Aezkoa bailarako gasolindegi bakarrak abendura arte irekita jarraituko du
Astearen hasieran jakin zen datorren astelehenetik aurrera Nafarroako Aezkoa bailara bertako gasolindegi gabe geratuko zela, eroslerik aurkitu ezean, oraingo jabeak Aribeko gasolindegia ixtea erabaki zuelako.
Gasolina hartzeko, beraz, Aezkoako bailarako 853 biztanleak Oronzera (26 kilometro) edo Aurizberrira (11 kilometro) jo beharko zuten Aribeko saltokia itxiz gero. Horrez gain, bertan da baita ere janari saltoki bakarra eta hau ere itxiko zen. Azkenean, ordea, jasotako presio eta eskaerak aintzat hartuta, jabeak abendura arte irekita mantenduko du.
Diario de Noticias-ek argitaratu duenez, José Javier Remontegui da gasolindegiaren jabea eta martxoan ere itxi nahi izan zuen, baina orduan, Aribeko alkateak eta herritarrek egindako presioen ondorioz, onartu zuen abuztuaren 30a arte irekita eustea. Orbaizetako Koldo Landak du orain alokatua gasolindegia eta, dioenez, alokairuaren gorakadek ezinezkoa egiten zuten negozioarekin aurrera jarraitzea.
Nafarroako landa eremua populazioa galtzen ari da urtetik urtera eta halako zerbitzu galerek ez dute laguntzen herritarrek euren herrietan bizitzen jarrai dezaten. Orain lau hilabete dute bertako herritar eta agintariek gaiari aurre nola egin aztertzeko.
Nafarroako ipar-ekialdeko egoera larriari aurre egiteko Pirinioaldeko Mahaia sortu zuten zonaldeko hainbat gizarte eragilek eta erakundek. Nafarroako Gobernuaren utzikeria salatu dute bertako biztanleek. Aurizko alkate Unai Irigaraik eman dizkigu xehetasunak Guardasola saioan.
Asteazken honetan Pirinioetako herritarrek batzar irekia egin dute Jaurrietan eta salatu dute Nafarroako Gobernua ez dela behar bezala garatzen ari Pirinioetako Plana.
Pirinioetako Mahaiak agerraldia egin zuen ostiralean, "konpromisoen lege bat" eskatzeko eta Nafarroako Gobernuari "neurri zehatzak" exijitzeko.
Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]
Desagertzeko arriskuan dagoen basoilarra ikusi dute azken egunetan Larra eta Aztaparretako naturgunean, Belaguako La Contienda bailarako eski estazioko aparkalekuan. Jokabide arraro horrek kezka sortu du biologoen artean, aurtengo negu beroak eraginda izan baitaiteke. Basoilarra... [+]
1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]
Nafarroako ipar-ekialdeko eskualde honetan lau pertsona bizi dira kilometro koadroko, Erkidegoaren batez bestekoa baino hamabost aldiz gutxiago. Biztanleriaren zahartze larria eta zerbitzu publikoen gabezia dira zonaldeko kezka nagusiak.
Goizeko berria. Zuberoako Herri Elkargoak kudeatzen duen Irati gaineko eski-estazioa behin betiko zerratzea erabaki du, elur eskasean izanen direlako aurten ere. Oroitzen naiz duela hogei bat urte, Pyrénées Magazine aldizkariko zenbaki berezi batean,... [+]
Guztira 160.000 euro bideratuko ditu Nafarroako Gobernuak bertako biztanleen “aukera berdintasuna” sustatzeko. 174 ikaslek jasoko dute 360 eta 2.000 euro bitarteko diru-laguntza. Ez da nahikoa izango, ordea, Pirinioetako herritarrentzat, diru-laguntza eskatu dutenen... [+]
Pirinioetako husteari aurre egiteko legea eskatu dute eskualdeko ordezkariek. Hamar biztanletik bat galtzen du urtero eskualdeak.
Pirinioetan etxebizitza lortzeko dagoen arazoari aurre egiteko neurria onartu du Nafarroako Gobernuak. Etxebizitza publikoen alokairuaren prezioa %38 jaisteko hobaria aktibatu du, despopulazio arriskuan diren ibarretan "biztanleria finkatzea" helburu.