Autogestio eguna egingo dute urtarrilaren 30ean Durangon
Autogestioa bere osotasunean lantzeko aukera emango duen eguna antolatu dute. Durangaldeko gazte andana batu da asanblada ezberdinetan ohiko autogestio ereduetatik haratago doazen proiektuak bildu eta lantzeko asmoz.
Durangaldeko Gaztetxe eta Gazte Asanbladen Koordinadoratik ateratako ideia lantzen ibili dira azken hilabeteetan eskualdeko hainbat gazte. Asanblada ezberdinetan biltzen ari dira autogestioan sakontzeko eta eskualdeko proiektuak batzeko eguna antolatzeko.
Antolatzaileen esanetan, gaztetxeak egungo errealitateko autogestioaren isla argia dira. Hala ere, autogestioa bere osotasunean lantzeko ideiari jarraiki, eskualdean kokatzen diren gainontzeko proiektu autogestionatuen beharra ikusi dute. Horixe bera izango da hilaren 30erako antolatu duten 'Durangaldea autogestiorantz’ egunaren helburua.
Edozein arlotan herritarron ahalduntzea dakarren eta sistemaren alternatiba izan nahi duen proiektu oro identifikatzen dute autogestionatu gisa. Horregatik, norbere errealitatetik egiten duen lanak gainontzeko proiektuak elikatu eta zubiak eraikitzeko baliatu nahi dute.
Egunaren antolaketa
Abenduaren 28an Elorrion egin zuten lehen asanblada, Durangaldeko Gaztetxe eta Gazte Asanbladen Koordinadoran jaiotako ideia gainontzeko eragile eta proiektuekin elkarbanatzeko helburuarekin. Urtarrilaren 7an Durangoko Sorginola gaztetxean batu ziren berriz, eta eguneko egitaraua eta beharrezko azpiegitura zehaztu zuten.
Datozen egunetan emango dute urtarrilaren 30eko egitarauaren berri.
Oharra: Albiste hau Topatu.eus-etik ekarria da Creative Commons lizentzia libreei esker.
Ztandap
Nork: Mirari Martiarenak eta Idoia Torrealdaik.
Noiz: abenduaren 6an.
Non: Durangoko San Agustin kultur gunean.
------------------------------------------------------
Laugarren pareta hautsi eta zuzenean, zutik eta beldurrik gabe interpelatzen du publikoa stand... [+]
Ztandap
Nork: Mirari Martiarenak eta Idoia Torrealdaik.
Noiz: abenduaren 6an.
Non: Durangoko San Agustin kultur gunean.
-------------------------------------------------
Laugarren pareta hautsi eta zuzenean, zutik eta beldurrik gabe interpelatzen du publikoa stand... [+]
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Euskaraz bizitzeko, Euskararen Errepublika lelopean egin du manifestazioa larunbatean Euskal Herrian Euskarazek, Landako gunetik abiatuta. Euskal Errepublika aldarrikatzera, indarrak batzera eta euskararen aldarria lau haizetara zabaltzera deitu dute Durangoko kaleetan... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
“Etsaien nagusitasunaren eguna” Euskal Herriko langileriarentzat “borroka eguna" izatea eskatu du Jarkik. Borrokatzera eta kalera ateratzera animatu dituzte herritarrak, “burgesiaren interes eta jabetza erregimenaren” aurrean.
63 urteko iurretarra Gerediaga Elkarteko kudeatzailea izan zen 1982tik 2018ra. “Bere kezkei eta borrokari esker”, Durangaldeko historia ikertu eta zabaltzeko “erreferentzia nagusietako bat” izan dela nabarmendu dute elkartetik.
Berdeago Azoka egingo dute martxoaren 22tik 24ra, Durangoko Landako Gunean. Energia-eraginkortasunaz eta kontsumo arduratsuaz kontzientziatzeko helburua du Jasangarritasunaren Euskal Azokak, ingurumena babesteko irtenbideak tarteko.
Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]
Josebe Blancok Hausnarrean. Ardiek egin naute artzain liburua kaleratu du ARGIAko Bizi Baratzea sailean. Berau aurkezteko lehen hitzaldia azaroaren 7an Antzuolan emango du, artzaina artaldearekin bizi den Pikunieta baserria kokatuta dagoen udalerrian. Maria Eugenia Irazabalekin... [+]
Akelarre saiakera argitaratu zuen 2021ean, eta, iaz, berriz, perla urregorrizko bat: Elurzuriren hiru heriotzak. Grimm anaien ipuin ezaguna berridatzi zuen, eskuizkriburik zaharrena abiapuntu harturik, Grezia zaharreraino joanez, eta Elurzuriren istorioko zenbait elementuri... [+]
Abenduaren 6tik 10era bitartean Fantasia DA! lelopean ospatuko da euskal kulturaren aldeko urteroko ekimena. Kartel berria ere aurkeztu dute antolatzaileek, Ximon Agirre hernaniarraren eskutik.
Artean neska koxkorra zela, zesta punta unibertsitatera eraman zuen aitaitak Markinan. Joko ikusgarria ikusi orduko argitu zitzaizkion begiak, egin zioten ñir-ñir. Aukera sortu zitzaiolarik hasi zen frontoian, bizi erdia darama Durangoko Ezkurdin, esku batean... [+]