“Auzoei helarazten ez zaien informazioa dagoela uste dugu”
Bertan behera geratu dira maiatza eta ekaineko Bilboko auzoetako jaiak. Jai batzordeek “arduraz jokatu” eta prestaketa lan guztiak alboratzeko erabakia hartu arren, Bilboko Udalaren erantzun eta azalpen falta nabarmendu ditu Nerea Zuloaga Auzotarrokeko kideak.
COVID19ak eragindako osasun-larrialdiak guztion bizitzak kolokan jarri ditu, baita auzoetako jaiak ere. Martxoaren 13tik 22ra ospatzekoak ziren Deustuko Jaiak bertan behera utzi behar izan zituen Deustuko Jai Batzordeak, bide horri jarraiki maiatzean eta ekainean beste auzo batzuek antolatutako jaiak, Indautxu eta Elorrieta besteak beste, ospatu gabe geratu dira. Zuloagak azaldu duenez, saiakera asko egin dituzte Udalarekin harremanetan jarri eta ekintza guztien nondik norakoen informazioa jasotzeko, hala eta guztiz ere, oraindik ez dela inor haiekin kontaktuan jarri salatu du.
Ohar baten bitartez maiatzeko eta ekaineko jaiak bermatu ezin zenituztela azaldu zenuten apirilaren 2an. Ohar horren ostean Udalarekin zerbait argitzea lortu duzue?
Irtenbide bat bilatze aldera hasiera batean Espazio Publikoko sailarekin kontaktuan jarri ginen, auzoetako jaien kudeaketa guztia horren bitartez egiten dugulako. Ekainaren erdialdera arte ekintza guztiak bertan behera geratuko zirela pentsatzen zuten arren, ez ziguten ezer ziurtatu. Hori izan zen izandako harreman bakarra.
Maiatzaren 6an Udalarekin harremanetan jartzeko beste saiakera bat egin zenuten, oraingoan gutun bidez, zein helbururekin?
Hilabete bat baino gehiago igaro da lehenbizikoz Espazio Publikoko sailarekin harremanetan jarri ginenetik. Maiatzaren 8an Eusko Jaurlaritza, hiriburuetako jaien inguruan hitz egiteko, udal agintariekin bilduko zela entzun genuen hedabideetan. Bagenekien bilera horretan erabakiko zenak auzoetako jaiengan eragin zuzena izango zuela eta hortxe adostu genuen gutuna idaztea. Espazio publikotik haratagoko jendearekin hitz egin behar genuela argi geneukan, besteak beste, Itziar Urtasun Gazteria koordinatzailearekin edota Juan Mari Aburto alkatearekin.
Maiatzean eta ekainean ospatzekoak ziren auzoetako jaiak bertan behera uzteko erabakia hartu ostean, zer aurreikuspen egiten duzue datozen udako jaiekin? Santutxu, San Inazio...
Egoera ikusita eta udalaren erantzun falta kontuan hartuta, jai batzorde bakoitzaren esku dago jaiekin zer egin erabakitzea, batzuek adibidez oraindik ez dute jaiak egiteko aukera baztertu. Udalak maiatzeko eta ekaineko jaiak atzeratzeko aukera eman zigun bere garaian, baina noiz arte? Egoera konpontzeko hitz magikorik ez dutela dakigun arren, auzoei helarazten ez zaien informazioa dagoela uste dugu.
Zergatik diozu hori?
Barrutietako kultura-teknikariek datozen hilabeteetako egitaraua uda ostera atzeratu dute, BBK Live 2021ean ospatuko dela entzun genuen atzo hedabideetan. Nola izan daiteke ezer ez jakitea eta, era berean, horrelako erabakiak hartzea? Egoera oso kontraesankorra iruditzen zaigu.
Bertan-behera geratu diren jai horiek uda ostean egiteko aukera baloratu duzue?
Bai. Jai batzordeei zer egin nahi duten galdetu diegu eta egia esan denetarik dago: batzuek adibidez datorren urtera arte ezer ez egitea erabaki dute, beste batzuk, ordea, irailean eta urrian asteburu bateko jai labur bat antolatzeko prest agertu dira.
Nolako eragin ekonomikoa izan du jaiak bertan-behera uzteak?
Kezka handia dago, auzoetako jaiak direlako, batez ere, jai batzordeen diru iturri nagusia. Gainera, auzoko ostalariei eta merkatari txikiei ere onura egiten die jaiak ospatzeak, indargune handia baitira. Orain inoiz baino gehiago auzoko komertzioei laguntza hori bermatzea garrantzitsua dela uste dugu, horregatik, udako ekintzak egiten direnean, parke soil batean ospatu beharrean, auzoetatik ekimen txikiak antolatu ditzan proposatu nahi diogu udalari, gure iritzia entzuteko prest agertzen denean.
Hemendik aurrera hainbat segurtasun neurri hartu beharko dituzue jaiak antolatzerako orduan. Eraginik izango du horrek jai-ereduan?
Suposatzen dut. Hala ere, segurtasun-neurriak ezartzekotan, nor izango da neurri horien arduradun? Pilota gure teilatura botatzen ari dira etengabe. Segurtasun protokoloak ezarri behar baditugu, Udalak horren nondik norakoen berri eman beharko liguke nondik jo jakiteko.
Deustuko Jai Batzordeak diru galera handiak izan ditu jaiak bertan behera utzi behar izatearen ondorioz. Udalak dirulaguntza bereziren bat prestatu du gastu horiei aurre egiteko?
Momentuz ez. Duela astebete udalak aurkeztutako #BilbaoAurrera planean, kulturaren arloari eskainiko zaion diru-laguntza bat ageri da, baina sormen industriari bideratuta dagoen laguntza da batez ere.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.