Azkoitiko Udalak punttuan du hondakin planta egiteko arau subsidiarioen aldaketa
Eusko Jaurlaritzako Ingurumen sailak eman dio Azkoitiko Udalari arau subsidiarioak aldatzeko falta zuen argi berdea: ingurumen-adierazpen estrategikoa. Beraz, udalak arau subsidiarioak aldatu ahal izango ditu, Larke 360 enpresak Azkoitiko Azkaraten hondakin planta bat egiteko modua izan dezan. Oso azkar eman dio agiri hau Jaurlaritzak Azkoitiari, kontuan izanik, gainera, koronabirusaren alarma egoeran prozedurak etenda daudela.
Eusko Jaurlaritzako Ingurumen sailak eman dio Azkoitiko Udalari arau subsidiarioak aldatzeko falta zuen argi berdea: ingurumen-adierazpen estrategikoa. Apirilaren 22an argitaratau da Ebazpena EAEko Buletin Ofizialean. Beraz, udalak arau subsidiarioak aldatu ahal izango ditu, Larke 360 enpresak Azkoitiko Azkaraten hondakin planta bat egiteko modua izan dezan.
Ebazpena oso azkar eman dio Ingurumen sailak eta alarma egoeraren gainetik
Oso azkar lortu du Azkoitiko Udalaren eskaerak Jaurlaritzako Ingurumen sailaren aldetik ingurumen-adierazpen estrategikoa. Izan ere, otsailaren 14an egin zuen udalak eskaera. Baina martxoaren 14an prozedura etenda geratu zen, COVID-19aren aurrean ezarritako alarma-egoerak bertan behera utzi dituelako "ezinbestekoak" ez diren prozedurak. Martxoaren 26an, Azkoitiko Udalak prozedura ez etetea eskatu zuen, "interes orokorreko espediente bat dela" ulertzen duelako.
Proiektua ez ezagutzeko moduan daude idatzita aldaketak arau subsidiarioetan
Eusko Jaurlaritzak baimendu duen Azkoitiko Arau Subsidiarioen "4. Aldaketa Puntuala" irakurriz gero, arreta deitzen du hondakin plantarekin erraz identifikatzen den aipurik ez duela egiten. Aldiz, beste proiektuak errazago uler ditzake herritarrak arau subsidiarioak irakurrita. Ikusi bestela: zehazki "aldaketa puntual" hau da Azkarateko hondakin plantari erreferentzia egiten diona: "E) Lurzoru urbanizaezinaren antolamendua berrikustea: Lurzoru urbanizaezinaren zonifikazioa eguneratzen da, egokitzeko bai lurralde- eta sektore-antolamendura bai indarreko Arau Subsidiarioak 2007an onartu zirenetik gaur egunera bitartean onartu diren eta Azkoitiko udal-mugartean eragina duten babes figuretara".
Arau subsidiarioen aldaketek Azkotiko beste lau eremutan planteatzen dutena, errazago identifikatzen da proiektu zehatzekin. Adibidez: "A) San Juan 24. eremua (128.311 m²): Dagoeneko bere zatirik handienean urbanizatuta eta exekutatuta dagoen industrialde bat da. Eraikigarritasuna areagotzea da xedea".
Azkoitiko udalak 2019ko urriaren 9an (Gipuzkoako Aldizkari Ofiziala, 198. zenbakia), onartu zuen Arau Subsidiarioen 4. Aldaketa Puntuala jendaurrean jartzea, 45 egunez alegazioak egin ahal izateko. Goian aipatu dugun E puntu hori irakurrita egin behar zituzten herritarrek hondakin plantaren gaineko alegazioak. Ez zen alegaziorik jaso udalean.
Zertan dira hondakin planta ezartzeko pausoak?
- Apirilaren 15ean jakinarazi zuen EH Bilduk hondakin planta egitekotan arau subsidiarioak aldatzea beharrezko izango dela. Albiste honetan azaldutako ingurumen-adierazpen estrategikoak bidea libre uzten dio udalari arau subsidiarioak aldatzeko.
- Larke 360 enpresak Eusko Jaurlaritzaren Ingurumen sailetik jaso zuen ingurumen-inpaktuaren txostena. Hau ez da Ingurumen Baimen Bateratua. Beraz, Larke enpresak beste bi baimen behar ditu jarduera martxan jarri ahal izateko: Eusko Jaurlaritzak eman beharreko hondakinak kudeatzeko baimena eta Azkoitiko Udalak eman beharreko jarduera baimena. Larkek dagoeneko eskatuta dauzka bi baimen horiek, bata Jaurlaritzan eta bestea Azkoitiko Udalean.
- Albiste honetan azaldu genuenez, Larke enpresak hondakinak erraustegira edo zementerara eraman nahiko balitu, legez beharrezko luke Ingurumen Baimen Bateratua.
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Zumarragan badugu eraikin-multzo bat herriguneak besteko zabalera duena ia, Arcelor Mittal-en fabrika zaharra, industriak gurean izan duen garrantzia geroz eta urriagoaren erakusgarri. Hura itxi eta gutxira, 2021eko urrian, Eusko Jaurlaritzako Ekonomiaren Garapen,... [+]
Plastic Energy enpresak Zumarragan hondakin plastikoen birziklatze kimikorako instalazioa jartzeko asmoa "kezka handiz" ikusten du Urretxu-Zumarraga Bizi! plataformak. Azpimarratu du pirolisiak osasunarentzat kaltegarriak diren kutsatzaile kimikoak askatzen dituela,... [+]
Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura... [+]
4.500 herritarrek eta Bergarako Udalak jarritako helegiteei muzin egitea egotzi dio Larramendiko Arnasa plataformak Eusko Jaurlaritzari eta manifestazioa antolatu du erraustegi proiektuaren aurka hilaren 19an, igandearekin.
Errausketaren Aurkako Mugimenduak eragile anitzen babesarekin antolatuta, martxa girotu batek Lasarte-Oria eta Zubietako erraustegia lotu ditu larunbat honetan.
Astearte honetan jakinarazi du albistea Bergarako Udalak, baina dioenez Jaurlaritzaren ebazpenak ez die erantzuten baimenik ez emateko udalaren argudioei eta helegitea jarriko dio Ingurumen Iraunkortasuneko Sailburuordetzaren ebazpenari.
Udalaren eta Behemendi elkartearen arteko elkarlanaren fruitu da ekimena. Herrian sortutako hondakin organikoaren zati bat Lartzandieta baserrian konpostatzen hasi dira.
Valogreene Paper BC SM enpresari emandako hirigintza-bateragarritasunari buruzko txostena baliogabetu du Bergarako Udalak, aipatutako txostena egiteko adierazitako jarduera ez datorrelako bat ez ingurumen-baimen integratua lortzeko proiektuan jaso den jarduerarekin, ezta... [+]
Eguzki Talde Ekologistak Donostiako gaikako hondakinen 2020ko San Marko Mankomunitateko datuak aztertu ditu. Azkenaldian, herritarrak kontzientziatzeko birziklapenaren aldeko kanpainak ugaltzen ari direla dio taldeak, baina “itxurakeria” eta... [+]
Zabortegien edukiera bikoiztu egin beharko da EAEn 2030 urtera arteko epean, Eusko Jaurlaritzak aitortu duenez. Horri aurre egiteko hainbat proiektu daude mahai gainean, egungo zabortegiak handitu eta berriak irekitzeko, hala jaso du Berria egunkariak.