Atxondoko Udalak auzitara eramango du Jaurlaritzak ADIFi emandako baimena
Abiadura Handiko Trenaren eraikitzaileari (ADIF) Solatxo inguruko lursail batean betelanak egiteko baimena eman zion 2014an Eusko Jaurlaritzak, trenaren eraikuntzan sortutako hondakinak bertara bota ditzan. Atxondoko udal gobernuaren ustez, lursail hori babestu beharreko eremua da. Atzoko udalbatzarrean, udal gobernuko EH Bilduko bost ordezkarien aldeko bozkagaz erabaki zuten Eusko Jaurlaritzaren Ingurumen sailaren baimenaren kontra administrazioarekiko auzibidea abiatzea. Auzitara jotzearen kontrako bozka eman zuten, aldiz, EAJko hiru zinegotziek.
Dabid Cobos alkateak gogora ekarri duenez, baimen horren tramitazioan "hainbat irregulartasun daude", eta horregatik, baimena bertan behera utz zezala eskatu zion Atxondoko Udalak Jaurlaritzari, martxoan. Jaurlaritzako Ingurumen sailak, baina, ez dio Atxondoko Udalaren eskariari ezelako erantzunik eman, eta horregatik erabaki du EH Bilduk gaia auzibidean jartzea.
Dabid Cobos alkatearen berbetan, behin behinekoak izan dira Jaurlaritzak ADIFi eman dizkion baimen horiek, eta hainbat aldiz luzatu dizkio: "Behin behineko baimenak eman dizkio, baina hainbat dokumentazio faltan zegoela ere adierazi izan dio behin eta berriz Jaurlaritzak ADIFi, baina hauek ez dute dokumentu bat ere gehiago aurkeztu". "Mesede bat beste baten atzetik egin dizkio Jaurlaritzak ADIF.", Cobosen berbetan.
Orain harizti bat dagoen Solatxo inguruko lursailean 384.517 metro kuboko betelana egitea eta horretarako bertatik igarotzen den erreka desbideratzea da Eusko Jaurlaritzak baimendu duena, eta atzoko udalbatzarreko erabakiaren ondorioz, Atxondoko Udalak auzitegietan errekurrituko duena.
Albiste hau Anbotok argitaratu du eta CC-by-sa lizentziari esker ekarri dugu ARGIAra
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
