Aurizberriko irakurle taldeak Mikel Albisu bakean uzteko eskatu du
Covite biktimen elkarteak hala eskatuta, joan den astean Nafarroako Gobernuak eskatu zien herrialdeko iparraldeko zenbat udalerriri Mikel Albisuri kentzeko irakurle taldeen gidari lana.
Covitek salatu zuen Mikel Albisuk Nafarroako iparraldeko hainbat udalerritako irakurle taldeak koordinatzen zituela. Horren ondorioz, eta “Nafarroako Elkarbizitza Planean oinarrituta”, Nafarroako Kultura Kontseilaritzak irakurle talde horiek kudeatzeko Albisuk duen ardura bertan behera uzteko eskatu zien hainbat udali. Aezkoa, Agoitz eta Erroibar Auritzeko teknikariek kontratatu dute Albisu Irakurle taldea dinamizatzeko.
Orain, Aurizberriko irakurle taldeko hamabost lagunek salatu dute modu horretan, Mikel Antzari –hori da Albisuren izen literarioa– “inongo epaitegik edo auzitegik halakorik agindu gabe, herritar libre gisa lanerako duen eskubidea ukatu nahi diotela”.
Irakurle taldeak “beti saio zinez aberasgarriak gertatzen” direla diote herritar horiek eta ekimenak irauten duen lau urteotan ikasi dutela haien barnean sortzen diren pentsamenduak hitzetan jartzen, “besteei ulertarazteko moduan”. Ikasi dute, halaber, “besteei entzuten, haien iritziak kontuan hartuz.
Baina, batez ere, solasaldi hauei esker gure literaturazaletasunean sakondu dugu, literaturaz ikasi dugu eta saiora sartu ginen baino aberatsago atera gara: irakurria genuen liburua kolore berriz ikusi dugu solasaldian parte hartzen dugunoi esker”.
Sinatzaileen iritziz, “solasaldiak antolatzeko ardura duen Mikelen aurkako erasoa ez ezik literaturaren eta euskararen kontrako erasoa ere bada honakoa”. Eta eskatzen dute “bakean utz gaitzatela orain arte bezala denon aholkuak entzunda Mikelek proposatzen dizkigun irakurgaiez gozatzen”.
Honako webgunean zabaldu du agiria taldeak: www.emanbakea.eus. Bertan agertzen dira sinatzaileak, solasaldietan aztertu dituzten liburuen zerrenda eta herritarrek agiriari atxikimendua adierazteko aukera.
Albisu 2004an atxilotu zuten Frantziako Estatuan eta han egin zuen preso 2019ra arte. Espainiako Segurtasun Indarren ustez, hainbat urtez ETAko buruzagitzako kide izan zen. Espainiako legediak birgizarteratze politikak bultzatzen ditu preso guztiekin, kalera ateratzen direnean beste edozein herritarrek bezala lan egin ahal izan dezaten. Errealitatean, aldiz, eta bereziki hainbat biktima elkartek bultzatuta, preso politiko ugariri lan egiteko trabak jartzen dizkiete, batez ere lan horietan zuzenean edo zeharka erakunde publikoak tartean badira.
Ane Labaka Mayoz bertsolari eta idazleak ‘Hezur berriak’ (SUSA, 2025) poesia liburua plazaratu berri du. Bertan, amatu aurreko eta ondorengo hilabeteetan bizitako beldurrak, ilusioak, biolentziak, presio sozialak, erruak, pozak eta nekeak bildu ditu.
Irati Aizpurua Alquezar abokatuak zuhurtziaz erantzun ditu ARGIAren galderak, eta testuinguru juridikoa eman digu, Debako udal liburutegian gertatzen denaren inguruan. Elkarrizketa zabal batean berriki kontatu dugunez, 2 urtera arteko haurrek galarazita dute Debako haur... [+]
Testu hau balorazio bilera baten ondorio dela esan genezakeen agian. Ordea, balorazio bilerek sarritan uzten dute aho zapore lehor eta gazi-gozoa. Astearte arratsalde eguzkitsu bat da. 16:53. Balorazio bilerara konektatu, eta erabaki dugu limoizko karamelu bana sartzea... [+]
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Odolaren matxinadak. Gorputza, politika eta afektuak
Miren Guilló
EHU, 2024
Miren Guilló antropologoaren saiakera berria argitaratu du EHUk. Odolaren matxinada da izenburu... [+]
2 urtera arteko haurrek galarazita dute Debako haur liburutegian egotea, eta 2-6 urtekoek 16:30-17:30 artean baino ezin dute egon. Hogei urtez horrela funtzionatu duen ageriko diskriminazioa buka dadila eskatzeko ama talde bat elkartu denean, ezetz erantzun die udal gobernuak... [+]
Astelehen honetan hasita, astebetez, Jon Miranderen obra izango dute aztergai: besteren artean, Mirande nor zen argitzeaz eta errepasatzeaz gain, bere figurarekin zer egin hausnartuko dute, polemikoak baitira bere hainbat adierazpen eta testu.
Zero. Transhumanismoa ate-joka erdi aro berrian
Aitor Zuberogoitia
Jakin, 2024
-----------------------------------------------------------
Hasieran saiakera filosofiko-soziologikoa espero nuen, baina ez da hori liburu honetan aurkitu dudan bakarra. Izan ere, biografia... [+]
Adolfo Bioy Casares (1914-1999) idazle argentinarrak 1940an idatzitako La invención de Morel (Morelen asmakizuna) eleberria mugarritzat jotzen da gaztelaniaz idatzitako literatura fantastikoaren esparruan. Nobela motza bezain sakona da, aparta bere bakantasunean, batez... [+]
Anton Txekhov, Raymond Carver eta Alice Munroren ipuingintzari buruzko mahai-ingurua egin dute Iker Sancho, Harkaitz Cano eta Isabel Etxeberria idazle eta itzultzaileek, Ignacio Aldecoa zenaren ipuin literarioaren jaialdian, Gasteizen. Beñat Sarasolak gidatuta, autore... [+]
Ihes plana
Agustín Ferrer Casas
Itzulpena: Miel A. Elustondo
Harriet, 2024
---------------------------------------------------------
1936ko azaroaren 16an Kondor legioko hegazkinek Madrilgo zenbait museori egin zieten eraso. Eta horixe bera da liburu honetara... [+]
Joan den urte hondarrean atera da L'affaire Ange Soleil, le dépeceur d'Aubervilliers (Ange Soleil afera, Aubervilliers-ko puskatzailea) eleberria, Christelle Lozère-k idatzia. Lozère da artearen historiako irakasle bakarra Antilletako... [+]
Martxoaren 17an hasi eta hila bukatu bitartean, Literatura Plazara jaialdia egingo da Oiartzunen. Hirugarren urtez antolatu du egitasmoa 1545 argitaletxeak, bigarrenez bi asteko formatuan. "Literaturak plaza hartzea nahi dugu, partekatzen dugun zaletasuna ageri-agerian... [+]
Etxe bat norberarena
Yolanda Arrieta
Alberdania, 2024
Gogotsu heldu diot irakurketari. Yolanda Arrietaren obra aski ezaguna zait eta iragan maiatzean argitaratu zuen proposamen honetan murgiltzeko tartea izan dut,... [+]
1984an ‘Bizitza Nola Badoan’ lehen poema liburua (Maiatz) argitaratu zuenetik hainbat poema-liburu, narrazio eta eleberri argitaratu ditu Itxaro Borda idazleak. 2024an argitaratu zuen azken lana, ‘Itzalen tektonika’ (SUSA), eta egunero zutabea idazten du... [+]