“Azken urteotako desadostasunek gaztetxeen eraldaketarako gaitasuna eta erakargarritasuna murriztu dute”
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren galderei topaketen antolaketako kide Martin Urkiaga Zabalak eta Arrate Mendizabal Etxebarrietak
Ekainean aurkeztu zenituzten Topaketak “modu ireki, asanbleario eta horizontalean” prestatu dituzuela azaldu duzue. Nolakoa izan da prozesua eta zenbat gaztetxe eta gazte asanbladak hartu duzue parte?
Egia da Euskal Herri mailako gaztetxe eta gazte asanbladen topaketak egin izan direla aldian aldiro, ez ordea azken urteetan. Horregatik, faltan sumatzen genuen herri ezberdinetako gazteak elkartu eta modu kolektiboan mugimenduaren egoeraren, ditugun erronka eta oztopoen edota okupazioaren eta autogestioaren inguruan hausnartzea.
Horregatik erabaki genuen topaketak antolatzeko prozesua martxan jartzea. Hilabeteetan luzatu den prozesua izan da, ahalik eta toki gehienetako jendeak parte hartzeko aukera izan zezan. Zazpi lurraldeetako hamarnaka gaztek hartu dute parte modu batera edo bestera antolaketa prozesuan, eta beste hainbestek egunean bertan hurbiltzeko asmoa adierazi digute.
"Zazpi lurraldeetako hamarnaka gaztek hartu dute parte modu batera edo bestera antolaketa prozesuan, eta beste hainbestek egunean bertan hurbiltzeko asmoa adierazi digute"
Mugimenduan “atomizazioa eta polarizazioa” dagoela adierazi zenuten, eta topaketek horri erantzuteko helburua ere badutela. Topaketen antolaketan parte hartu duzuen gaztetxe eta gazte asanbladek zein ikuspegi duzue?
Ukaezina da Euskal Herriko gazte mugimenduaren egoerak eragin zuzena duela gaztetxe eta gazte asanbladetan ere. Azken urte hauetan nagusitu diren eztabaida edota desadostasunek gaztetxe eta gazte asanbladek zuten eraldaketarako gaitasuna eta erakargarritasuna murriztu dutela uste dugu.
Prozesuan parte hartu dugun gazteok pentsatzen dugu gaztetxe eta gazte asanbladak ildo estrategiko edo mugimendu politiko ezberdinetako kidez osatutako espazioak izan behar dutela, minimo politiko amankomun batzuen baitan. Maila lokalean bada ere tokian tokiko problematikei erantzun eta alternatiba errealak martxan jartzeko.
Mahai-inguruak eta tailer praktikoak iragarri zenituzten, zein da egitaraua?
Gure sare sozialetan topa daitezke antolatu dugun egitarauaren inguruko xehetasun guztiak. Mugimenduaren egoeraz edota gure espazioetan ematen diren jarrera eta botere harremanez hausnartzeko tailerrak antolatu ditugu, okupazioaren eta autogestioaren inguruko formakuntza saioak, eszena musikalaren inguruko eztabaida saio bat, komunikazioa eta politikaren ingurukoa edota borroka molde ezberdinen ingurukoa. Bazkaria eta kontzertu batzuk ere izango dira, eta nahi duenak lotarako tokia izango du.
Gazteak eta gaztetxeak askotan egoten dira errepresioaren jo-puntuan. Azken urteetan izan da hustuketarik edo epaiketarik, Mozal Legea aplikatuta milaka eta milaka eurotako isunak... Nola ikusten duzue egoera?
Errepresioa sistema zapaltzaile eta bidegabe honen kontra antolatzen garen militante eta mugimendu guztiei aplikatzen zaigu, beraz ezin ditugu kasu isolatu moduan ulertu. Horregatik ezinbestekoa da horrelako kasuen aurrean indarrak batu eta elkartasun antolatuaren bitartez erantzutea.
Gure aurkakoari dagokionez, Gaztetxe eta Gazte Asanbladen kontrako desalojo saiakera, lapurreta, epaiketa, isun edota jazarpen ororen aurrean elkarrekin erantzuteko deia luzatu nahi dugu.
.jpg)
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Errekaldeko Gaztetxearen aurkako huste-agindua heldu da jadanik. Espazioa defendatzera deitu dute bertako kideek.
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Larrabetzuko Hori Bai Gaztetxeak 60 urte bete ditu. Euskal Herriko Gaztetxe zaharrena da Larrabetzukoa.
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.
Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]