Azken aholkua
Literatura dela telebista dela, Aitorrek hiruzpalau ordu soilik egiten du lo, baina umore onez etortzen zaigu euskaltegira; Inmak bata bestearen atzetik irakurri ditu Musika airean, Jenisjoplin eta Amek ez dute; Jabierrek lan handixeagoa du Lur bat haratago leitzen; idazlerik ere badugu gure artean, eta ez nolanahikoa, gainera.
Rakel 11 urte Nikaraguan egin ondotik itzuli da euskararen altzora; Edortak are denbora luzeagoa zeraman euskaltegietatik urrun, joan den irailean ikasteari berrekin zion arte; Leire datorren urtean joango zaigu Irlandara, eta atzerriratu baino lehen amaitu nahi ditu hemengo kontu akademikoak.
Lorek eta Ainhoak iaz mintzamen-proba suspenditu zuten, aurten azterketa osoa egin beharko dute berriro; Iratxerentzat eta Mari Carmenentzat lehenengo aldia izango da; Gorka dugu guztien artean beteranoena, baina ez dago etsitzekotan, baikor aurrera egitekotan baizik.
Hizkuntzarekiko jarrera aktiboa duenak, noizbait atzera begiratu eta pozik ikusiko du euskaltegiko bidaian titulua baino zerbait gehiago jaso duela
Ikasle askok egingo diote aurre datorren astean HABEren azterketari. Batzuentzat urte osoko helmuga izango da, beste batzuentzat ikasturteko jarduera soila. Azterketako unea iristen denean, edozelan ere, guztiak asaldatuko dira, eta beste horrenbeste gertatuko zaio urtean zehar ondoan izan duten irakasleari.
Azken aholkua ematera, honakoa baino ez zait bururatzen: gogoan izan bideaz gozatzea dela inportantea. Hori irakatsi zigun Kavafis poetak: “Izan beti Itaka buruan/ Hara heltzea da zure jomuga/ Ez zaitez, hala ere, presaka ibili/ Hobe bidaia luzea bada/ Bidean ikasitako guztia soinean iritsiko zarelako”.
Euskaraz irakurri, idatzi, mintzatu, bizi. Ziur nago hizkuntzarekiko jarrera aktiboa duena noizbait iritsiko dela bere helmugara, dena delako Itaka horretara. Orduan, atzera begiratu eta pozik ikusiko du euskaltegiko bidaian titulua baino zerbait gehiago jaso duela.
Paulo Alberdi
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Zertarako irakaskuntza kontzertatua?
Eskola publikoko eragile gehienen kontra EAEn onartu den Hezkuntza Lege berriak irakaskuntza kontzertatuaren doakotasuna bermatzea du helburu, beti ere botere publikoen finantzaketaren bidez, jakina. Espainiako Estatuan ere gobernukideek... [+]
Azaroaren 15ean Errenteria-Oreretan Euskal Herria Digitala osatzen dugun eragileek antolatutako hirugarren jardunaldiak egingo ditugu. Autodefentsa digital feminista lantzeko tailer bat eta digitalizazio demokratikoa oinarri izango duen hitzaldi bat izango dira... [+]
Aste batzuk daramatzagu hedabide eta sare sozial guztietan Iñigo Errejoni indarkeria matxista batzuengatik egindako akusazioei buruzko iritziak entzuten. Horrekin batera, eztabaida asko sortzen ari dira: nola salatu behar dugun emakumeok, nolakoak izan behar duten gure... [+]
Badira hauteskundeek erabaki politikoei legezko izaera emateko baino ez dutela balio diotenak. Eta ez dira gutxi horrela pentsatzen dutenak. Bale, baina horrekin gauza asko esaten dira, besteak beste, benetako agintea, boterea, joko horretatik kanpo dagoela.
Baina –nire... [+]
Azken hamarkadotan euskalgintzan jardun izan dut, dela helduen euskalduntzean AEKn, dela hizkuntza-eskubideen defentsan Behatokian, dela euskararen normalizazioaren alde Euskalgintzaren Kontseiluan. Den-denetan egokitu zait euskalgintza edota herrigintza auzitan jartzen zutenen... [+]
Dakigunez, Hego Euskal Herriko Independentismo Instituzionalak ibilbide-orri jakin bati ekin dio. Espainiako Estatuarekin itun berri bat sinatzea. Bide horrek zenbait aldagai ala premisa nagusi erabiltzen ditu. Hala nola: PSOE ezkerreko alderdia da; Espainiako Estatua... [+]
Batzuetan, mehatxua behar izaten dugu arriskuan dagoenaren garrantziaz jabetzeko. Eta mehatxu horren tamainaren araberakoa izaten da balizko erasoari erantzuteko barruan sentitzen dugun indarra. Konturatu orduko, zeure burua ikusten duzu lanean, buru-belarri, galtzeko arriskuan... [+]
Agorrilaren 27an igorri nizuen gutunean, irailaren 10eko auzian euskaraz deklaratzeko asmoa nuela adierazi nizuen. Auzi honen hastapenean, epaile nagusiari euskaraz zekienez galdegin nion. Gutxiespenarekin ezetz erantzun zidan. Orduan, nere gutuna eskuratu zuenez frantsesez... [+]
Nekazari eta abeltzainentzat Energia Berriztagarrien Lurralde Plan Sektoriala (EEBB LPS) irakurtzea etsigarria izan bazen –eta izan zen–, ez pentsa askoz alaiagoa izan denik 2023ko uztailean horri jarritako 4.217 alegazio-egileri emandako erantzunen txostena... [+]
Wikipedia.org-en arabera, Gish gallop (Gish-en lauhazka) edo falazien metrailadorea "eztabaida teknika bat da, aurkariari ahalik eta argudio gehienekin eraso egiten diona, argumentu horien zehaztasuna edo sendotasuna kontuan hartu gabe", eta albo-ondorio gisa... [+]
Terminoaren jatorria XIX. mendearen hasieran kokatzen da. Garai hartan, liberal ingelesen asmo inperialistek errusiarrekin talka egin zuten, Errusia Asian zabaltzen ari baitzen eta Ingalaterraren kolonizazio nahiak oztopatzen. Beren interesak babesteko, Ingalaterrak errusiarren... [+]
Juanje Soria abokatua urriaren 26an hil da, Iruñean. Foro Sozial Iraunkorreko kide ohiek Soria oroitu dute gutun honetan.
Asteartean EH sareko partaide batek Mozal Legearen bidez jasotako isun baten harira epaiketa izango du. Mendian, sarraskitu nahi dituzten mendi horietan ibiltzearren eta lurraldearen, lurraren, zaintzan eta defentsan aritzearren ertzaintzaren jazarpena jasan zuen. Beste behin... [+]
Autoan noala hasi naiz artikulua zirriborratzen, mentalki. Ideiarik onenak autoan izan ohi ditut, bakarrik gidatzen ari naizela. Bilborantz noa, Arriaga antzokira. Artedrama konpainiak Miñan antzezlana taularatuko du gaur. Urriak 25 ditu, ostirala da.
Antzokiko atarira... [+]
Bizi garen gizartea erabat oinarrituta dago menpekotasunean. Mendeetan zehar gure bizitza horren arabera eratu da, eta poliki-poliki erabakitzeko eskumena, askatasuna eta burujabe izatea murriztuz joan dira. Batzuetan bortizki kendu dizkigute; besteetan, ordea, geuk eman ditugu... [+]