Azora inbertsio funtsak bertan behera utzi du Donostian familia baten etxegabetzea
Etxegabetzeen aurkako mobilizazioei esker, etxegabetze bat gelditzea lortu dute. Hala adierazi du ostiralean Rosa Garciak aktibistak. Halere, oraindik lan asko geratzen dela ohartarazi du. Azken orduetan jakinarazi diete Donostiako Ategorrieta hiribideko 43. zenbakian bizi den familia baten etxegabetzea bertan behera utzi duela Azora inbertsio funtsak, eta beraz, Alejandra eta bere hiru semeak ez dira kalean geratuko. Apirilaren 27rako zegoen aurreikusita etxegabetzea.
Stop Kaleratzeak, Alokairu Benta Berri eta Azoraren Maizterrak taldeek, ordea, borrokan jarraituko dute. Oraindik familia asko daude etxegabetze arriskuan Groseko inguru honetan. Besteak beste, Iñaki Setien eta Rosa Mari Arratibel bikotea. Izan ere, Ategorrieta hiribideko hainbat familiaren etorkizuna kolokan jarri du Azora funtsak. Alokairu kontratua bukatu zaie, eta berritzeko ordaintzen dutena %33 igo nahi diete. Onartu ezean, giltzak itzuli eta etxea utzi behar dutela jakinarazi zieten iaz eskutitz baten bidez.
Setienek eta Arratibelek martxoaren 16an utzi behar dute etxea. Beste hamar familiari ere kontratua bukatuko zaie laster. Egun 750 eta 900 euro arteko errentak dituzte, eta kostata ordaintzen dituzte, euren diru sarreren %40a gainditzen dute eta. Kontratu berri bat nahi dute, eta alokairuen gaineko KPIan oinarritutako igoera bat ordaintzeko prest daude. Hori da Azorarekin negoziatu nahi dutena. Alejandrak ere kontratu hau negoziatu nahi du. Izan ere, etxegabetzea bertan behera utzi du Azorak, baina orain akordio bat falta da.
Gaur hainbat lagun kalera atera dira, eta Groseko Pinudi plazan elkartu dira Ategorrietako familiei babesa ematera. Saretxe Groseko etxebizitzaren aldeko sindikatuak, LAB, ESK eta CCOO sindikatuek, eta Elkarrekin Podemos eta EH Bilduk ere babestu dute gaurko mobilizazioa.
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.