“Aurrerapen esanguratsuak” espero ditu Ortuzarrek bake prozesuan
Andoni Ortuzar EAJko EBBko presidenteak adierazi du sei hilabeteko epean Euskal Herriko gatazka konpontzeko prozesuak “aurrerapen esanguratsuak” izatea espero duela.
Donostiako GBBren egoitzan egin ditu adierazpenak Andoni Ortuzarrek. Berriako Jokin Sagarzazu eta Garako Aimar Etxeberria kazetariek jaso dituzte Twitter bidez.
Joan den larunbatean Bilbon 130.000 lagun bildu zituen manifestazioari EAJk eman zion sostenguari dagokionez, “salbuespen erantzun” gisa definitu du Ortuzarrek, “salbuespen egoera batek eraginda”. Dena den, "etorkizunera begira jartzeko" balio izan duela nabarmendu du.
Manifestazioa isila zen arren, parte hartu zuten zenbait herritarrek presoak etxeratzearen alde egin zituzten oihuengatik dezepzioa adierazi du EBBko buruak. Dena den, ukatu egin du deseroso sentitu zenik.
Manifestazioak ez du abertzaleek osatutako fronte bat ekarriko Ortuzarren esanetan.
Rajoyri deia
Ortuzarrek armagabetzea exijitu dio ETAri eta Mariano Rajoy Espainiako presidenteari berriz, legea bete dezala. “Aplikazio zentzuduna eta graduala” egin dezala eskatu dio Rajoyri EAJko buruzagiak. Espainiako botere judizialari ere ildo bereko deia egin die.
EAJko burua oso kritiko agertu da Jorge Fernandez Diaz Espainiako Barne ministroarekin. Haren jokaera "arduragabekeria" dela iritzi du eta "beste batzuek jartzen ez duten erantzukizun plusa" jarri zuela alderdi jeltzaleak manifestazioaren debekuak eragindako egoeraren aurrean.
Ekintza “indartsuagoak eta determinatuagoak” iragarri dituzte, euskal presoen auziaren konponbidean Frantziako Gobernuaren “borondate eza” ikusita.
Larunbatean Donostiako Bulebarretik abiatu zen preso gaixoen aldeko manifestazioak milaka lagun bildu zituen. Sarek antolaturiko ekimenak arratsaldeko bostak aldera ekin zion ibilbideari “Larriki gaixo dauden euskal presoak etxera. Giza eskubideak. Konponbidea... [+]
Bere jarrera argi utzi du EAJk. Bat-bateko aldaketarik eman ezean, ez da Sarek antolatutako presoen aldeko manifestaziora joango urtarrilaren 10ean. Iazko manifestazioan egon bazen, egoera “ezohikoa” zelako izan zela esan du alderdi jeltzaleak.
Azken hilabeteetako gertakariei buruz ETAk egiten duen irakurketa argitaratu du Gara egunkariak. Erakunde armatuak urtarrilaren 11ko manifestazioa “inflexio une” gisa hartu du eta “urrats esanguratsuak” iragarri ditu gatazkaren konponbidera bidean.
Eusko Jaurlaritzako Justizia Sailburu ohia da Joseba Azkarraga. Urtarrilaren 11ko Tantaz tanta ekimena debekatua izan baino lehen elkarrizketatu genuen. Ondoren, Bilboko manifestazioa egiteko eskaera erregistratu zuen bere izenean.
Euskal Preso Politikoen Kolektiboak irtenbide indibidualari bidea irekitzen dion agiriak eta urtarrilaren 11n Bilbon egin zen manifestazio erraldoiak, jendartean ilusio itzela sortu dute konponbidea lortzeko. Presoen aferaren inguruko oinarrizko galderak erantzun nahi izan... [+]
Joseba Egibar EAJ-ko Eusko Legebiltzarkidea eta GBB-ko presidentea da.
Manifestazioek ez dute espetxe politikarik aldatzen Jorge Fernandez Díaz Espainiako Barne ministroaren esanetan, baina PPn mugimenduak ekartzen dituzte. Asteazkenean Arantza Quiroga EAEko popularren burua eta Mariano Rajoy Espainiako presidentea bildu dira eta erabaki... [+]
Gaur Deia egunkarian Hasier Arraiz Sortuko presidenteak idatzitako iritzi artikuluan, Bilboko manifestazioaren deitzaile izan ziren guztien eskuzabaltasuna eta ardura politikoa nabarmendu ditu, eta batik bat EAJren EBBko presidente Andoni Ortuzarren jarrera. Manifestazio... [+]
Aste honetan ARGIA berezia argitaratuko dugu joan den larunbatean Bilbon egin zen konponbidearen aldeko manifestazioa jorratzeko.
Josu Erkoreka Eusko Jaurlaritzako bozeramaileak balorazio positiboa egin du “Giza eskubideak, konponbidea, bakea” manifestazioaz. Eusko Jaurlaritzaren Gobernu Batzordearen ostean egin ditu adierazpenak.