Abaltzisketako Egido mendi publikoko izei eta pago landaketa eremuetan baso lanak egitea eta artzainen lana erraztea da pisten xedea foru aldundiak arrazoitu duenez
Aralar Bizirik plataforma eta Naturkon Gipuzkoako natur talde eta talde ekologisten ordezkariek agerraldia egin zuten atzo Larraizko langan, Gipuzkoako Foru Aldundiko Mendietako eta Natura Inguruneko Zuzendaritza nagusiak Aralarren, Abaltzisketako lurretan, Ausa Gaztelu mendiaren magalean pista sarea eraikitzeko proiektua egin nahi duelako kezkatuta. Pista horren helburua da, Albatzisketako Egido mendi publikoko izei eta pago landaketa eremuetan baso lanak egitea. Talde ekologisten izenean Edurne Huesak salatu du, «%90 eremu babestuan» egin nahi dituztela pistak, eta kalte «handiak» sortuko dituztela.
Gipuzkoako Foru Aldundiak bere webgunean argitaratu zuen uztailaren 5ean, pista horiek eraikitzeko proiektuaren ingurumen-inpaktuaren ebaluazio arrunta egiteko kontsulten izapidea hasi duela. Ekos Estudios Medioambientales S.L.U. enpresak osatu duen txostena ere irakur daiteke bertan, eta iradokizun eta ekarpenak aurkezteko hilabeteko epea egongo da.
Txostenaren arabera, proiektuaren xedea, 5. eta 6. unadetako baso masetan baso lanak egingo dituzten lanak burutzeko bi eremuetara sarbidea eta lanak egitea ahalbidetuko duen pista-sare bat egitea da, momentu honetan dauden azpiegiturak ez direlako nahikoa burutu nahi dituzten lanak egiteko. Bestalde, basoen kudeaketa ahalbidetzeko helburuaz gain, proiektatutako pistek aukera emango dutela Abaltzisketa udalerriko artzainen lan baldintzak hobetzeko.
Alternatibak
Honen aurrean, bi talde ekologistetako ordezkariek «harridura eta haserrea» adierazi dituzte. Ez dute ulertzen, «Gipuzkoako Foru Aldundia, natur parkeen kontserbazioaren ardura duen erakundea, nola ari den natur kontserbazioaren aurka etengabe; kontrolik gabeko desbrozeak, Arastortzeko sutean baliabide nahikorik ez eta ekosistemari egindako kalteak kontuan izan gabe, faunarentzat kaltegarria den Arkaka txikiko kanala, eta berriro ere, babes eremuan pista berriak proiektatuz…».
%90 natur parkean
Gaineratu dute, pista sare honen «% 90a» natur parkeko babes barrutian dagoela, eta hura babesten duen legediaren arabera, «pistetatik kanpo, berez ibiltzen den makineria astunarekin lan egitea debekatzen da, lurzorua eraldatu dezaketen lan guztiak debekatzen dira aldaketa zuloak egiteko eta sarbideak iraunarazteko lanak salbu, eta egur materialak menditik ateratzeko, kablea edo lurzoruarentzat inpakturik ez duen antzeko erabideren bat erabiltzea ezinbestekoa izango da».
Garbi dute, proposatzen dutena «gaur egun egingarria» dela, «beste leku batzuetan egiten ari den bezala».
Proiektuarekin desadostasuna ere, pista sarea justifikatzeko txostenak esaten duelako abeltzainek ezin dituztela Txindoki eta Ausa Gaztelurako oinezko bideak erabili, mendizale asko eta txakur solteak dabiltzalako. Baieztapen horrekin, mendizale eta abeltzainen artean izandako bizikidetza ona gutxiesten dela diote Aralar Bizirik eta Naturkoneko kideek.
Gogoratu dute, «guztiona den mendian, elkarbizitza ezinbestekoa» dela, eta txakur solteen aurrean, «neurriak hartzea erakundeei dagokiela». Uste dute, «aitzakia» bat dela, «ganaduzaleentzat pistak irekitzeko».
Kalte «handiak»
Pistak eraikitzeak «lurzoruaren higadura» gehiago sortuko duela, eta horregatik, «eremu horretako %12a gutxienez galduko» dela diote. Gainera, ohartarazi dute, eremu horretako lur azpia komunikatuta dagoela Zaldibiako Osinbeltz iturburuarekin eta pista proiektuak kutsadura areagotzea ekar dezakeela zaldibiarrentzako ur edangarrian.
Faunari egingo dion kalteez ere mintzatu dira, «ez da kontuan izan galtzeko arriskuan dagoen baso saguzarra». Eta zuhaiztiari dagokionez, adierazi dute «lotsagarria» dela ingurumen eraginen txostena egin duen Ekos enpresak, Txindoki eta Ausa Gaztelu iparraldeko magaletako basoak, «masa hetereogenea eta zaharkitutzat hartzen dituela, Aralarko baliabideen planean balio ekologiko handiko ekosistematzat hartzen direnean».
Laburbilduz, «beste astakeria baten aurrean» gaudela diote, eta hori gelditu nahian, iragarri dute aurki publiko egingo dutela proiektu honen inguruko balorazio negatiboa, ingurumen txostena ontzat ez emateko eskatuz. Aralar mendiarekin lotura duten elkarte eta pertsona ezberdinei eskatzen diete, balorazio hori bidal dezatela Gipuzkoako Foru Aldundira, abuztuaren 7a baino lehen, «aldundiak ikus dezan gipuzkoarrok Aralarko parke naturala kontserbatu nahi dugula».
Bestalde, kexu dira, aldundiak publiko egin duen dokumentazioa gaztelera hutsean dagoelako. Era berean, iragarri dute irailaren 18an mendi ibilaldia egingo dutela Gazteluko eremu horretara zein Saltarrira, natur kontserbaziorako lanak ikusteko.
900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko... [+]
Kapitalismoak sortutako krisi ekosoziala ondoez globala ari da eragiten planeta osoan. Baliabide material eta energetikoen "gailurrek", hazkunderako eta metaketarako mugak ezarriz, natura eta gizartearen arteko desorekak ekartzen dituzte. Estraktibismoaren gurpil... [+]
Euskal Herria Bizirik eta Askapena brigada bat antolatzeko elkartu dira. Europan lurraldearen defentsan dauden bi borroka bisitatuko dituzte: Lurraren Altxamenduaren borroka Frantziako Estatuan, eta NO TAV mugimendua Italian.
Ekainean jarri du martxan Bilboko Udalak Emisio Gutxiko Eremua, irailera arte isunak jartzen hasiko ez bada ere. Neurri horrek auto zaharren sarrera mugatuko du Bilboko zabalgune burgesera astelehenetik ostiralera. Hasiera batean 2000. urtea baino lehen matrikulaturiko... [+]
Erakunde ekologistatik kezkatuta ikusten dute Barakaldo eta Erandio arteko zubia eraikitzeko itsasadarraren hondoko 87.000 metro kubiko; dragatzearen iragarpena. Diru publikoaren xahutzea, arduragabekeria eta agintarien planifikazio falta salatu ditu, baita obrak... [+]
A69 autobidearen aurkako mugimenduaren topagune eta borroka gune izan da Okzitaniako Tolosa eta Castres hirien arteko lurraldea ekainaren 7tik 9ra. Dozenaka kolektiboren deiari erantzunez, 6.000 lagun batu dira bertan eta Frantziako Estatuko Barne ministro Gérard... [+]
Ekologistak Martxan elkarteak bandera beltzak banatzen ditu urtero, kutsaduragatik eta kudeaketa txarragatik. Getariako makrogranjak eta Leioako Lamiakoko padurak jaso dituzte beste bi banderak.
E-CHO izenaren gibelean gordetzen den makroproiektuari so jarri gara, Zuberoatik hurbil, Biarnoko Lacq herrian egitekoa den egitasmo omen ekologikoa hurbilagotik ezagutzeko asmoz. Hiru gune industrial lituzke: hidrogenoa ekoizteko fabrika erraldoi bat, eta hegazkinentzako eta... [+]
Donostiako Udalak El Diario Vascori filtratu dionez, ez dute olatu artifizialen surf parkerik eraikiko Martutene eta Txomiñenea auzoen artean dagoen Antondegi mendian. Albisteak sorpresa eta poza eragin du mugimendu ekologistan, izan ere, orain arte EAJ eta PSE-EE sendo... [+]
Kolitza mendiaren magal batean eraiki nahi zituzten haize erroten proiektua atzera bota du Eusko Jaurlaritzak, hala adierazi du Balmasedako alkateak. Baina horren ordez, "eragin gutxiago" duen beste zentral bat aurreikusi dute inguru bertsuan. Maiatzaren 26an Euskal... [+]
Maiatzaren 11n manifestazioak egingo dira Bilbon eta Iruñean bidezko trantsizio ekosoziala aldarrikatzeko, Euskal Herriko Eskubide Sozialen Gutunak, Emakumeen Mundu Martxak eta Gune Ekosozialista erakunde ekologistak deituta. Manifestazioak 12:00etan abiatuko dira Gaztelu... [+]
Jauzi Ekosoziala eragilea aurkeztu dute maiatzaren 4an Eibarren. Bere helburu nagusia "sistema ekozidaren aurrean, eta krisi anizkoitzen kontestu batean, Euskal Herrian justizia sozialean oinarritutako trantsizio ekosoziala bultzatzea da". Horretarako, "borroka... [+]