Abendutik etenda egon da internet bidez Osakidetzan aurrez aurreko hitzordua eskatzeko aukera, baina otsailetik aurrera berriz jarriko da martxan. Etenaldiaren ostean funtzionamenduan jarriko dutena tresna berria izango dela jakinarazi du Gotzone Sagarduik Osasun sailburuak.
Gotzone Sagarduik Osasun sailburuak asteartean jakinarazi duenez, Osakidetzako web-orriaren bidez aurrez aurreko hitzorduak eskatzeko aukera martxan jarriko dute berriz. Iazko abenduaren 7an jakinarazi zuen Jaurlaritzak Lehen Mailako Arretan atzeratu egingo zituela "aparteko larritasunik" ez zeukaten kontsultak, eta horrekin batera itxi egin zen internet bidez hitzorduak eskatzea ahalbidetzen zuen tresna. Orduko hartan Sagarduik azaldutakoaren arabera, koronabirusak osasun-sisteman eragindako egoerari zegokion erabakia. Asteartean egindako agerraldian, aldiz, web-orri bidez hitzordua eskatzeko aukera berreskuratuko dutela jakinarazi du, adieraziz pandemiaren bilakaerari dagokiola erabakia.
Etenaldiaren ostean martxan jarriko den web-orri bidez hitzordua eskatzeko zerbitzua ez da izango lehengo bera, ordea. Sagarduik jakinarazi duenez, tresna berria izango da aurrerantzean herritarren eskura jarriko dena, eta pazienteak "profesional egokiarengana" bideratuko ditu, kontuan hartuta zein den beharrizana. Azaldutakoaren arabera, tresna horrek ezberdindu egingo du administrazio-izapideen eta osasun-arrazoien artean, eta horren arabera hitzordua eskatzen duen pertsona profesional batengana edo besterengana bideratuko du.
Asteartean bertan jarriko da martxan tresna berria Araban, eta datorren astetik aurrera Bizkaian. Gehixeago kostako zaio Gipuzkoara heltzea, aurreikuspenen arabera lurralde horretan hilabete amaieran jarriko baita martxan hitzordua eskatzeko tresna.
1.075 pertsona artatu ditu Barakaldoko ospitaleko genero-identitateko unitateak, 2016ean unitate hori martxan jarri zenetik. Erdiak baino gehiagok adin-nagusitasuna bete aurretik jaso zuen lehen arreta. Eta, kopuru osoaren herenak hamasei urte baino gutxiago zituen.
Ikasturte osoan inork aipatu ez dituen kontuetan aritu ondoren, aktualitatearen erdigunera eraman nau, ustez, pneumonia batek, nola definitu ez dakidan hartuemana izan baitut Osakidetzarekin. Eta lehen deitik, ai ene, esperimentu batean egotearen sentsazio zirraragarria,... [+]
Satse Euskadiko Erizainen Sindikatuak deitu du greba, eta udako murrizketek eragindako lan karga arintzeko neurririk ez hartzea leporatu dio Osakidetzari.
Bilboko magistratuak adierazi du ez dagoela froga nahikorik langileak delitu hori egin zuela egiaztatzeko eta ez dagoela “lekukorik” hori frogatu duenik. Horrelako 300 sabotaje salatu ditu anbulantzien zerbitzua esleitua duen enpresak.
Istripu eta larrialdiei erantzutea eta gaitz kronikoak dituzten ikasleak artatzea lirateke, besteak beste, erizainak eskolan lituzkeen funtzioak, gaur egun gehienbat irakasleen bizkar geratzen dena. Eskoletan erizain batek egon behar duela aldarrikatzen urteak daramatza SATSE... [+]
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.
Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.
Jaurlaritzari koloreak atera dizkio Espainiako Gobernuak: Osakidetzak iragarri berri duenean jaioberriei egiten zaien orpo-proban hamalau gaitz antzeman ahalko direla aurrerantzean, gutxienez 22 gaitz behatu beharko ditu, Madrilen aginduz. Nafarroak dagoeneko 30 gaixotasunen... [+]
Jaioberriaren orpoan zizta eginez, hainbat gaitz aztertzen ditu osasungintza publikoak. Osakidetzak 14ra igo berri du aztertzen diren gaitzen kopurua, baina beste lurralde batzuekin konparatuta, atzeko postuetan dago EAE: Nafarroan 28 gaitz aztertzen dituzte, Galizian 33,... [+]
Eusko Jaurlaritzak Osakidetzan iragarritako lanpostuak behin-behinean dauden langileen plazak formalizatzeko izanen direla esan dute ELA eta ESK sindikatuek.
Eusko Jaurlaritzak 277 milioi euro bideratuko ditu ospitaleak handitzeko, eta ESK sindikatuak “desegokitzat” jo du erabakia.
Astelehenean, otsailaren 19an, EAEko anbulantzietako langileek greba mugagabeari ekin diote.
Kontratazio publikoa tresna baliotsua da erakunde publikoen berrikuntza-politikarako. Elikagai jasangarrien erosketa publikoak egungo ekoizpen- eta kontsumo-ereduak aldatzeko gaitasuna du. Ospitaleak ere funtsezkoak dira horretan. Renascence ikerketak osasun-zerbitzuetan... [+]
Zerbitzutik zortzi erizain eta bi erizain laguntzaile kendu dituztela salatu du sindikatuak. Larrialdi horietara herritar bereziki zaurgarriek jotzen dutela azpimarratu du, eta agintariei eskatu diete “pertsonak zenbaki soiltzat hartzeari uzteko”.