Nire desadostasunik eta gaitzespenik handiena Atarrabian aurrera eramaten ari den oinezkoentzako politikaren aitzakiarekin mozten ari diren zuhaitz mordoarekin.
Barkatuko didazue, baina dagoeneko gu bezala ez dakigu zein gaitzak jota gaixotu omen dira zuhaitzak ere. Aizue aitzakiaren susmoa hartzen hasia diot aitzaki horri. Nik dakidana zera da, itzal gozoa eskaintzen zuten zuhaitzak mozten ari direla, lehengo egunean herriko bi kale ezberdinetan. Bestalde, aparkaleku plaza berriak eraikitzearren eta espaloiak zabaltzeko aginduaz lurrera botatzen ari dira beste hainbeste zuhaitz gure herriko kaleetan.
Hau da gure hurrengo belaunaldiei utziko diegun lekukoa. Izorratzen zaituen zuhaitza, moztu, egin alde batera eta segi aurrera. Hau ahal da benetan haiek jasotzea nahi dugun mezua? Imajinatu ahal dut, zenbatean garestitzen zuen aurrekontua, zuhaitz nerabe hauek beste edonon birlandatzeko eskakizunari men egiteak. Hori argi dago. Baina esan beharra dago zementua lehenesten duen kudeaketak ez diola inoiz onurarik ekarri gure herriari. Gogoratuko duzue aspaldian Atarrabian zeuden parke eskasak eraikitzeko egon ziren proposamenek hartutako bideak…
Badakit ere sustrairik gabeko zuhaitzak ez duela inon leku aurkituko, eta ezingo duela berriro inon lurra hartu, hau baita mozteko erabili duten modua orain arte. Hau esaten dut, askori gertatzen hasi zaiguna baita herrian. Gure artean esango dizut, baina herritarrak aurrera jarraitzen dugun bitartean, geroz eta zailagoa izango zaie hurrengo belaunaldiei zuhaitz berri eta gazteei leku ematea. Gauzak geroz eta azkarrago doaz, geroz eta leku gutxiago ematen diogu oro har prozesu naturalak betetzeko behar duten denborari. Gaur moztu diren zuhaitz askok 20 urte baino gehiago behar izan dute tamaina horietara iristeko. Askorentzat bizitza oso bat izan da hori.
"Gauzak geroz eta azkarrago doaz, geroz eta leku gutxiago ematen diogu oro har prozesu naturalak betetzeko behar duten denborari. Gaur moztu diren zuhaitz askok 20 urte baino gehiago behar izan dituzte tamaina horietara iristeko"
Ez dakit birus anker eta maltzur honek inposatutako eragin pean onarturiko neurri gehienak bezala, gure gizatasunaren onerako izan diren edo ez mozketa hauek, ezin ekidin galdera hau, behin eta berriro baitatorkit burura. Esango nuke geroz eta denbora gutxienean ahalik eta obra gehien egiteak, eta zenbat eta nabarmenagoak diren eraikuntzen ildotik doazen politikak bideratzeak ez diola benetan gehiengo baten mesedeari erantzuten. Jendeari ere erakutsi behar zaio gauzek denbora hartzen dutela egi bihurtzeko, eta ezin dela ziztu batean dena aldatu, honako honetan horretan saiatu baitira. Baina gure esku dago erakustea nola gauzak pixkanaka-pixkanaka, poliki-poliki aldatzen diren, eta aldaketak hemen geratzea nahi badugu denbora behar duten aldaketak izan behar direla, betirako gera daitezen gurean.
Hau idazten ari naizen momentu berean, nire logelako leihotik begira, kale aurrean zutik geratzen zen azken zuhaitz sendo eta ederra motozerraz botatzen ari dira. Ezin diot malkoari eutsi. Errua ez da langileena, euren lana egiten baitute; errua ez da lizitazioak irabazi dituen enpresarena ere ez, preziorik merkeenean aurkeztutako proposamena zilegizko lehiaketa publiko batean irabazi baitzuten, eta promestutakoa baino ez dabiltza betetzen; errua ez da herriko udalarena ezta, hemen bizi garen bizilagun guztien onurarako diren legeak bere esku hartzen ari baita, eta ahal duten moduan aurrera eramaten. Bide batez, herriaren eskakizunei erantzun emanez jarduten dute. Orduan, norena da errua ?
Akaso bidean okertu gara hor nonbait eta ez dugu ikusi nahi izan, dena azkar, gaur eta lau urteko honetan aurrera eramateko grina asegaitz honek ez gaituela inongo leku onera eramaten ari.
Besterik gabe ez dezagun ahaztu, azken zuhaitza moztean, azken hostoa erortzean, lurra agortzen den egun hori iristen denean akaso, gu oraindik ere hemen jarraituko dugula. Eta ez badugu natura gure politiken ardatz bihurtzen, guretzat akaso ez dugula lekurik topatuko inon.
Hori baino ez nuen adierazi nahi…. Azken gauza bat, ederra geratu da Montikuloa txo!!! Animo Mikeli eta lantalde osoari.
*Atarrabiako bizilaguna eta ingurumen hezitzailea
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Hizpidea jarri zuen Pello Salaburuk sare sozialetan, aipatuta hemendik hamabost urtera etorkinen pisua Bizkaian biderkatu egingo zela, biztanle guztien %22 izateraino, eta hori badela “zinez euskararen mehatxua”. Jakina, horrela botata, beste zehaztasunik gabe, azkar... [+]
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Joseba Diez Antxustegi EAJk Eusko Legebiltzarrean duen bozeramaile berriaren iritziz, Imanol Pradales lehendakariak "esperientzia handiko emakumez eta gizonez osatutako gobernua osatu du, sektore profesionaletan errespetatuak eta Euskadirekin konpromisoa hartu... [+]
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]
Ilarei buruzko artikulu bat irakurri nuen duela bizpahiru egun, Guillem Martinezena, eta ez dakit ondo ulertu nuen. Kontatzen zuen etxe azpian ezer berezirik ez zuen izozki denda bat daukala, eta azken aldian ireki orduko izaten duela jendea, bata bestearen atzean ordenatuta,... [+]
Ez dut oso argi gure bizitzak gidatzeko, banaka, botere nahikoa dugun, baina saiatzen jarraitu behar dugula bai. Taldean gauza asko egin badaitezke ere, egunero gure buruarekin borroka bakartia dugu aurrera egiteko. Gizaki gehienok, bizitzea den norabide bakarreko ur... [+]