Azkoitiko Larke enpresak hondakinak kudeatzen hasteko bi baimen falta ditu
Azkoitiko Larke 360 SL enpresak herrian hondakinak kudeatzeko duen proiektuari Eusko Jaurlaritzak eman diona ingurumen-inpaktuaren txostena da, ez da Ingurumen Baimen Bateratua. Beraz, Larke enpresak beste bi baimen behar ditu jarduera martxan jarri ahal izateko: Eusko Jaurlaritzak eman beharreko hondakinak kudeatzeko baimena eta Azkoitiko Udalak eman beharreko jarduera baimena.
Ingurumen-inpaktua EAEko apirilaren 6ko buletin ofizialean argitaratu da, ebazpen modura eta ebazpenak zera dio jarduerari buruz: "Ez da aurreikusten ingurumenean eragin negatibo nabarmenik sortzea. Horrenbestez, ez da beharrezkoa ingurumen-inpaktuaren ebaluazio arrunta egitea". Beraz, pentsa liteke jarduera martxan jartzeko ez diotela "kutsatzeko ahalmen handia izan dezaketen instalazioei aplikatzen" zaien Ingurumen Baimen Bateratua (IBB) eskatuko.
Ordea, uztailaren 1eko 16/2002 legearen arabera, kuestionagarria da dimentsio hauetako proiektu batek ez ote duen beharrezko IBB. Izan ere, urtean 183.390 tona hondakin kudeatzeko gaitasuna izatea eskatu du (aipatutako legearen I. eranskinean daude derrigor IBB behar duten jarduerak eta bolumenak).
Baimenak baimen, garrantzitsua da jakitea nori dagokion kontrolatzea jarduera egoki egiten dela eta kutsadurarik ez duela sortzen. IBB Eusko Jaurlaritzaren Ingurumen sailak ematen du, eta IBB duten jardueretan kutsaduraren kontrola Ingurumen sailaren esku geratzen da. Hau ez denez proiektu honek oraingoz daraman bidea, ikus dezagun zein prozedura jarraitu beharko dituen orain, eta ingurumena zaintzeko kontrolak nork egin beharko dizkion.
Zein baimen behar ditu Azkoitiko proiektuak martxan jartzeko?
Azkoitian hondakinak kudeatzeko planta martxan jartzeko Larke 360 SL enpresak hondakin kudeatzailearen baimena beharko du, batetik. Baimen hau Jaurlaritzaren Ingurumen sailak ematen du eta aipatu dugun ebazpenean azaltzen denez, enpresak dagoeneko baimen hori eskatua dauka.
Bestetik, Azkoitiko udalak jarduera baimena eman behar dio. Horretarako, udalaren arau subsidiarioek onartu behar dute leku horretan jarduera mota hori egin ahal izatea. Gainera, Gipuzkoako Buletin Ofizialean argitaratu behar da enpresak udalari egindako jarduera baimenaren eskaera, hau da, jendeaurrean publiko egin behar da eta alegazioetarako epea zabaldu. Oraingoz ez da horrelakorik argitaratu Buletin Ofizialean.
Udalak jarduera baimena emanez gero, udalaren ardura izango da jarduera honen kontrola egitea, ingurumenean izan ditzakeen ondorioak saihesteko.
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Zumarragan badugu eraikin-multzo bat herriguneak besteko zabalera duena ia, Arcelor Mittal-en fabrika zaharra, industriak gurean izan duen garrantzia geroz eta urriagoaren erakusgarri. Hura itxi eta gutxira, 2021eko urrian, Eusko Jaurlaritzako Ekonomiaren Garapen,... [+]
Plastic Energy enpresak Zumarragan hondakin plastikoen birziklatze kimikorako instalazioa jartzeko asmoa "kezka handiz" ikusten du Urretxu-Zumarraga Bizi! plataformak. Azpimarratu du pirolisiak osasunarentzat kaltegarriak diren kutsatzaile kimikoak askatzen dituela,... [+]
Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura... [+]
4.500 herritarrek eta Bergarako Udalak jarritako helegiteei muzin egitea egotzi dio Larramendiko Arnasa plataformak Eusko Jaurlaritzari eta manifestazioa antolatu du erraustegi proiektuaren aurka hilaren 19an, igandearekin.
Errausketaren Aurkako Mugimenduak eragile anitzen babesarekin antolatuta, martxa girotu batek Lasarte-Oria eta Zubietako erraustegia lotu ditu larunbat honetan.
Astearte honetan jakinarazi du albistea Bergarako Udalak, baina dioenez Jaurlaritzaren ebazpenak ez die erantzuten baimenik ez emateko udalaren argudioei eta helegitea jarriko dio Ingurumen Iraunkortasuneko Sailburuordetzaren ebazpenari.
Udalaren eta Behemendi elkartearen arteko elkarlanaren fruitu da ekimena. Herrian sortutako hondakin organikoaren zati bat Lartzandieta baserrian konpostatzen hasi dira.
Valogreene Paper BC SM enpresari emandako hirigintza-bateragarritasunari buruzko txostena baliogabetu du Bergarako Udalak, aipatutako txostena egiteko adierazitako jarduera ez datorrelako bat ez ingurumen-baimen integratua lortzeko proiektuan jaso den jarduerarekin, ezta... [+]
Eguzki Talde Ekologistak Donostiako gaikako hondakinen 2020ko San Marko Mankomunitateko datuak aztertu ditu. Azkenaldian, herritarrak kontzientziatzeko birziklapenaren aldeko kanpainak ugaltzen ari direla dio taldeak, baina “itxurakeria” eta... [+]