Austriako Gobernua ere igo da TTIP zalantzan jartzen duten erakundeen trenera
Alemania eta Frantziako gobernuetako kideek TTIPez egindako adierazpenen ostean, Austriaren txanda iritsi da. Bertako gobernuko bi kide esanguratsu EB eta AEBen arteko merkataritza askeko akordioaren aurka azaldu dira ordu gutxiko tartean; Christian Kern gobernuburuak dagoeneko adostuta dagoen Kanada eta Europaren arteko CETA ituna ere kritikatu du.
Sozialdemokrazia eta eskuina koalizioan daude Austriako Gobernuan. Lehenbizikoetakoa da Christian Kern. TTIPez esan dituenak ez dira asko aldentzen hitzarmenaren negoziazioak hasi zirenetik haren aurka kalean dabiltzan aktibistek darabiltzaten argudioetatik. Funtsean, TTIP eta merkataritza askeko gainerako akordioak transnazionalen boterea handitzeko eta parte hartze demokratikoa ahultzeko tresna direla esan du Kernek.
Ildo beretik, EB eta Kanadaren arteko CETA hitzarmena kritikatu eta Austria sinatzeko prest ez dagoela esan du JKrnek. Kanadak eta Europar Batasunak iaz sinatu zuten akordioa, eta behin betiko berreste prozesua udazken honetan egiteko asmoa agertu du Bruselak, haren izaera juridikoari buruzko polemika betean. TTIPez gain CETA gaitzetsi duen lehen europar gobernua izan da Austriakoa. Antzeko aurrekari bakarretakoa Waloniako Parlamentuarena da; Kanadarekiko akordioaren aurkako erabaki bat onartu zuen apirilean.
Hain zuzen, merkataritza askeko akordioen aurka borrokan dabiltzanen aldetik mesfidantza zabaldu da egunotan TTIPen aurkako adierazpen instituzionalen aurrean, CETAren berrespen prozesua oharkabean igarotzeko amarrua izan litezkeelakoan. Esanguratsua izan da Viviane Reding Europako Batzordeko presidenteorde ohi luxenburgotarrak twitterrez zabaldutako mezua: Redingek TTIPen negoziazioak eteteko eskatzea eta eredutzat CETA hartzea galdatu dio Luxenburgoko Gobernuari. Akordioon aurkako kanpainen eragileek maiz azpimarratu dutenez, CETA indarrean sartzeak TTIPen ondorio berak izango lituzke de facto.
Austriako Ekonomia ministro eta Alderdi Popularreko buru Reinhold Mitterlehner ere mintzatu da TTIPen negoziazioez. AEBetako presidentea aukeratzeko hauteskundeen ostean prozesu osoa berriro abiatu beharko litzatekeela adierazi du politikari eskuindarrak.
Eztabaida garrantzitsua Merkataritzaren Mundu Erakundean: Lurreko Hegoaldeko herrialdeek eskatu dute patentea eten dakiela COVID-19arekin zerikusia duten botikei, pandemiari aurre egin ahal izateko. India eta Hego Afrikak egina daukate eskaria baina Ipar aberatseko herrialdeek... [+]
Munduko merkataritza blokerik handiena osatu dute hamabost herrialde hauek: Asiako hego-ekialdeko hamar herrialde, Hego Korea, Txina, Japonia, Australia eta Zeelanda Berria. Azaroaren 15ean izenpetu dute RCEP merkatu libreko hitzarmen hau.
Jenofa Berhokoirigoinek kontatu digu nola koronabirusaren izurriteari aurre egiteko hartutako babes eta osasun neurriak izan daitezkeen multinazionalentzako diru iturri. Nola? Merkatuaren liberalizazioa dakarten akordioek bideratutako auzitegi pribatuetan estatuen kontrako... [+]
Maiatzaren 4an eta 5ean Euskal Herria kapitalaren eraso berriaren aurrean izeneko jardunaldiak egingo dira Bilboko La Bolsan. Europar Batasuna bultzatzen ari den merkataritza eta inbertsio hitzarmen-bolada berrian begirada ipintzea beharrezkotzat jotzen dute antolatzaileek.
Abenduaren 10etik 13ra bilduta dago Munduko Merkataritza Erakundea (MME) Buenos Airesen. Gai-ordenan, besteak beste, nazioarteko salerosketetarako arau berriak adostea eta merkataritza elektronikoaren liberalizazioa daude. Milaka lagunek protesta egin dute gailur osoan zehar,... [+]
Cheap food, high wage —ogia merke eta soldata altuak—. 1848an, horiek ziren sustatzaile sutsuen hitzetan Ingalaterraren eta Frantziaren artean zerealak eta beste lehengai batzuen truke askearen hitzarmenak ekarriko zituen onurak; langileen onarpena lortu ahal... [+]
Betiko leloa esatean, Merkataritza Askeko Itunez (MAI) ari gara. Egunetik egunera, geroz eta gehiago ditugu entzungai eta honen aurrean argi utzi nahi dugu izenburuan eginiko galderaren erantzuna ezezkoa dela.
Eurolegebiltzarrak joan den otsailean eman zion onespena Kanada eta Europar Batasunaren arteko merkataritza askeko itunari (CETA). Hitzarmena mistoa denez, erabat indarrean sartzeko EBko estatu kide guztietako parlamentuek bozkatu behar dute haren alde. Hala ere, hitzarmenaren... [+]
Duela gutxi arte arrotz ziren guretzat TTIP, CETA eta gisa bereko merkataritza itunak. Belaunaldi berriko merkataritza akordioak dira, eta elite pribatuen interesak indartzea helburu izanik, boteretsuenen alde egiteko tresnak.
Bestela esanda, jabekuntza–desjabekuntza... [+]
CETA pil-pilean eskuartean dugun Europar Batasunaren eta Kanadaren arteko Ekonomia eta Merkataritza Askeko Hitzarmena dugu eta entzunagoa den TTIP hitzarmenaren atzeko ate bezala definitu izan da. TTIP (Europar Batasuna eta AEBen arteko hitzarmena) izoztua dagoela helarazi... [+]
Merkataritza eta inbertsio itun handiek, uneon, gero eta garrantzi handiagoa dute debate politiko eta sozialean. Baina makro-hitzarmen horiek izozmendi eskerga baten tontorra baino ez dira.
Ez zen ustekabekorik izan eta Europako Legebiltzarrak Kanada eta EBren arteko CETA hitzarmenaren alde bozkatu zuen otsailaren 15ean, Estrasburgon egindako saioan. 408 diputatuk eman zuten aldeko botoa, 254k aurkakoa, eta 33 abstentzio izan ziren.
Euskal Herriko parlamentuetan ordezkaritza duten alderdietatik, CETAren alde bozkatu dute ondorengo alderdiek bozkatu dute: EAJ, PP eta PSOE. Eta aurka: EH Bildu, Podemos eta Equo. Goizean 150 ekintzailek Europako Parlamentuko sarrera blokatu dute Estrasburgon. TTIP Game Over... [+]