Gasteizko Auzolana Pilotalekua, 10 urte txapa ematen
10 urte bete dira Gasteizko Alde Zaharreko zenbait norbanako eta eragilek pilotalekua okupatzea lortu zutenetik. Azkenengo urteak korapilatsuak izan diren arren, hasierako filosofiak aurrera darrai, autogestioa oinarri izanik.
2008ko uztailean Auzolana pilotalekua jaio zen, hilabeteetako prozesu baten ondorioz. Auzoan elkar-topaketarako espazio publikoen beharra zutenez, eta pilotalekua utzikeriagatik urteak itxita zeramatzala jakitun, Alde Zaharreko hainbat kolektibo eta pertsona elkartu egin ziren (Eskolako Gurasoen Elkartea, Gaztetxea, Gao Lacho Drom Elkartea, Egin Ayllu…). Auzolanean birgaitze lanak egin, informazioa zabaldu, eta okupatutako frontoia auzorako eta hirirako berreskuratu zuten orduan.
Okupatutako frontoiak 10 urte bete ditu autogestioa oinarri, beti egonez den auzoari eta herri mugimenduari zabalik. Era berean, auzoak eta herri mugimenduak berea egin dute Auzolana, erabilera ezberdinek etengabe erakutsi duten moduan: bazkariak, txapelketak, ekitaldiak…
Eta obrak. Izenak dioen bezala, auzolanean eta auzo guztiari irekita egokitu dute frontoia etengabe, hau margotuz, zituen “zauriak” zainduz eta gune ezberdinak etengabe egokituz. Prozesu guztian zehar, auzoko eragile eta norbanako ezberdinek erabaili dute hau etengabe, Goianeko umeetatik hasita astero pala partidua jokatzera hurbildu direnera arte.
Azken urteak, korapilatsuenak
Desalojo eta eraisketa mehatxu handiena 2016ko uztailaren 15ean jaso zuten, udal-gobernuak Gasteiz Antzokia Auzolana pilotalekuak hartzen duen espazioan eraikitzeko asmoa zuela jakin zutenean. Pilotalekua eraitsiko behar zuten horretarako. Komunikabideen bitartez jaso zuten mehatxuari urgentziazko erantzun bat eman zioten orduan, argazki masibo batekin erantzunez, eragile ezberdinen espresioekin.
Asanbladako kideek hasieratika dierazi zuten ez ziotela “ez hankarik ez bururik ikusten proiektu berri bat eraikitzeari jada martxan dagoen beste baten kaltetan, eta bi proiektuentzako espazio nahikoa bazela hirian”. Haien “betiko lanean, egiteko moduetan eta kokalekuan jarraitzeko asmoa” agertu zuten.
Txapa Ahotsa asanbladako kideak inplikatutako pertsona eta talde guztiekin hitz egingo zutela jakinarazi zuten, iritziak elkartrukatzeko asmoz. Hala egin zuten, ondorioak auzokideekin, auzogintzakoekin eta euskalgintzako lagunekin amankomunean jarriz.
Proiektuarekiko atxikimendu estutik batzuek, errespetu hutsetik besteek, baina denek ulertu zuten Antzokia ezin dela frontoia eraitsita eraiki. Lazarraga Elkarteak bere iritzia jakinarazi zuen, baina udal-gobernuari eskatu zion Auzolana pilotalekuak okupatzen duen espazioa proiektutik kanpo geratzea, inongo eraginik ez izateko.
Hilabeteen edo urteen ostean, frontoiak eraiste mehatxua ez da guztiz desagertu baina ez dago egoera larrian. Kafe antzokiari dagokionez, badirudi legealdi hau amaitu arte ez dituela obrak hasiko Gorka Urtaranen gobernuak.
Oztopoak-oztopo, Auzolana pilotalekuak eraikina defendatzeaz gain, bere filosofia mantendu du hamarkada honetan zehar. Ekainaren 23an, Zaharraz Harroko jaien aurretik eta urteurrena aitzaki, 10 urteak ospatzeko eguna antolatu dute pilotalekuan bertan. 12:00etan hasiko dute eguna umeentzako jolasekin eta bazkaria egingo dute.
Artikulu hau Hala Bedi Irratiak argitaratu du eta Creative Commons lizentziari esker ekarri dugu.
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]