Auzipetu politikoekiko elkartasuna Madrileraino heldu da
Euskal Herritik eta Espainiar estatutik joandako ehunka pertsonek hartu dute parte zapatuan Madrilen egindako manifestazioan. “Euskal Herriaren aurkako auzi politikoak” salatu zituzten, eta Askapenako bost auzipetuei elkartasuna adierazi zieten.
Libre Madrid plataformak antolatutako manifestazioa 18:00etan abiatu zen Euskal Herriaren aurka epaiketa politiko gehiagorik ez lelopean. Tartean ziren Askapenako auzipetu Walter Wendelin, Gabi Basáñez, Unai Vazquez, David Soto eta Aritz Gamboa. Atochatik Plaza del Sol arteko bidea egin zuten. Bertan, epaiketa politikoak amaitzeko eskatu zuten, eta internazionalismoaren garrantzia aldarrikatu. Askapenako auzipetuez gain, gogora ekarri zituzten Alfonso Fernandez “Alfon” 2012ko greba orokorrean ustez lehergailu bat eramatearren kartzelaratutako gaztea, Egineko zuzendari Jabier Salutregi eta asteburuan egindako polizia operazioetan atxilotutako anarkista katalanak eta independentista galiziarrak.
Ultraeskuineko erakundeek manifestazioari boikot egiteko deia zabaldu bazuten ere, arazo gabe egin zen. Espainiako poliziak Euskal Herritik Madrilera zihoazen zenbait autobus geratu zituen.
Joan den urriaren 19an hasi zen Askapenaren aurkako epaiketa. Eguenean egin zen Auzitegi Nazionalean azken saioa. Fiskaltzak hasierako eskaria mantendu zuen: akusatuentzako sei urteko kartzela zigorra eta Askapena desegitea. Askapeña, Elkar Truke eta Herriak Aske elkarteen aurkako akusazioak erretiratu zituen.
Argazkiak: Diso Press
Hainbat eragilek deituta, NATOren aurkako elkarretaratzea egin da Iruñeko Udaletxearen aurrean. Izan ere, gaur, martxoak 12, 39 urte bete dira Hego Euskal Herriak, Espainiar Estatua NATOn sartzeko erreferendumari ezezkoa eman ziola. Askapenako kide batek adierazi du, gaurko... [+]
Karmela espazio autogestionastuan egingo ditu, eta Euskal Herriko zein nazioarteko gonbidatuak egongo dira bertan. "Koiuntura analisi orokorretik abiatu eta Euskal Herriko borroka internazionalistaren gakoetarainoko bidea" egingo dutela adierazi du Askapenak... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
Euskal Herria Bizirik eta Askapena brigada bat antolatzeko elkartu dira. Europan lurraldearen defentsan dauden bi borroka bisitatuko dituzte: Lurraren Altxamenduaren borroka Frantziako Estatuan, eta NO TAV mugimendua Italian.
Abya Yala historia zapalkuntzaz beteriko bizitza dela esan daiteke. Bertako aberastasun naturalek paper garrantzitsua betetzen dute munduko burgesiaren metatze prozesurako.
Europako, Ekialde Hurbileko eta Abya Yalako askapen borroken ezagutza euskal herriratzea izango da brigadisten lana. Askapenak azpimarratu du elkartasun internazionalista herrien arteko "ezinbesteko tresna" dela eta munduko beste herri langileei babesa eta elkartasuna... [+]
“NATO buru duen azken ofentsiba inperialistari aurre egiteko eta Euskal Herri antiinperialistaren aktibazioa aldarrikatzeko” antolatu dute deialdia Askapenak, NATOren eta Europako Batasunaren Aurkako Herri Plataformak eta Bardea Orain taldeek. Martxoaren 11n egingo... [+]
Internazionalismoak "herrion askapen nazional eta sozialean" daukan garrantzia mahai gainean jartzeko eta udagorritzen daramaten urteek "etenik izan ez dezaten", bueltan dira brigadak bi urteren ostean, 35 urte udagorritzen! lelopean.
