Azkarate Garbi plataformak hondakin guneaz jarrera garbi adierazteko eskatu dio alkateari
"Denen adostasunik ezean", hondakinak kudeatzeko plantarik ez dela egingo adierazi zuen Javier Zubizarreta Azkoitiko alkateak apirilaren 17an. Auzotarren plataformak erantzun dio egunotan garbi geratu dela herrian adostasunik ez dagoela, eta, horrenbestez, bertan behera uzteko proiektua.
Azkoitiko Maxixatzen hedabideak landu du albistea:
Azkoitian hondakin ez arriskutsuak kudeatzeko gunea egiteko proiektuak kezka eragin du herrian, eta hainbat eragilek eta herritarrek egindako presioaren ondorioz, Javier Zubizarreta alkateak ohar bat kaleratu zuen apirilaren 17an. Han zioenez, besteak beste, "denen adostasunik ez bada, ez da obra hondakinen birziklapen plantarik eraikiko". Azkarate Garbi auzotarrak plataformako kideek "jarrera aldaketa" ikusi dute Zubizarretaren adierazpen horietan, eta berri ontzat jo dute hori, baina uste dute alkatearen esanak "zuhurtziaz" hartu beharra daudela, "orain arteko ekintzek eta kontraesanez betetako adierazpenak beste helburu bat" zutelako.
Azkarate Garbi auzotarrak plataformako kideen arabera, "udalaren lana herritarren interesak denfendatzea eta ongizatea bermatzea da", eta garbi daukate horrelako gune bat jartzeak "onurak beharrean kalteak" ekarriko lituzkeela. "Gure etorkizuna dago jokoan, gure ingurunea, osasuna eta bizi kalitatea. Beraz, eskatutako bilera egitea onartu bada ere, alkateari posizionamendu eta jarrera garbi bat har dezan eskatu nahi diogu".
Auzotarren plataformako kideen irudiko, "garbi ikusi da herrian adostasun osorik ez dagoela" Azkaraten eraiki nahi duten gunearen inguruan. Hori horrela, "alkateak eta haren alderdiak proiektua bertan behera gelditzen dela publikoki adieraz dezaten nahi dugu". Hori gertatzen ez den bitartean, borrokan jarraituko dutela ohartarazi dute auzotarrek.
Bukatzeko, auzotarren plaformako kideek eskerrak eman dizkiete herritarrek osatzen duten Azkarate Garbi plataformako kideei eta gainontzeko herritarrei, alkatearen jarrera aldaketa ez zatekeelako posible izango haien laguntzarik gabe. "Egunero herri osoan entzun dira lapiko-jotzeak, eta horrek garbi erakusten du Azkoitiko gainerako herritarrek ere Azkarate garbi nahi dutela, hondakinik gabe".
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Zumarragan badugu eraikin-multzo bat herriguneak besteko zabalera duena ia, Arcelor Mittal-en fabrika zaharra, industriak gurean izan duen garrantzia geroz eta urriagoaren erakusgarri. Hura itxi eta gutxira, 2021eko urrian, Eusko Jaurlaritzako Ekonomiaren Garapen,... [+]
Plastic Energy enpresak Zumarragan hondakin plastikoen birziklatze kimikorako instalazioa jartzeko asmoa "kezka handiz" ikusten du Urretxu-Zumarraga Bizi! plataformak. Azpimarratu du pirolisiak osasunarentzat kaltegarriak diren kutsatzaile kimikoak askatzen dituela,... [+]
Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura... [+]
4.500 herritarrek eta Bergarako Udalak jarritako helegiteei muzin egitea egotzi dio Larramendiko Arnasa plataformak Eusko Jaurlaritzari eta manifestazioa antolatu du erraustegi proiektuaren aurka hilaren 19an, igandearekin.
Errausketaren Aurkako Mugimenduak eragile anitzen babesarekin antolatuta, martxa girotu batek Lasarte-Oria eta Zubietako erraustegia lotu ditu larunbat honetan.
Astearte honetan jakinarazi du albistea Bergarako Udalak, baina dioenez Jaurlaritzaren ebazpenak ez die erantzuten baimenik ez emateko udalaren argudioei eta helegitea jarriko dio Ingurumen Iraunkortasuneko Sailburuordetzaren ebazpenari.
Udalaren eta Behemendi elkartearen arteko elkarlanaren fruitu da ekimena. Herrian sortutako hondakin organikoaren zati bat Lartzandieta baserrian konpostatzen hasi dira.
Valogreene Paper BC SM enpresari emandako hirigintza-bateragarritasunari buruzko txostena baliogabetu du Bergarako Udalak, aipatutako txostena egiteko adierazitako jarduera ez datorrelako bat ez ingurumen-baimen integratua lortzeko proiektuan jaso den jarduerarekin, ezta... [+]
Eguzki Talde Ekologistak Donostiako gaikako hondakinen 2020ko San Marko Mankomunitateko datuak aztertu ditu. Azkenaldian, herritarrak kontzientziatzeko birziklapenaren aldeko kanpainak ugaltzen ari direla dio taldeak, baina “itxurakeria” eta... [+]