Azora funts putreak Donostian herritar batzuk etxetik bota dituela salatu dute
Donostiako Gros auzoan, Azora putre funtsak jabetzan duten etxebizitzetako batetik Ertzaintzak bizilagun batzuk bota dituztela salatu dute. Hilabeteak dira erakunde hau auzokideak beren etxeetatik botatzen ari dela salatzen ari direla etxebizitza eskubidearekin loturiko mugimenduak. Inguruan babesa adierazten ari zirenen aurka oldartu da borra kolpeka. Ertzaintzak etxebizitzako atea bota eta bi pertsona atera ditu. Donostiako Okupazio Bulegoak salatu du legez kanpoko hustea izan dela, eta Ertzaintzaren aurka salaketa jartzea planteatzen ari dira, ARGIAk jakin duenez.
Groseko Galtzada Nagusiko 10. atarian, Azora putre funtsak duen etxebizitza batean izan da Ertzaintza. Noticias de Gipuzkoa egunkarian informatu dute etxebizitza horretan alarma aktibatu dela eta Ertzaintza horregatik hurbildu dela hara.
Zenbait agente etxebizitzan zeuden auzokideekin hitz egitera igo dira, eta kalean egon direnekin ere hitz egin dute hasiera batean, bertan izan zen Irutxuloko Hitzako Beñat Parrak jaso duenez. Gertatzen ari zenaren argazkiak egiten ari zen herritar bat ere identifikatu dute, azken urteetan beti egin ohi duten bezala, irudien egileari hauekin egiten duen erabileraz mehatxu inplizitua eginez.
Gerora, ordea, istiluetarako materiala jantzi dituzte hogei agentek, borrak eta ezkutuak barne, eta bertan jarrera baketsuan ziren herritarrak kolpatzen hasi dira. Irutxuloko Hitzako kazetaria ere kolpatu dute nahiz eta kazetari gisa identifikatu, honek bideoan jaso duenez.
Ertzaintzak etxebizitzako atea indarrez bota du barruan zeudenek azaldu dutenez, eta haiek ere lurrera bota dituzte. Tentsio uneak bizitu dira orduan, eta kalean zeudenen aurka egin du berriro Poliziak. Etxebizitza barruan zeuden pertsonak ordu luzez inkomunikatuta eta eskuak lotuta izan dituztela salatu du dute.
Ertzaintzak atea hautsi duen uneko bideoa argitaratu du ARGIAk.
Kontzentrazioa 20:00etan
Katalunia plazan kontzentrazioa deitu du Saretxek, “etxegabetzeen kontra eta desmerkantilizazioaren alde”.
Etxebizitza Sindikatu Sozialistak eta Harituk antolatuta, manifestazio bat izan zen ostegun arratsaldean Iruñeko Alde Zaharrean. "Etxebizitzaren negozioaren aurrean, eta hura sustatzen duten politikarien aurrean, etxebizitza eskubide unibertsalaren benetako defentsa... [+]
Abenduaren 14an Bilbon etxebizitzaren negozioaren aurkako mobilizazio nazionala antolatu dute Euskal Herriko Etxebizitza Sindikatu Sozialistak eta Euskal Herriko Etxebizitza Sindikatuen Sareak. Ia 200 izan dira auziarekiko elkartasuna adierazi duten eragileak.
Horren nabarmenki izan ez bada ere, Gipuzkoako gainontzeko lurraldeetan ere gora egin du etxebizitzaren prezioak. Modu berean higiezinen salerosketa ere handiagotu egin da, antza inflazioaren eta interes tasen jaitsiera dela eta, Gipuzkoako Higiezinen Jabetzako Agenteen Elkargo... [+]
Alokairuen bidezko espekulazioa oztopatzeko neurria azaroaren 25etik goiti izanen da indarrean Ipar Euskal Herrian. Momentuko, tentsiopean diren Lapurdiko 24 herriei eraginen die: Ahetze, Angelu, Arbona, Arrangoitze, Azkaine, Basusarri, Baiona, Biarritz, Bidarte, Biriatu,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Lanaren Ekonomiaren 8. denboraldia etxebizitzaren gatazkari helduz hasi da, Karla Pisano, Roser Espelt, Miguel Virizuela eta Argiako Jon Tornerrekin. Bi barikutan behin 11:00tan izango da irratsaioa.
Asteburu honetan Euskalduna Jauregian Euskadiko Etxebizitza eta Dekorazio Higiezinen-aretoa egon da. Sustatzaile eta higiezinen agentziek eraikuntza berriko promozioak eta bigarren eskuko etxebizitzak eskaini dituzte partikular eta profesionalen erosketa eta inbertsiorako... [+]
Etxebizitzaren auzia aspalditik datorren egiturazko arazoa da. Giza eskubidea izan behar lukeena, gehienez ere eskubide subjektiboa baino ez da. Iruzurra dela diot instituzio eta alderdi politiko guztiek hitz politak esan arren, ez diotelako muinari heltzen. Egun, enpresa... [+]
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Frantziako Estatuko diputatuak eta senatariak ados jarri dira. Orain arte, alokairu turistiko bat alokatzen zutenek etekinen %50 zergapetik kentzeko aukera zuten, urte osoko alokatzaileek, berriz, %30. Lege proposamenak biak hein berdinera ekarriko ditu, hots, %30era.