy) May 22, 2016
Lekuko aldaketa #txirrinka-n. Gora borroka feminista! @txirrinka2016 pic.twitter.com/W6TzmcGu6T
— Ahotsa.info (@AhotsaInfo) May 21, 2016
Lau zutabeen elkargunea orain Bergaran#txirrinka @AhotsaInfo @naiz_info @berria @piztu_info @topatu_eus pic.twitter.com/0alFw3YFm0
— Txirrinka (@txirrinka2016) May 22, 2016
Angiozar
Manifestazioa
Orain ekitaldia eta bazkari herrikoia@AhotsaInfo @berria @naiz_info @piztu_info pic.twitter.com/exlMYtR2a1
— Txirrinka (@txirrinka2016) May 22, 2016
pic.twitter.com/6XN1AuBFeX #txirrinka ,oinez,kotxian,bukaera ederra Angiozar aldian! #lurra bakarra dalako,laga behingoz erasotzeai! #ahtrikez
— Maite Aristegi (@MAristegi) May 22, 2016
Euskal Herriko Agintaritzaren Aldizkariaren bidez ezagutarazi da Cañaveras Solar enpresak egingo duela zentrala. Cañaveras Solar enpresaren zuzendaria Rafael Benjumea da, oligarkiako Benjumea familiako kidea. 15 milioi eurotik gorako kostua izango du proiektuak... [+]
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
EH Bilduk galdera sorta bat erregistratu zuen Eusko Legebiltzarrean Donostiako Metroaren igarobideko lanen gainkostua argitzeko. Informazio hori atzo jakinarazi zuen Susana Garcia Chueca Mugikortasun sailburu sozialistak.
Martxoaren 19an amaitu zen proiektua aurkezteko epea, baina Errioxako PSOEk adierazi du Forestalia enpresak "interesa baztertu" duela. Enpresak bi parke eoliko eraiki nahi zituen Aragoiko lurretan, baina oraindik ez ditu lortu baimenak eta hori dute egitasmoa... [+]
.jpg)
EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa... [+]
Dakota Access oliobidearen kontrako protestengatik zigortu du Ipar Dakotako epaimahai batek erakunde ekologista, Energy Transfer Partners enpresak salaketa jarri ostean. Standing Rockeko sioux tribuak protesten erantzukizuna bere gain hartu du.
Koalizio abertzaleko hiru ordezkariek ohar baten bidez euren "frustrazioa" adierazi dute proiektu fotovoltaikoa ezin gelditzeagatik: "Egoera horren aurrean, ez gara legegintzaldia amaitzeko indarrez sentitzen". Proiektu honi ez! plataformak salatu du EH Bilduren... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
Satorralaia plataformak Donostiako Metroaren Mirakontxa-Easo zatiko lanek “%164ko gainkostua” izan dutela salatu zuen joan den astean, eta, horren harira, EH Bilduk gainkostu hori argitzeko eskatu du, Eusko Legebiltzarrean erregistratutako galdera sorta baten bidez.
Elkarretaratzea egin zuen Aiaraldeko Mendiak Bizirik plataformak atzo Laudioko Lamuza plazan, Mugagabe Trail Lasterketaren testuinguruan.
Satorralaia plataformak eman du gainkostuaren berri, informazioa Jaurlaritzari eskatutako txosten batetik aterata. Donostiako metroaren Mirakontxa-Easo zatiaren lanak 53 milioi eurotan esleitu ziren, eta egungo aurrekontua 139,4 milioi eurokoa da. Donostiako metro-pasantearen... [+]
