Muga itxita gero eta migratzaile gehiago ari da elkartzen Irunen
Irunen elkartzen ari den migratzaile kopurua gero eta handiagoa da, Gipuzkoa eta Lapurdi arteko muga zeharkatu ezinean geratzen dira bertan. Eusko Jaurlaritzak hauei aterpe emateko kontingentzia plana aktibatu du.
Ohikoak baino 40 leku gehiago prestatu zituen ostiralean Irungo El Peregrino aterpetxeak, Hondarribian beste 50 pertsonentzako lekua eta Donostiako ikastetxe batean ere prestaketa lanak egin zituzten migratzaile gehiago iristearen aukerari aurre egiteko. Eusko Jaurlaritzaren arabera, azken egunotan Irunen elkartu diren migratzaile guztiei laguntza eskaini zaie eta ez du inork gaua kalean pasatu.
Berria egunkariak azaldu duenez, magrebtarrak eta Sahara hegoaldekoak dira gehienak. Kanariar Uharteetatik eraman zituztela Iberiar penintsulara uste da eta handik heldu direla Euskal Herrira, Europako iparraldera joateko asmotan direla. Baina bidean Lapurdi eta Gipuzkoa arteko muga itxita aurkitu dute. Ipar Euskal Herrira igarotzeko mugako kontrolak asko zorroztu dira COVID-19aren izurritearen ondorioz eta orain PCR proba eginda izatea ere eskatzen zaie muga igaro nahi dutenei, migratzaileak Lapurdira iristea are zailagoa bihurtuz.
Guztira 150 pertsona inguru batu direla kalkulatzen da. Hondarribiako eta Irungo aterpetxeek 106 lagun hartu dituzte, hamabost emakume eta hiru adingabe tartean. Irungo Belaskoena auzoko aterpetxeak 64 lagun jaso ditu. Irungo erromesen aterpetxeak 30 lagun eta Hondarribiko aterpetxeak hamabi hartu ditu. Jaurlaritza, Gipuzkoako Foru Aldundia, eta Irungo, Hondarribiko eta Donostiako udalak elkarlanean ari dira baliabide horiek prestatzen.
Herrialde berri batera moldatzeak dakarren astindu identitarioaz gain, migrazio-bidaietan eta berton aurre egin behar dieten indarkeriek oztopatzen dituzte etorkinen bizipenak. Psikoterapia da ondoeza sendatzeko bide bat, baina ez bakarra.
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Gutxienez 33 pertsonaz aprobetxatu da. Irunen jaso eta Ipar Euskal Herrira eraman ditu, dirua kobratuta.
Lehen ediziotik zortzi urte igaro direnean, salaketa eta elkartasun ekimen hau Balkanetako mugara abiatuko da datorren uztailaren 12an, 21 arte.
Aurten ere, Mugak Zabalduz karabanan ia ehun lagun abiatuko gara Euskal Herritik, Europaren migrazio politikak, eta aurten bereziki onartu berri duen Migrazio eta Asiloko Paktua, salatzeko asmoz. Aurten Balkanetako mugara joango gara, Bosnia Herzegovinako Bihac hirira; hor... [+]
Martutene auzoan lapurretak ugaritu direla aitzakia hartuta, iaztik, hainbat dira Martutene auzoan eztabaida eta polemikak. Segurtasun talde bat sortu zuten hainbat bizilagunek, “Ertzaintzak ezer egiten ez zuela iritzita”. Pauso bat urrunago joan dira orain, eta... [+]
Aita Mari ontzian salvamento marítimo humanitario izeneko gobernuz kanpoko erakundearekin lanean ari da Isa Egiguren kazetaria.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
Futbolarien agente bat dela antzeztuta, gazteei dirua eskatu eta Kolonbiatik migratzera bultzatu ditu iruzurgileak, sinetsarazita Euskal Herriko futbol talderen batek interesa izan zezakeela haiengan. Gutxienez 25 pertsona engainatu ditu, eta pilatuta izan ditu azpialokatutako... [+]
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.
Migrazio politikaren gogortzea dakarren dekretua izenpetu du ekainaren 4an AEBetako presidente Joe Bidenek eta asteazken honetan sartu da indarrean neurria. Testu horrek dio egunean 2.500 zeharkatze ilegalen langa gaindituz gero (asteko batezbestekoa eginez), muga erabat itxiko... [+]