Ateak Irekiren aldeko kontzentrazioa debekatu du Espainiako Gobernuak
Ateak Ireki webgunearekin elkartasunez ostiralerako deitutako elkarretaratzea debekatu du Espainiako Gobernuak Nafarroan duen Delegaritzak. Hala ere, kontzentrazioa egingo dutela iragarri dute hedabideko kideek.
19:00etan Iruñeko Udaletxera joateko deia egin diete herritarrei, “adierazpen askatasuna defendatu eta Ateak Ireki-ren itxiera salatzeko”.
Ateak Irekiko kideek haien blogean diotenez, behar bezala eskatu dute baimena, data baino hamar egun lehenago. Aitzitik, Espainiako Delegaritzaren faxaren arazo tekniko bat medio, papera ez omen da iritsi, eta, beraz, baimena ukatu diete. Erabakiarekin ados ez daudenez, mobilizazioarekin aurrera jarraituko dute webguneko kazetariek.
Hainbat atxikimendu jaso ditu elkarretaratzeak: EA, Aralar, Sortu eta Izquierda-Ezkerra aldediena; ELA, LAB, Stee-Eilas, CGT eta ESK sindikatuetan eta hainbat hedabide eta kazetariena.
Audientzia Nazionalak hilaren 13an webgunea ixteko agindua eman zuenetik, informatzen jarraitu dute webguneko kazetariek. Bloga paratu dute martxan: ateakirekiaurrera. Baita twitter kontu bat ere: AteakAurrera.
Nafarroako eraldaketa sozialera bidean “herriari ahotsa” emango dion tresna izan nahi du proiektu komunikatibo berri honek. Espainiako Auzitegi Nazionalak Ateak Ireki webgunea itxi ondoren abiatu zuten “Ahotsa behar dugu” dinamika, eta horren ondorioz... [+]
Ahotsa.info herri komunikabide berria aurkeztuko dute bihar Iruñean. Nafarroan sortu nahi duten eraldaketa sozialera bidean “herriari ahotsa” emango dion tresna izan nahi du proiektu komunikatibo berri honek.
Ahotsa.info izanen da Nafarroako herri mugimenduei ahotsa emanen dien informazio-bozgorailu berria. Twitter kontuaren bidez eman dute ezagutzera Ateak Ireki eta Apurtu.org atarien oinordeko izanen dena.
Espainiako Auzitegi Nazionalak Ateak Ireki webgunea ixtea agindu zuenetik, Nafarroako herri mugimenduek komunikatzeko tresna propioak behar dituztela aldarrikatzen ari dira sarean ‘Ahotsa behar dugu’ dinamikaren bidez.
Nafarroan "ahotsa" behar dutela aldarrikatzen ari dira egunotan Ahotsa Behar Dugu Twitter kontutik. Ateak Irekiren itxieraren ostean, herri hedabide baten aldeko aldarrikapena da.
Ateak Ireki komunikabidea ixtea erabaki du Espainiako Auzitegi Nazionalak Herrira mugimenduaren parte dela argudiatuta. Nahiz eta epaia irmoa ez izan, hiru orriko txostena nahikoa izan du Eloy Velasco epaileak hedabide bati hitza kentzeko. Adierazpen askatasunaren aurkako... [+]
Hekimen Euskal Hedabideen elkarteak Ateak Ireki webgunearen itxiera salatu du prentsara igorritako ohar baten bidez. ARGIAk ere bat egiten du salaketarekin.
Espainiako Auzitegi Nazionalak agindu du Ateak Ireki hedabide herrikoia eta beste hiru webgune ixteko, Herrira mugimenduarekin lotura dutelakoan: Donostiako eta Zarauzko Herriraren guneak, eta etengabe.wordpress.com. Ateak Ireki bera izan da albistearen berri eman duena, eta... [+]