Aurtengo finalaren berezitasunak: hiru emakume eta 55 urteren ondoren nafar bat
Bilbon abenduaren 3an jokatu zen azken finalaurrekoa. Bertan Amets Arzallus izan zen puntu gehien batu zituena, eta soilik puntu bat gutxiago jaso zituen Aitor Mendiluzek. Finala erabakita geratu da bertan: Joanes Illarregi izan da aurtengo "sorpresa", eta Alaia Martinekin eta Nerea Ibarzabalekin finaleko berritasuna izango dena.
3.600 lagun elkartu ziren Bilboko Bizkaia pilotalekuan, txapelketako azken finalaurrekoaz gozatzera. Aitor Mendiluzek finaleko txartela berretsi zuen, Amets Arzallusek finalerako eman beharra zuen urratsa jauzi bilakatu zuen (hemen Eli Pagolak egin dion elkarrizketa), eta Joanes Illarregik finalaurrekoen lehen saioan lortutako puntu metari esker, ganbarako saio ederra eginda finaleko zazpigarren eta azken postua eskuratu zuen. Jone Uriak, Maialen Arzallusek eta Saioa Alkaizak ere bertsoaldi ederrak eskaini zituzten.
Saioko bertsoaldi puntuatuena Amets Arzallusek egindako bakarkakoa izan zen, zeinetan bere ume garaiko futbol ibilbideaz gogoeta egin zuen. Hemen ikusentzun daitezke saioko bertsoaldi denak.
Puntuaketa taula honela geratu zen azken finalaurrekoan: Amets Arzallusek 662 puntu jaso zituen, Aitor Mendiluze orpoz-orpo zuela (661 puntu), Jone Uriak 637,5 puntu, Joanes Illarregik 621 puntu, Maddalen Arzallusek 609,5 puntu eta Saioa Alkaizak 608,5 puntu jaso zituen.
Finalera begira: hiru emakume eta nafar bat, 1967tik lehen aldiz
Abenduaren 18an Iruñean Maialen Lujanbiorekin arituko diren zazpi bertsolariak hauek dira: Alaia Martin (1.405,5 puntu), Aitor Mendiluze (1.387,5), Sustrai Colina (1.378), Beñat Gaztelumendi (1.373), Amets Arzallus (1.350), Nerea Ibarzabal (1.344,5) eta Joanes Illarregi (1.332).
Aurten finalerako lehia oso estua izan denaren seinale, bi puntu eta erdira soilik geratu dela zortzigarren den Julio Soto (1.329,5), eta hiru puntura Aitor Bizkarra (1.329) eta poto bat eginik ere hamaika puntura Oihana Iguaran (1.321).
Final honek historiarako hainbat ezaugarri baditu, hasterako: lehen aldiz finala Nafarroan jokatuko da, lehen aldiz hiru emakumek hartuko dute parte bertan eta 55 urteren ondoren, nafar batek kantatuko du. Izan ere, 1967an kantatu zuten nafarrek azken aldiz Euskal Herriko Txapelketako finalean: Xalbadorri txistu jo zioten hartan, Migel Arozamena eta Bautista Madariaga aritu ziren. Infografia honetan bildu ditugu txapelketen historian finalean aritu ziren guztien izenak.
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]
Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.
Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik... [+]
Ezin ekidin Nafarroa Arena BEC-ekin alderatzea. Publikoa otzanago antzeman da, olatuak ez dira berehala altxa eta burrunbatik ere, amaiera arte, gutxi. Behin lehertutakoan, ordea, uhin expantsiboa hedatu da plazan. Egun lantsua izan dela nabarmendu dute eguneko protagonistek... [+]
Goizeko eta arratsaldeko saioetan zortzi finalistak aritu ostean, Amets Arzallus eta Maialen Lujanbio pasatu dira buruz burukora. Saioa buruz burukoan lehertu da, eta bi txapeldunek lazo gorriz biribildutako saioaren ostean... Maialen Lujanbio Zugasti da berriz ere txapelduna. [+]
Goizeko saioaren ostean, eguerdia hankak luzatzeko eta indarrak hartzeko baliatu dute entzuleek. Bati eta besteari entzunaz, buruz bururako izen ugari jasoko ditu galdetzen duenak, eta Ametsek bi bider botatako "parte" hitzen interpretazio anitzak ere bai... [+]
Hona egun osoan zehar Dani Blancok harrapatu dituen hainbat momentu:
Hona Bertsolari Txapelketa Nagusiko finalean goizeko saioan kantatu dituzten puntu-erantzun guztiak.
Iruñea bertsoaren hiriburu bihurtu da egun oso batez. Lehen aldiz bertan aritu dira jokatzen Txapelketa Nagusiko finala. Maialen Lujanbiok bere txapeldungoa jokatu du honako bertsolariekin: Aitor Mendiluze, Alaia Martin, Amets Arzalllus, Beñat Gaztelumendi, Joanes... [+]
Orain dela hiru hilabete abiatu zen Bertsolari Txapelketa Nagusia eta gaur amaituko da Iruñeko Nafarroa Arenan. Ibilbide honetan finalean abesteko txartela honako bertsolari hauek lortu dute: Aitor Mendiluze Gonzalez, Alaia Martin Etxebeste, Amets Arzallus Antia,... [+]
Nafarroa Arenan elkartu dira gaur zortzi finalistak, abenduaren 18rako motorrak berotzeko. Lehen aldiz Iruñean egingo den Txapelketa Nagusiko finala handia izango da: 13.000 ikusle elkartuko dira, nazioartetik 30 gonbidatu izango dira eta 350 lagun arituko dira antolaketa... [+]