18:45. Zazpietarako egin dute hitzordua lagunek, baina prest egotetik urrun harrapatu nau mugikorreko alarmak. Sandien marrazkitxoak dituen pijama soinean eta ordenagailuko Google dokumentu hutsari so, onartu dut gaur ere ez naizela garaiz iritsiko. Dena den, aitzakiak ez du preziorik oraingoan: ARGIArako zutabe bat idazten ari nintzen. Imajinatu ditut lagunen aho irekiak, eskuetako Estrella Galiciak poliki-poliki lurrera irristatzen zaizkien bitartean.
Aitzakiak ez du preziorik, aitzakiak ez du preziorik… Tira, kosturen bat edukiko zuen agian honek guztiak. Zergatik ari naiz ni zutabe bat idazten? Zergatik nago ni literatura banda batean? Zergatik gustatzen zait niri idaztea? Meritu propioaren utopia alboratuz, burura datorkit DBHko 2.mailan egin ziguten ebaluazio diagnostikoa, edo, beste modu batera esanda, “ikastetxeei hezkuntza prozedurak hobetzen laguntzen dien prozesua”. Zenbait konpetentzia neurtzen zituzten proba luzeen ostean, azken huskeria bat: ikasleon errendimendu ona (edo eskasa) justifikatzen duten faktoreak bilatzeko galdetegia.
Galdera zopa hartatik bat bakarra gelditu zitzaidan gogoan: ba al duzu Axularren Gero etxean? Egongelako apalategiaren erdian pausaturik dagoen liburu lodi zaharkitu bat, bibliaren ondoan. Bai, badut. Eta zer gehiago? Etxe bat ere badut, liburuz betea. Eta aita bat, irakurzalea izateaz gain irakurtarazizalea ere badena. Eta zer gehiago? Ikastolan irakasle bikain bat ere eduki nuen, ariketak amaitzean irakurtzera bultzatzen gintuena, ariketa gehiago bidali ordez. Irakasle bat, gainontzekoen gabeziak agerian uzten dituen horietakoa.
Ni une honetan idazten aritzearen gutxi gorabeherako prezioa etxe batena, ikastolako matrikularena eta Axularren 'Gero' liburuarena da
Kalkuluak egiten hasiz gero, ni une honetan idazten aritzearen gutxi gorabeherako prezioa etxe batena, ikastolako matrikularena eta Axularren Gero liburuarena da. Azken honen ale merkeenek hogei euro inguru balio badute, atera kontuak. Beraz, kasualitatetik urrun, honek badu kostu bat, eta prezio batez etiketatzen dugun gauza ororen moduan, denok ezin dugu ordaindu.
Ebaluazio diagnostikora itzuliz, irudikatzen ditut milaka eta milaka ikasleri egindako galdetegiak, errealitate gordin baten isla diren galdetegiak “informazio konfidentziala” jartzen duen pegatinadun kutxetan sarturik, Eusko Jaurlaritzako Hezkuntza Sailera bidean.
Irudikatzen ditut pertsona helduak gela zuri batean, betaurrekoak sudurreraino jaitsita kutxetako paperak irakurtzen. Ordubete igarotakoan, gizon bizardun batek esango du aurtengoan ere emaitza txarrak egon direla, eta beste batek erantzungo dio ez dela harritzekoa, gazteak geroz eta okerrago datozela. Ezpainak gorriz margoturiko emakumeak esango du haur guztiek eduki beharko luketela liburutegi bat etxean, errua diru nahikorik ez duten gurasoena dela. Bere lagunak aipatuko du errua nerabe nagiena dela, dena eskura eduki arren ez dutela ezer egiten, eta besteren batek pentsatuko du atzeratuta doazen etorkinen umeak direla erantzuleak, baina ez du ezer esango, badaezpada.
Erantzuleak erantzule eta errudunak errudun, aho batez dekretatuko dute hurrengo ikasturtetik aurrera DBH 2. mailako ikasle guztiek ezinbestean irakurri beharko dutela Axularren Gero, eta cappuccino bat hartzera joango dira mundua konpondu duten sentipenarekin. Alboko gelan Urruzuno gazte literatur lehiaketaren aurrekontua murriztu berri dutenak batuko zaizkie handik gutxira, eta denen artean ospatuko dute zeinen azkarrak diren. Oinarrizko kontraesanei jaramonik egin gabe erreformatzea gaitasun bat da, azken finean.
Onartuko dut nik ere ez dudala Axularren Gero irakurri, baina esango nuke mezua ulertu dela.
Burgosko Gamonalen 2014ko urtarrilean gertaturikoa M15 mugimenduak eta antzekoek hauspotutako protesta soil batzuk izan zirela uste duena, oso erratuta dabil. Auzoaren memorian arakatzea besterik ez dago konturatzeko zer nolako eragina izan zuten iraganeko galera sentimenduak,... [+]
DBH4 errepikatu zuen urtea gogoratzen du Jonek Pleibak (Susa, 2024) eleberrian. Adinkideak Durangoko institutura aldatu ziren, eta Polly auzokidearen ikasgelan geratu zen bera. Haurtzaroa Joneren baserria eta Pollyren txaleta lotzen zituen errepidean gora eta behera emana zuten... [+]
6 urtetik beherakoek 16:30-17:30 artean baino ezin dute liburutegian egon Deban, eta 2 urtetik beherakoek zuzenean debekaturik dute. Bestelako neurri baztertzaileak ere jasaten dituzte. Ageriko diskriminazioak haurrak literaturatik aldendu baino ez ditu egiten, eta borroka luzea... [+]
DETAILE XUME BAT
Adania Shibli
Itzulpena: Aitor Blanco Leoz
Igela, 2024
----------------------------------------------
Egunotan, Israelgo soldadu batek bideo-joko batean balego bezala droneak erabilita Palestinako ospitaleak, eskolak, errefuxiatu-eremuak bonbardatzen... [+]
Hamahiru urte beteko dira asteartean, hilaren 14an, Jose Luis Alvarez Enparantza Txillardegi hil zela, eta hura gogoan, ekitaldi jendetsua egin dute Antiguako Gaskonia plazan. Urteroko legez, Txillardegiren senideak, lagunak eta euskaltzaleak elkartu dira bertan, Eta non du... [+]
Negua beti gertatu izan zait malenkoniatsu. Leihotik begira eta oroitzeko garaia, besterik ez. Udazkenaren eta udaberriaren tarteko burokrazia saihestezina, paramentu bertikal batean zuriz margotzea ostera gainean nahi dena islatzeko. Ez da nire kontua bakarrik, elurra bustia... [+]
Fun Home. Familia-istorio tragikomiko bat
Alison Bechdel
Txalaparta, 2024
---------------------------------------------
Fun Home. Familia-istorio tragikomiko bat (2006) nobela grafikoaren lehen argitalpenarekin egin zen ezaguna Alison Bechdel komikilaria, nahiz eta berak... [+]
ilbeltza-(1).jpg)
Hamaikagarrenez antolatu dute euskal nobela beltzaren astea, urtarrilaren 20tik 26ra. Ekitaldi ugari egingo dira Baztango bailarako hainbat herritan. Liburu aurkezpenak, mahai-inguruak, solasaldiak eta kultur ekitaldiak izango dira, eta ekintzetan parte hartzea doakoa izango da.
Euskal kulturako berritasunak ezagutu nahi dituenak eta egile zein argitaletxeei zuzenean erosi nahi dizkienak urtean zehar baditu hainbat azoka eta ekimen aukeran. Urte askotako tradizioa dute horietako batzuek eta berriagoak dira besteak; tematikoak dira horietako asko eta... [+]
“Uste dugu distopien eta orokorrean errealitate indibidualista eta etsituaren ofentsiba kulturalaren aurrean utopiak irudikatu behar ditugula, mentalki eta emozionalki indartsuagoak izateko”, erranez banatu berri ditu ipuin eta itzulpen lehiaketako sariak Sukar Horia... [+]
Joan Tartas (Sohüta, 1610 - heriotza data ezezaguna) ez da gure letren historiako idazle famatuenetarik eta, hala ere, ediren dugu gauza onik “pieza mendre” honetan, zeinaren titulua, onar dezagun hasieratik, ez den segur aski mundu honetan paraturiko izenburuen... [+]
Iratzarri ginelarik, kulturalki eta administratiboki, paisaiak hiru abiadurako deserri bat erakusten zuen.
Kulturari dagokionez, hori baieztatzeko –berriro– aukera eduki nuen joan den azaroaren 14an, Ortzaizeko Menta liburu-denda goxoan. Hara bildu ginen... [+]
Donostiako Okendo kaleko liburu-denda mitikoaren lokala salgai jarri dute eta erreleboa hartuko duen talde bat prest agertu ezean, ateak itxiko ditu. Liburu-dendako arduradunek ARGIAri azaldu diotenez ez da erraza izan erabakia hartzea, baina jabeetako batzuek erretiroa hartzeak... [+]
Begi bistaz zentzugabea dirudien eztabaida batekin hasten da zutabea: 2024 gure literatur ale horietako bat balitz, nola deituko zeniokete?
Erantzunik topa ezean, ordu erdi ematea aurtengo bizipenei begira; Instagrameko artxibatuetan sartu lehenik, eta Twiterrera pasa horiek... [+]
Ez dut maite aterkia partekatzen ez dakien jendea. Ez dut maite azkarregi ibiltzen den jendea, ni ez naizenean; ez eta polikiegi ibiltzen dena ere (tira, horiek pixka bat bai, baina pixka bat bakarrik). Ez dut maite autobusean pasilloaren aldeko eserlekuan esertzen den jendea... [+]