Azpeitian apustu etxearen kontrako egitasmo iraunkorra abiatuko du Elkar-ekin taldeak
Martxoaren 14a bitartean, ostegunero, sei laguneko taldeek elkarretaratzea eta propaganda banaketa egingo dituzte Azpeitiako Balentina Agirre plazan Retak duen apustu etxearen atarian.
Balentina Agirre plazan Retak zabaldutako apustu etxearen aurkako ekimen iraunkorra jarriko du martxan Elkar-ekinek datorren astean. Urtarrilaren 17an hasiko dute egitasmoa, eta martxoaren 14a bitartean, ostegunero, sei laguneko taldeek txandaka, elkarretaratzea eta propaganda banaketa egingo dituzte lokalaren aurrean.
Reta enpresak joan zen urriaren 31n zabaldu zuen apustu etxea Balentina Agirre plazan. Elkar-ekin taldeak orain dela hilabete batzuk abiatu zuen apustu etxearen kontra presio soziala egiteko kanpaina. Orduz geroztik, hainbat protesta egin dute, baita sinadura bilketa ere. Hain zuzen ere, 1.636 herritarrek eman zuten apustu etxearen kontrako sinadura. Gainera, gaia gizarteratzeko hitzaldiak ere antolatu ditu taldeak, eta aurrera begira ere bide berean lanean segitzeko asmoa agertu du.
Azpeitiko Udalak ere kezka agertu zuen apustu etxeak izan ditzakeen ondorioez, eta Eusko Jaurlaritzari oharra bidali zion, halako lokalek herrian eragin dezaketen "inpaktuaren" informazioa eta txostena eskatzeko. Gainera, adierazi zuen bere esku dauden "baliabide guztiak" jarriko dituela, apustu etxearen "ondorio kaltegarriak" saihesteko.
Uztarriak apustu etxeen eta on line jokoaren loraldia oinarri hartuta, herrira ekarri zuen gaia joan zen abenduko aldizkarian. Mendeko diren bi pertsonekin, horietako baten senide batekin eta adikzioen zentro bateko zuzendariarekin hitz egin zuen Uztarriak erreportajea osatzeko. Honako lotura honetan irakur daiteke erreportaje osoa.
Albiste hau Azpeitiko Uztarriak argitaratu du eta CC-by-sa lizentziari esker ekarri dugu ARGIAra.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.
Abuztuaren 31tik aurrera, jokoaren sektoreko enpresen publizitatea arautzeko Espainiako Gobernuak onartutako dekretua dela eta, telebista edota irratiek soilik goizeko 1:00ak eta 5:00ak bitartean emititu ahal izango dituzte enpresa horien iragarkiak. Zuzeneko kirol emanaldietan,... [+]
Hainbat ikerketak ondorioztatu duena berretsi du Bristoleko Unibertsitateak: Auzune pobreenetan askoz ere apustu-etxe gehiago dago zonalde aberatsagoetan baino. Gobernuz kanpoko erakundeek ohartarazi dute menpekotasuna duten 500 gaztek egiten dutela bere buruaz beste urtean.
Ostegun goizean egindako polizia-operazioa salatu eta atxilotutako lagunei babesa eta elkartasuna adierazi diete Sopelan arrastian batutako 200 pertsonak baino gehiagok. Atxilotutako hiru gazteak aske gelditu dira arrastian.
Dirudienez, atxiloketek lotura daukate joko aretoen aurkako jardunarekin. Ostegun arratsaldean mobilizazioa deitu dute, atxiloketak gaitzesteko.
Iruñeko Sanduzelai auzoko ikastetxe publikoko lehen hezkuntzako 6. mailako ikasleek kalejira egin zuten pasa den ostiralean, apustu etxeen kontrako kolektiboarekin elkarlanean, ludopatiaren arriskuez ohartarazteko. Hainbat guraso eta auzokidek ere parte hartu zuten.
Egun joko areto bakarra dago ibarrean, Sarrigurenen. Aurrerantzean ezinen da halako gunerik ezarri mila biztanlerik beherako herrietan. Aho batez onartu du udalak ordenantza.
Arrigorriko joko-aretoak egin duen hedakuntza dela eta, fenomeno horregaz arduratuta dagoen sopeloztar herritar talde batek erabaki du horien aurkako ekimena antolatzea. Beraien asmoa da herritarrei erakustea areto horien kalteak eta, erabiltzaileak kriminalizatu beharrean,... [+]
Koronabirusaren pandemiak eragindako egoeraren aurrean ezarritako neurrietan, Nafarroako Gobernuak apustu etxeekin izan duen malgutasuna kritikatu dute Iruñerriko apustu etxeen aurkako plataformen koordinakundeak eta Aralar ludopatiaren prebentziorako... [+]
Sopelako Arrigorri joko-aretoak 108,49 metro koadro du gaur egun, eta 229,16 metro koadrora handituko dute, ondoko lokala hartuta, Sopela.net-ek jaso duenez.
Ausazko joko eta kirol-apustuen publizitatea geroz eta mugatuagoa dagoenean, on-line jokoaren kontsumoak gora egin du alarma-egoerak baldintzatutako hilabeteotan.