Auzitegi Gorenak ez du onartu tramitera Gipuzkoako Aldundiak Uliazpiko hizkuntz eskakizunen harira jarritako helegitea
2023ko otsailean EAEko Justizia Auzitegi Nagusiak balio gabe utzi zuen Uliazpi Fundazioko 34 zaintzaileren lan deialdirako hizkuntz eskakizuna. Fundazioko langile batzordeak eta Foru Aldundiak sententzia salatu zuten. Euskalgintzaren Kontseiluak adierazi du oldarraldi judizialak aurrera jarraitzen duela: “Esku artean ditugun tresnak aldatu gabe zaila izango da auzitegien erasoei aurre egitea”.
Kontseiluak adierazpenak egin ditu Espainiako Auzitegi Gorenaren ebazpena jakin eta gero. Oldarraldi judizialaren markoan kokatu du azken ebazpena, eta esan du, “aurrera egiteko, beste eszenatoki batera joateko, tresna berriak eratzea eta horiek abian jartzea” dela bidea. Iñigo Urrutia legelariak, Galiziako eta Kataluniako araudiak kontuan hartuta, egin berri duen proposamena aipatu du Idurre Eskisabel Euskalgintzaren Kontseiluko idazkari nagusiak.
Langileek epaiaren aurkako adierazpena egin zuten
2023ko otsailean Uliazpiko langile batzordearen gehiengoa epai euskarafoboaren aurka agertu zen. Langileen, erabiltzaileen eta senideen aurkako "eraso larritzat" hartu zuten eta adierazpena sinatu zuten. LABek eta ELAk sinatu zuten adierazpena. CCOOk uko egin zion sinatzeari.
Bi sindikatuek azaldu zutenez, langileek plaza bat lortzeko ahalegin handia egin zuten, eta Lan Eskaintza Publikoa egiteko hamabost urte baino gehiago egon ziren zain. Ziotenez, lanpostu publikoko deialdiko oinarriak aho batez onartu zituzten Batzordeko ordezkaritza sindikala duten guztiek, Euskara Plana onartu zenean. "Epaiak urratu egiten du erakundeek herritarren hizkuntza-eskubideak bermatzeko duen betebeharra".
Erabiltzaile eta familiekin komunikatzeko, "beharrezkoa"
Uliazpi Gipuzkoako Foru Aldundiaren fundazioa da, eta adimen-desgaitasuna duten pertsonekin egiten du lan. Horregatik, adierazpena sinatu zuten langileek esan zuten bertan hezkuntza-lanak egiteko "funtsezkoa" dela hizkuntzaren ezagutza, erabiltzaile eta familiekin komunikatzeko. Adierazi zuten epaiak "akats larria" egiten zuela pertsona orok enplegu publiko bat lortzeko duen eskubidea eta lanpostu jakin baterako baldintzak betetzeko beharra nahastean.
2022an, Donostiako Epaitegiak Uliazpi Fundazioan 34 zaintzaile plaza betetzeko oposizioetan euskara eskatzea zilegi zela ebatzi zuen. 2023ko otsailean EAEko Auzitegi Nagusiak bertan behera utzi zuen epaia.
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskararen kontrako epaien oldarrialdien, azkenengoetako bat izan da Gipuzkoako entitate publiko bat, Kabia, kinkan jarri duena, ezarritako hizkuntza eskakizunen kontrako epai batekin. Bertako langileak egonkortzeko prozesuan ezarritako euskara eskakizunak, euskararen... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
Donostiako auzitegiak Gipuzkoako Foru Aldundiko aterpetxeetako garbitzaileen lanpostuen prozesuaren harira sententzia eman du: lanpostu guztietarako hizkuntza eskakizuna ezartzea “proportzioz kanpokoa eta diskriminatzailea” dela dio. CCOO sindikatuak eman du... [+]
Euskal Herriko lurralde batzuetan euskara ofiziala da, besteetan meridianoaren arabera ofiziala ala ukatua eta, aitzitik, ipar aldera bagoaz, toleratua (ez ofiziala).
Azken boladan, epaitegi batzuk ebatzi dute funtzionario publikoek ez dutela euskara ezagutzarik izan behar eta,... [+]
Realeko futbol taldeko entrenatzaile Imanol Alguacilek, Nizan, Europako Ligako partiduaren aurretik eskainitako prentsaurrekoan euskarazko hedabideei euskaraz erantzuten ari zela, hainbat kazetariren kexa entzun behar izan du. Duela astebete antzeko egoera gertatu zen... [+]
Amurrioko Udalak alde bakarrez dirulaguntza kendu zion eskualdeko euskarazko komunikabide bakarrari, eta ehunka herritarrek eta entitatek eskatu zioten dirulaguntza berrezartzeko. Aiaraldea Komunikabidea saiatu da udalarekin biltzen, baina udalak elkartzeari uko egin dionez,... [+]
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]
Irailaren 18koa da azken sententzia: Donostiako udaltzaingorako lanpostu deialdiaren euskara eskakizuna atzera bota du EAEko Justizia Auzitegi Nagusiak. Euskalgintzaren Kontseiluak eta Donostiako Bagera Euskaltzaleen elkarteak elkarretaratzea deitu dute Donostian, Alderdi... [+]
EAEko Auzitegi Nagusiak atzera bota du Donostiako bi udaltzain postutarako euskarazko B2 profila eskatzen zuen lan deialdia. "Euskaldunen eskubideak urratzen dituen" epai berri honen aurrean, hainbat eragilek salatu du "euskaldunen aurkako oldarraldiak"... [+]