Azken zenbakia argitaratu du ‘Aldiri’ arkitektura aldizkariak
Hamabi urteko ibilbideari itxiera emango dio Aldiri arkitektura aldizkariak. Kalean da dagoeneko 45. eta azken zenbakia, Epilogoa izendatu dutena.
Iazko ekainean eman genuen Aldiri arkitektura aldizkariaren agurraren berri, eta hilabete batzuk pasa diren honetan, kalean da jada proiektuari itxiera emango dion zenbakia. 45. zenbakia izango da azkena, eta Epilogoa izendatu dute. Bertan, aldizkariaren ibilbidea gertutik jarraitu duten autoreen ekarpenak jaso dituzte.
Arkitektura "gizartea eraldatzen" duen diziplina dela jabetuta eta euskaraz sortu nahi zutelako ekin zioten 2009ko uztailean Aldiri. Arkitektura eta Abar aldizkaria argitaratzeari, Ibai Gandiaga eta Unai Fernandez de Betoño arkitektoek. Hastapen haietan ziotenez "guk irakurri nahiko genuken aldizkaria idatziz orain arte zegoen hutsunea" bete nahi zuten.
Proiektuari amaiera emateko arrazoiak ez dituzte aipatzeke utzi, eta " papereko formatuaren gainbehera" zein " idazle falta" aipatu dituzte. Azken arrazoi horrekin loturan, hala adierazi dute: "Azken urteotan zaila egin zaigu paper-ak jasotzea, norbaiti tiraka ibili garen sentsazioa izan dugu sarritan. Izan daiteke euskaraz arkitekturaren inguruko gaiez hainbeste ez dela idazten, eta urtean lau ale argiratzeko material urria dugula pentsatu dugu". Aspektu horrekin loturan, aipatu nahi izan dute, baita ere, idazleei egindako kritikak minez jasoak izan direla maiz: "Aldizkari zientifikoa zer den eta nola funtzionatzen duen agian ez dago oso zabaldua, eta idazleak kritika jasotzea ere mingarria suertatu da kasu batzuetan. Lehen esan bezala, iritzi-artikuluak eta artikulu zientifikoak onartu izan ditugu Aldirin. Zientifiko moduan argitaratzeko baina, ikerketa arrazoitua izatea eskatu izan dugu, ikerketa-aurrekariak, garapena eta ondorioak argi adierazi beharraz. Hori garatzea zaila izaten da arkitektura eta ingurukoetan, zeinetan subjektibotasunak indar handia hartzen duen. Are gehiago gure herrian, zeinean ideologiari loturiko lerratzeek pisu handia izan duten".
Horri guztiari batu zaio azken urteetan prozesua forma edota emaitza baino garrantzia handiagoa hartzen joan izana, eta baliabideak helmugak baino pisu gehiago hartu izana. "Aldiri helburu batekin jaio zen, arkitekturari buruz euskarazko materiala edukitzea, sortzea eta biltzea. Beharbada orain euskaraz aritzea izan daiteke helburua, alegia, prozesua bera euskaratzea".
"Eginikoarekin pozik eta harro", eta etorkizunari baikor begiratuz eman diote amaiera proiektuari. Izan ere, posible ikusten dute aurrera begirakoan antzerako proiektu batek agerpena egitea, eta halakorik pozez hartuko luketela aurreratu dute.
Ez dute pertsiana guztiz jaitsi nahi izan hamabi urteotan ondoan izandako ilustrazio-, komiki- eta azal-egileei, eta UEUri eskerrak eman gabe.
El Villar aztarnategian 2017an aurkituriko mosaiko erromatar handia zaharberritu eta ikusgai jarri dute Ablitasko kultur etxean. IV. mendeko villa edo etxaldeak 40.000 metro koadro ditu eta oso-osorik dagoela uste dute arkeologoek, nahiz eta zati txiki bat baino ez duten... [+]
Kalearen eszena irudiz beterik dagoen leku bat bezala agertzen zaigu, hitz eta irudiz osaturik, informazio, iragarpen, publizitate eta mezuekin batera paseatzen baitugu egunero eta uneoro. Kalea euskarri fisiko boteretsua izanik, ikusezko kulturaren sustatzaile izateko, eta... [+]
Etxean sartuta dago gurekin sentituko dugun txoko bat, gauaren nekean besarkatzen gaituen gune bat, negarra askatzeko espazio sentituko dugun hori, goxotasunarekin konektatuko gaituen etxekoitasuna, bakardadean konpainia egingo gaituena. Mugimenduan diren bizitza askok ez dute... [+]
Non dago auzoa lekututa? Galdetzen du irudiak. Gure testuinguru eraikiak hartu duen deribagatik, irudian ikusten duguna aldirietako auzo berri bat izan ezean, kasu gehienetan ez dugu irudian identifikagarritzat jo dezakegun ezer topatuko. Tranpa batean sartu gaitu, erantzuna... [+]
Etxe batean badira zenbait gune, gutxitan erakusten zaizkionak etxetarra ez den norbaiti. Esan trastelekua, ganbara, galdara gela, armairu bat. Askotan lurrazpiko etxeko oinean edo irisgarritasun gutxiko etxearen goialdean kokaturik dira. Etxearen txoko hauek lotsa,... [+]
Baltimore ibai gaineko zubiaren erorketa urte bukaerako oroimeneko irudien artean jasoko da, zubi baten erorketa ikuskizun zirraragarri eta salbuespenekoa baita. Zeren eta zubiak eta eraikinak ez dira berez erortzen, lehergailu edo artefaktu baten eztandak bat-batekotasunaren... [+]
Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.
Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]
2024ko Arkitektura Pritzker Saria arkitekto japoniar bati esleitu zaio: Riken Yamamoto-ri. Bere izena tekleatzen baduzue, bere izenari lotuta dauden eraikin irudiak ez dira bereziki deigarriak. Deigarria dena da Pritzker sariak oraindik ere eraikin berriak eta oparoak egitearen... [+]
Otsaila da iaz ekoiztutako pelikula uzten sari banaketaren hilabetea. Zinemara joateko aitzakiarekin, arkitektura eta hiria oinarri dituen Wim Wenders-en Perfect Days ekarri nahi dut hizketaldira.
Pelikularen sinopsi zabalduan irakurri daiteke komun publikoetan garatzen dela... [+]
Arto zelaietan aise eta trebeki mugitzen den traktorea hiriko pasealekuetan agertzeak irudi-txoke bat ekartzen du, lekuz kanpo dagoen gailuak bere dotorezia eta indarra galtzen du hirian, orpo altuko zapatek mendialdean paseoan ikustean galtzen duten bezalaxe. Traktorearen... [+]
Mostafa Waziri Egiptoko Antzinaroko Kontseilu Goreneko idazkari nagusiak Mizerinoren piramidea zaharberritzeko proiektu erraldoia aurkeztu du berriki: Gizako piramiderik txikiena granitozko blokez estaliko dute, jatorrizko itxura berreskuratu dezan. Wazirik proiektua gogo biziz... [+]
Eraikinak albistegiaren lehen lerrora etorri dira; batzuk eraikitzen hasiak direlako, honakoa eraitsi egingo delako eta hangoa, eraikitzea posible egiten duen bidea asmatu bitartean, eraikina izango ez delako, oraingoz. Guztietan, eraikina polemikaren erdigunean, eraikina... [+]
Berriak dio Arkitekturako Harvard unibertsitateko irakasle bat salatu dutela tesiaren zati bat kopiatu izanaganatik. Duela urte pare bat, Princeton-eko dekanoaren plagio salaketa baten eskandalua zabaldu zen, eta hango kasua gertuagotik jarraitzeko aukera izan genuen, kopialaria... [+]
Berriki Donostiako Arkitektura Eskolan agerkunde arkitektoniko bat izan dugu. Tesi doktoral baten markoan eta Ibon Telleria arkitektoaren eskutik, euskal baserriaren inguruko ezagutzaren aldaera bat azaldu da. Ekarpenak dio, lagar ereduaren baserrien hasierako eraikuntza 1450... [+]