Atenasko portuko errefuxiatuen kanpamentua hustuko dute sasoi turistikoa baino lehen
6.000 errefuxiatu baino gehiago daude Pireon, Atenasko portuko kanpamentu inprobisatuan. Hustu egingo dute turistak heltzen hasi baino lehen.
Pireoko portua Atenaseko porturik handienetakoa da. Ehunka errefuxiatu ailegatzen dira egunero-egunero. Kaosa, desordena eta informazio eza dira nagusi, eldiario.es atariak jaso duenez; portua ehunka errefuxiatuen itxaron gela eta babesleku bihurtu da azken hilabeteetan.
Errefuxiatu horietako asko herrialdeko beste hainbat eremutara bidaliko dituztela zabaldu du eldiario.es-ek. 38 familia siriar, 300 pertsona inguru, Pireotik Cileneko (Peloponesoko mendebaldea) behin-behineko aterpetxe batera bidali dituzte, esaterako.
Helburua argia da: Pireo portua sasoi turistikoa hasi baino lehen hustea. Migrazio Politikako Departamentuak hainbat idatzi banatuko dizkie kanpatutako pertsonei harrera-etxeetara bidaltzea onar dezaten. Dagoeneko 4.500 leku baino gehiago prestatu dituzte harrera-etxeetan –30.000 sortzeko konpromisoa hartu zuten–.
ACNURen arabera, 50.000 errefuxiatu baino gehiago daude Grezian; Idomenin 11.000 daude –horietako askok hilabete daramate jada–, eta Atenasen 4.000.
Deportazioak hasiko dira akordioaren ondorioz
Europar Batasunaren eta Turkiaren arteko akordioaren ondoren ordea, Greziako irletan dauden errefuxiatuak penintsulara bidaltzen ari dira. Modu horretan, erakundeak zerotik has daitezke akordioren ondoren iritsitako errefuxiatuak kontatzen.
Errefuxiatuen arteko alderaketa garbia eragiten du horrek: akordioa baino lehen ailegatu direnak Grezian mugi daitezke, eta akordioa sinatu baino lehen zituzten baldintzak onar ditzakete. Akordioaren ondoren ailegatzen direnek ordea, erregistro zentroetan atxilotu, eta Turkiara bidaliko dituzte.
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]
Zalaparta sortu du Libia eta Tunisiako mugako basamortuan hilik ikus zitezkeen ama alaba batzuen argazkiak. Migratzaileak zenbaki gisa tratatu arren, Fati eta Marie izena zuten pertsonak ziren.