Aysenur Ezgi Eygi-ri zuzenean egin zioten tiro burura Israelgo soldaduek, autopsiaren arabera
Turkiar-estatubatuar aktibista irailaren 6an hil zuten Beiti herrian, Nablus hiriaren ondoan, Zisjordanian, Palestinako Lurralde Okupatuetan. Orain forentseen azterketek iradokitzen dutenez, Israelgo soldatuek zuzenean egin zioten tiro aktibistari.
Palestinako Aginteak egin zuen lehen autopsia eta bertan zehazten denez, tiroaren moldeak eta honek buruan eragindako kalteek iradokitzen dute Aysenur Ezgi Eygi-k Israelgo soldatuen tiro zuzena jaso zuela buruan.
Rayyan al-Alil mediku palestinarrak zuzendutako taldeak egin du txostena eta horrek ezeztatu egiten du Israelgo armadaren bertsioa, zeinaren arabera “lurrean errebotatu ondoren” eman zion balak aktibistari. Joe Biden AEBetako lehendakariak dena ikertu behar zela esan zuen, baina gertaerak argitu bidean bat egin zuen Israelen azalpenekin.
Autopsiaren txostena ikusi duten hiru adituk Middle East Eye hedabideari azaldu diotenez, Ezgik garezurrean izandako kalteek eta haren barnean eragindako suntsiketa mailak adierazten dute zuzenean jaso zuela tiroa.
Sermet Koc forentse turkiarrak hamarkadak daramatza autopsiak egiten eta bat etorri da balorazioarekin: tiroa zuzena izan zen eta ez errebotea. Areago, bere ustez, “balak eragindako sarrera-zuloaren tamaina handiak akaso esan nahi du ez zela pistola edo eskopeta sinple batekin egin, eta tiroa frankotiratzaile batek egin zuela”.
Eygi Nazioarteko Elkartasun Mugimenduaren kide zen eta Beita herrian soldadu israeldarrek palestinarren bilkura bat sakabanatu zutenean eman zen hilketa. Bertan ziren lekukoen arabera, soldaduek lehenik negarra eragiten duten gasa erabili zuten bilkura sakabanatzeko. Eta ondoren, bi tiro-sorta egin zituzten taldearen aurka, “oso urrutitik”. Balak buruan jo zuenean Eygi taldetik urrunduta ei zegoen, zutik, emakume baten ondoan.
Biden suminduta
Hasieran Israelgo bertsioarekin bat egin bazuen ere, kazetariek estutu ondoren, joan den asteazkenean “suminduta eta oso triste” zegoela adierazi zuen, eta heriotza hainbat “gertakari jarraituen ondorio” izan zela. Ondorioz, ikerketa zorrotza eta hilketaren arduradunen zigortzea eskatu zuen.
Dohako (Qatar) Gradu Ondorengo Ikasketen Institutuko Tamer Qarmot irakasleak Al Jazeera-ri egindako adierazpenen arabera, Bidenen esanak hutsalak dira, “aurrekariak aintzat hartuta argi ikusten delako ez dela inor zigortzen”. Adibide gisa jarri zuen Al Jazeera-ko kazetari eta AEBetako herritar Ahireen Abu Akleh-ren kasua, zeinari Jeninen lanean ari zenean eta kazetari gisa argi identifikatuta egon arren, soldadu israeldarrek tiro egin zioten buruan. 2022an gertatu zen hilketa hori eta oso entzutetsua izan zen, baina inor ez da zigortua izan horregatik.
“Te Siklârel Romanipen” ikasketa plana prestatu dute Ijito Herriaren historia eta kultura Derrigorrezko Bigarren Hezkuntzan txertatzeko. Eusko Jaurlaritzako Hezkuntza Sailak sortu du proiektua, EHUrekin eta Amuge Euskadiko Emakume Ijitoen Elkartearekin... [+]
Argazkia bai, ala argazkia ez? Oraintxe bertan, ez dago argi Rio de Janeiron hasi berri-berria den G20aren goi bileran argazkia izango ote dugun ala ez. Bertaratu diren agintari gorenen “familia-argazkia”, alegia. Horrelakoetan arauzkoa bihurtu dena: turista... [+]
Palestina, mediatikoki aurkeztua ez den bezala, aipatu zen joan den larunbatean Makean, mintzaldi, tailer, merkatu eta kontzertuen bidez.
"Hizkuntzen irabazia" kongresua izango da azaroaren 26an eta 27an Donostian. Arlo digitalean inglesaren erabilera aregotzen ari den garaietan, kongresuak euskara bezalako hizkuntza gutxituek tokiko ekonomiari egiten dioten ekarpena agerian utzi nahi du.
Urtarrilaren 20an utziko du AEBko presidente kargua Joe Bidenek, lekukoa Donald Trumpi emanda –zeinak AEBen norabide aldaketa marka dezakeen Ukrainako gerran–. Agintaldia amaitu aurretik, baina, irakurri dugu Ukrainari baimena eman diola Errusiako Kursk eskualdean... [+]
192 milioi sagar 2024. urtean. Segundoero sei sagarretik gora saltzen du Britainia Handiko Tesco supermerkatu kate han ezagunak; ia 27.000 tona. Zenbaki ikusgarriak dira baina are harrigarrigoak dira bertokoak, Ingalaterrako sagarrak direla jakinda.
Urriaren 24an 40 urte egin du preso Georges Ibrahim Abdallah libanoarrak Frantziako Estatuan. Palestinaren askatasunaren aldeko militantea, Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatua da... [+]
Hori da Israelgo hedabideetan azken egunotan bolo-bolo dabilen albistea. Baieztapenaren inguruan auzi ugari daude, eta horietako batzuk ikerketa judizialean aztertzen ari dira. Israelgo Estatuko Fiskaltza urriaren amaieratik ikertzen ari da Benjamin Netanyahu Israelgo lehen... [+]
Larunbatean Makean izanen da Hamza Abuhamdia, Parisen bizi den palestinar queer-a, Palestinaren aldeko topaketaren kari. Israelek bideraturiko pinkwashing-ari buruzko tailerra eskainiko du –bat-bateko euskarazko itzulpenarekin– arratsaldeko 15:30ean. LGBT pertsonen... [+]
Munduko pertsonarik aberatsena da Musk, Forbes-en azken sailkapenaren arabera. Vivek Ramaswamy politikari eta enpresa-buru kontserbadorea izanen du bere ondoan, kargua betetzeko. "Erreforma estrukturala" bideratzekoa dute, gobernuarentzat "inoiz ikusi gabeko... [+]
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
2023ko abuztuaren 4an atxilotu zuten etxean Teherango Inteligentzia Ministerioko agenteek. Desagerrarazi eta gero, fisikoki nahiz psikologikoki torturatu zuten Evingo espetxean. Orain heriotza-zigorra ezarri diote, eta espetxekideek haren aldeko defentsa eskutitza argitaratu... [+]
Nafarroan torturatutako ia mila pertsonaren errealitatea eraldatzen hasi berri dela azaldu du antolakuntzak. Nafarroako torturaren biktimen lehen aitortza ofiziala aurtengo apirilean egin zen, eta oraingoa antzeko prozesuetatik igaro diren beste torturatuekin eta gaian aditu... [+]
Goiburu baten bidez ezagutu nuen Juana Dolores; zera zioen: iraultzaileagoa zela ondo idaztea, katalanez idaztea baino. Flipatu egin nuela aitortu diot, eta berak esan dit bizitzako lehen elkarrizketa zuela hura. Lau urte geroago, berritasunaren olatua surfeatu du, eta... [+]
