Aurten ere, udako erailketa matxisten %15 egin dute poliziek edo polizia ohiek Espainiako Estatuan
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
2024. urtea hasi zenetik, Espainiako Estatuan, gutxienez 32 emakume erail dituzte euren bikotekideek edo bikotekide ohiek. Hilketa gehienak izan dira udako hilabeteetan: hemeretzi, hilketen %59,38. Aurrez ere hainbatetan ohartarazi izan dute udan gora egiten dutela erailketa matxistek: 2003tik hona, uztailetan eta ekainetan gertatu da hilketa matxista gehien.
Bestalde, aurtengo udan ere nabarmena izan da euren bikotekideak edo bikotekide ohiak hil dituzten gizonen artean badirela, ohi bezala, polizia-agenteak eta polizia ohiak. Hemeretzi erailketa matxista izan badira, horietatik gutxienez hiru kasutan, poliziak edo polizia izandakoak dira hiltzaileak. Beraz, kasuen %15,75etan.
Aurreko udan ere berdina izan zen portzentajea. Izan ere, 2023ko udan ere hemeretzi hilketa matxista izan ziren, eta horietatik hiru egin zituzten poliziek edo polizia ohiek; alegia, kasuen %15,75etan, orduan ere. Dena den, hiru horiek ez ziren izan, iaz, poliziek edo polizia izandakoek egindako erailketa matxista bakarrak: denera lau izan ziren urte osoan zehar, maiatzean beste kasu bat gertatu baitzen.
Kasuan kasu
Ez dago datu zehatzik jakiteko, benetan, zenbat poliziak edo polizia ohik erail dituzten euren bikotekideak edo bikotekide ohiak. Sekretupean mantentzen da informazio hori. Hala ere, esan bezala, jakina da gutxienez zazpi kasu izan direla Espainiako Estatuan bi urte baino gutxiagoan: 2023aren hasieratik 2024ko abuztuaren amaierara bitartean, hain zuzen ere.
Aurtengo abuztuaren 20an izan da erregistratutako azken kasua. Egun horretan, Espainiako Poliziako agente ohi batek bi emakume erail zituen Bartzelonan, tiroz. Bere bikotekide ohia eta gaur egungo bikotekidea zena erail zituen, Rubí eta Castellbisbal udalerrietan. 61 eta 64 urte zituzten emakumeek. 2023ko urtarrilean hartu zuen erretiroa hiltzaileak, eta lehen Espainiako Poliziako bigarren burua zen Katalunian.
Ekainaren 18an, bestalde, Madrilgo Soto del Realen hil zuen andre bat bere bikotekideak: tirokatu eta burua moztu zion. 66 urte zituen emakumeak. Bere garaian udaltzaina zen hiltzailea, baina jubilatuta dago orain.
Mota horretako erasoak, esan bezala, gutxienez lau izan ziren 2023an. Maiatzean, guardia zibila izandako gizon batek bere bikotekidea erail zuen Granadan. 39 urte zituen. Ekainean, 44 urteko beste emakume bat hil zuen bere bikotekide ohiak, Pontevedrako Oian. Andrearekiko urruntze-agindu bat zeukan erasotzaileak, eta guardia zibila zen.
Uztailean, 38 urteko emakume bat erail zuen bere bikotekideak Valentziako Antellan. Polizia izandakoa zen bera ere. Iazko abuztuaren amaieran, gainera, tiroz hil zuen 58 urteko andre bat bere bikotekide ohiak, Valentziako Alziran. Hiltzailea Espainiako Poliziako agente izan zen lehen, baina erretiratuta zegoen.
Hilketa saiakera Donostian, ertzain baten partetik
2024ko udan izan diren hiru hilketa matxistez gain, erailketa saiakera bat ere izan da Donostian (Gipuzkoa), Ertzaintzako agente baten eskutik. Ertzain bat bere bikotekidea hiltzen saiatu zen abuztuaren 18an, labana batekin. Donostiako Txomin auzoan gertatu zen erasoa, eta bi alabei ere egin zien mehatxu erasotzaileak.
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
.jpg)
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]
Bortxaketen kasuentzako bideratu daitekeen kartzela zigorrik gorena jarri diote senar-ohi Dominique Pelicoti; eta beste 50 bortxatzaileei dagokionez, guztiak dituzte erruduntzat jo, baina fiskalak galdetzen zuena baino apalagoak dira zigorrak. Hiru hilabetez iraun du Mazango... [+]
Hiru hilabetez iraun du Mazango auziak, Gisèle Pelicotek irekitakoa, zeineten ikertu duten urte luzez senarrak somniferoz drogatu eta berak zein beste dozenaka gizonek 200 bat aldiz bortxatu izana. 51 gizon epaitu dituzte, eta senar ohi Dominique Pelicotentzat 20 urteko... [+]
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]