Atsedenerako eskubidea eta beharra aldarrikatu dute zaintza arloko langileek Donostian
Arabako, Bizkaiko, Gipuzkoako eta Nafarroako etxeko eta zaintza arloko langileak saretuta atera dira Donostiako karriketara. Argi utzi dute ezin izan dutela denek parte hartu: “Ez gaude denak, barruko langileak falta dira”. Beren osasun fisikoa eta mentala zaintzeko beharrezkoak diren zenbait aldarrikapen nabarmendu dituzte: “Oporrez eta aisiaz gozatu nahi dugu. Etengabe eta kasu askotan ordutegirik gabe egiten dugun gutxi baloraturiko eta aitortu gabeko lan intentsuaz atseden hartzeko beharra dugu”.
Zenbait eragileren artean egindako gogoeta prozesuen ondorio izan da manifestazioa: Hegoaldetik Enarak, Nafarroako Thycna eta Gipuzkoako Bidez bide eta Maitelan eragileek hartu dute parte, besteak beste. Denon Bizitzak Erdigunean plataforma feministak antolaturiko ekimenetan saretu eta indartu dira. Denon Bizitzak Erdigunean plataformaren diskurtso politikoaren bidetik jo, eta zaintza erdigunean jartzearen garrantzia azpimarratu dut: "‘Autozaintza’ birpolitizatu behar dugu; pertsonala politikoa delako. Nork zaintzen ditu etxeko eta zaintza langileak? Zer gertatuko litzateke zaintzeari utziko bagenio?".
Eusko Jaurlaritzari ere kritika egin diote, bere egoitzaren aurrean geldialdi bat eginez. 2018. urtetik Araban eta Gipuzkoan lanean jarraitzeko beharrezkoa da formakuntza soziosanitarioa izatea, baina langileek salatu dute "oso zaila" dela ikastaro horiek jasotzea. Gaineratu dute erroldaturik ez daudenek edo lan baimenik ez dutenek ezin dutela ikastaroetan izena eman.
Atzerritarren Legea oztopo
Santa Catalina zubian ere egin dute geldialdia. Bertan salatu dute migrazio prozesuak bizi dituzten emakumeek indarkeria ugari pairatzen dituztela: "Atzerritarren Legeak urte luzez lan baimenik gabe lan egitera behartzen gaitu, eta horren ondorioz lan eskubide eta eskubide sozial ugariren urraketa pairatzen dugu".
Etxeetan egoiliar gisa aritzen diren langileak ere izan dituzte gogoan, eta horrelako lan "esklaboen" abolizioa eskatu dute. Horrekin batera, langile guztientzako hitzarmen "duin" bat eskatu dute.
Seme-alaba jaioberria zaintzeko baimen ordainduaren zati bat aiton-amonei edota gertuko beste norbaiti eman diezaiekete gurasoek Suedian, uztail honetatik aurrera.
Arrazismoa, matxismoa, klasismoa, eta beste hamaika ismo-rekin batera koka genezake edadismoa ere, adinkeria, alegia. Adinaren arabera jasan daitekeen bazterketa guztiok paira bagenezake ere, bestelako diskriminazio motekin gurutzatzen denean, errealitatea gogortu egin daiteke... [+]
Azpeitiko epaitegian deklaratu beharko dute ekainaren 5ean. Zumaia eta Zarautz arteko A-8 autobidearen mozketari loturik, "desordena publikoa" egozten diete. Egun berean 09:50ean elkarretaratzea eginen du mugimendu feministak, elkartasuna adierazteaz gain,... [+]
Irati Mogollon soziologoak (Lezo, 1991) hausnarketa saioa bideratu du asteazkenean Laudioko Lezeaga Aretoan. Zaintzaren antolakuntzari buruz hausnartu eta etorkizunera begira jartzea proposatu du, bai jendarte moduan zein banaka.
Bati fardela aldatzea. Beste bati gorputza garbitu eta ximentzea. Jana atondu eta norbaiti jaten ematea. Norbaiten gorputza oheratu edo ohetik altxatzea. Goitikan ari dela inori eutsi eta hura garbitzea. Horiek guztiak dira zaintzeko lanak. Zerrenda askoz luzeagoa da, nahiz... [+]
Arabako Foru Aldundiaren erabaki batek etxez etxeko zerbitzurik gabe utzi ditu 150 pertsonatik gora, EH Bilduk salatu duenez. 700 euroren truke etxe barruko langile edo interna jarri behar izaten dira emakume etorkin asko, ez dutelako logela bat ordaintzeko modurik, Nafarroako... [+]
Martxoaren 8a dela eta, berri eta iritzi ezberdinak irakurri ditut. Berdintasunerako bidean lan handia egiten ari da gure gizartea, eta publikoki berdintasunerako bidean feminismoa onartua den borroka bada ere, gizarteko mikrokosmosetara jaisterakoan, bada oraindik berdintasuna... [+]
Azaroaren 30eko Greba Orokorretik "indartuta" eta "saretuta" atera dira feministak. Jone Gil Landaburu, Euskal Herriko Mugimendu Feministako kideak nabarmendu du horri esker mugimendu feministak zaintzaren auzia erdigunean jarri duela. Horrez... [+]
Ondoko urratsen berri emateko agerraldi publikoa egin du Denon Bizitzak Erdigunean plataforma feministak otsailaren 20 honetan. Zaintza sistema publiko eta komunitarioaren aldarria plazaraturik dutela, instituzioen partetik "neurriko erantzunik" jaso ez izana salatu... [+]
Sukalderik gabeko etxeak proposatzea probokazioa eta iraultza bat izan daiteke. Horrela dio Anna Puigjaner arkitekto katalanak bere ikerketa lanean. Sukaldea etxe garaikideen hausnarketa leku garrantzitsua da; genero berrikuspenetik begiratuta, sukaldea etxearen kokapenak... [+]
Langile guztiok dakigu greba orokorra nola egiten den, eta zer ondorio dituen. Baina ez genekien greba feminista orokorra egin zitekeenik, ezta eraginik izan zezakeenik ere. Mugimendu Feministak konplexuak alde batera utzi eta erakutsi du zaintza jendarte osoaren auzia dela eta... [+]
Gaur egun, zaintza sistemen etenari buruz hitz egin dezakegu; izan ere, kontuan hartzen al dugu gaur egungo zaintza sistemako fluxu guztien Continuuma? Hau da, kontuan hartzen al da baliabide naturalen erabilera gobernatzen duten legeak, horiek sostengatzen dituzten... [+]