Aurrez prestatutako jakiak Irunen, kontsumo jasangarria oinarri
BDS Koop Eraldaketa Fabrika Behe Bidasoan ekonomia sozial eraldatzailearen alde lanean ari den kooperatiben elkartea da. Alor desberdinetako proiektuak batu dira bertan, tartean, nekazaritzaren eta elikaduraren bueltako zenbait egitasmo ere bai. “Eraldaketa fabrikatik proiektu desberdinak sortu dira, eta horietako bat izan da Larrea Janariak”, azaldu du Jaione Otxoa egitasmoko kideak. Duela urtebete jarri zuten martxan proiektua; prestatutako plater eta menuak saltzen dituzte dendan, eta banaketa ere egiten dute. Haien janarietan, baina, produktu ekologikoak eta hurbilekoak lehenesten dituzte, kalitatezko jakiak eta jasangarritasuna bultzatzeko helburuz.
Erosketak egiteko eta sukaldean aritzeko denboraz larri dabiltzanei hurbileko eta kalitatezko produktuekin elikatzeko modua eskaintzen dio Larreak. Bi langile ziren hasieran, Jaione bera eta Elena Panconesi, baina hirugarren lagun bat batu zaie gerora, Maria Huarte. “Labore denda kooperatiboko ohiko bezeroa eta sukaldaria zen Elena, nik ere beti ostalaritzan egin izan dut lan, eta hortik proposatu ziguten bioi hastea”. Gerora batu zen Maria proiektura. Irungo Larreamendi auzoko dendan prestatzen eta saltzen dituzte jakiak hiruen artean.
Plater eta menu formula desberdinak daude Larreako eskaintzan egunero: lehenengo platera eta postrea, bigarrena eta postrea, plater bakarra… “Internetez ere eskatu daitezke menu edo platerak, egunean bertan edo aurreko egunetan, eta hemen edo etxean jaso dezakete bezeroek”, dio. Larrea.eus webgunea dute martxan, horretarako. Banaketa, berriz, Badoa enpresak egiten du, BDS Koop elkarteko kide den txirrinda bidezko banaketa proiektuak. “Dena dela, dendako eguneroko platerez gain, bestelako eskaintzak ere egiten ditugu: katering enkarguak, talde afariak, otordu jendetsuak…”, adierazi du Otxoak.
Aukera begetariano eta beganoa
Hurbileko ekoizleekin eta ekologikoekin egiten dute lan Larrean, ahal den heinean behintzat. Haien hornitzaileen artean daude, esaterako, Olaberriako haragi ekologikoa ekoizten duen Oihanalde, Bidasoaldeko Astiro eta Sorburu Baratza, Jauregia esnekiak, Ekoalde… “Azken batean, aurrez prestatutako jakien denda da gurea, baina filosofia batekin prestatutako gauzak dira denak”, gehitu du.
Eskaintza begetariano eta beganoa ere badute Larrean. “Bezeroen profilaren aldetik, denetatik dator, sukaldean aritzeko denborarik ez dutenak, irakasleak eta inguruko enpresetako langileak adibidez, baina begetariano eta begano asko ere etortzen dira, aukera hori beti dugulako”. 7,50 eta 13 euro artean gastatuta, ongi eta kontzienteki bazkaltzeko edo afaltzeko aukerarik bada Irunen.
Arrasateko Beroña auzoan dago kokatuta Xabi Abasolo Etxabek eta Naiara Uriarte Remediosek bultzatutako Errastiko Ogia proiektua. Bakoitza bere bidetik iritsi ziren okintzaren mundura, baina eredu ekologikoan eta ama orearekin ekoizteko oso ongi uztartu dituzte bi gazteen... [+]
Nafarroako beste zenbait herritan bezala, duela lauzpabost urte hasi ziren Basaburuan gaztainondoen inguruko lanketarekin. “Bertako gaztain barietateei lotutako ikerketa abiatu zuen Nafarroako Gobernuak, eta orduan hasi zen hemengo herrietan ere gaztainaren historia... [+]
Euskal literaturaren eta kulturaren topaleku garrantzitsuenetakoa da abenduaren 5etik 8ra egingo den Durangoko Azoka, eta 59. edizio honetan ere, Bizi Baratzeak bere postua izanen du, ARGIAkoaren ondoan.
Garbiñe Larreak Kosmetikoak sendabelarrekin liburua argitaratu berri du ARGIArekin. "Egin ezazu zuk zeuk" filosofia kosmetikoen mundura ekarrita, egunerokoan behar diren produktuak egiteko liburu teoriko-praktikoa da. Eskuragarri dago azoka.argia.eus webgunean.
Naturopatiaren eta iridiologiaren mundutik iritsi zen Eztizen Agirresarobe Pineda ezkiotarra kosmetika naturalaren mundura: “Hirugarren urtea dut naturopatia eta iridiologia ikasketetan, baina lehenagotik ere egiten nituen ukenduak, kakaoak, eta antzekoak”, azaldu... [+]
Umetatik baserrian bizi izan dira Gillen eta Bittor Abrego Arlegi anaiak, Lizarraldean, Iguzkitza herrian. Familia abeltzaina izan da haiena baina baserria eta lursailak haien esku gelditu zirenean, proiektuari buelta bat ematea erabaki zuten bi anaiek: “Lur zatia eta... [+]
Lehen sektorea bultzatzeko eta indartzeko lanean dihardute Nafarroako Pirinioetan azken urteotan, eta lanketa horren baitan sortu zuten Pirinioetako Mahaia. Diagnostikoa ondu dute azken urteotan, eskualdean lehen sektoreari lotuta dituzten hutsuneak identifikatzeko, eta ondorio... [+]
EAEko ekoizpen ekologikoaren kontseilua da ENEEK-Ekolurra, eta zertifikazioaz gain, eredu ekologikoaren aldeko sustapen lana ere egiten du elkarteak. “Gaur egun, argi ikusten dugu etorkizuneko eredua dela ekoizpen ekologikoa, eta badagoela honi buruzko informazioa emateko... [+]
Urteak dira Bergaran kontsumoaz eta lehen sektoreaz lanketa zabala egiten hasi zirela. Ereindajan kooperatibaren eta Elikadura Mahaiaren sorrerak bultzada izan ziren lanketa orokor horretan. Azken urteotan, azoka plazaren inguruko hausnarketa prozesuan buru-belarri aritu dira... [+]
2014an sortu zuten Birika Permakultura proiektua Leioako lursail okupatu batean. Jurgi Uriarte Idiazabalek eta beste bi kidek jarri zuten martxan egitasmoa. “Lursail hartatik bota egin gintuzten gerora, aparkalekua egin behar zutelako, eta, etenaldi baten ondoren, bakarrik... [+]
Nekazaritzarekin harreman estua izan du betidanik Barazki Bizidunak proiektuko Iñaki Garcia Grijalbo Mapik. Bizitzaren paradoxak, gaur egun saltoki handi baten aparkalekua den lursailean zuten baratzea garai batean etxekoek Donostiako Intxaurrondo auzoan... [+]
Nafarroako Hazialdekoren, Ipar Euskal Herriko Biharko Lurraren Elkartearen (BLE) eta Gipuzkoako Biolurren arteko elkarlanetik sortu berri da HoBBea, mugaz gaindiko proiektua. “Garien bueltan bagenuen aspalditik harremana gure artean, baina, nolabait, harreman horiek... [+]
Bigarren urtez segidan hartu du Habelarte baserritarren elkarteak Leitzako festetan, Gaztetxean, afariak emateko ardura. Nafarroako Mendialdeko ekoizle agroekologikoen produktuekin osatu dute eguneroko eskaintza, eta ehunka lagun pasatu dira abuztuaren 10etik 14ra haien... [+]
Aurreko urte bukaeran Elizondoko zahar-etxearen kudeaketa publifikatzeko jauzia eman zuen Baztango Udalak, eta geroztik, haren esku gelditu da egoitzaren antolaketa. Eskualdaketa horrekin batera, elikaduraren alorrean eraldaketa sustatzea izan da udalaren erabakietako bat... [+]