Asviamiek salatu du Gizarte Segurantzak ez duela lagundu nahi amiantoak kaltetutako laudioar bat
Elkarretaratzea deitu du Asviamie Aiaraldeak Gizarte Segurantzako bulegoen aurrean asteartean 12:30ean. Salaketa jarri du elkarteak Arabako Fiskaltzan, probintzia horretako Gizarte Segurantzako zuzendaritzari “prebarikazioa” egotzita. Izan ere, mesotelioma duen laudioar bati diru-laguntzak ukatu dizkiote.
Asviamie Aiaraldeak elkarretaratzea egin zuen asteartean Laudioko Gizarte Segurantzaren egoitzaren aurrean. Elkarteak salatu du mesotelioma duen laudioar bati ukatu dizkiotela diru-laguntzak gaixotasunari aurre egiteko.
“Araban duela gutxi lau kasu gertatu dira, horietako bat Laudion”, salatu zuten Asviasmie Aiaraldeako kideek, eta nabarmendu azken kasu hori dela medio salaketa jarri zutela uztailean Arabako Fiskaltzan, Arabako Gizarte Segurantzako zuzendaritzak prebarikazioa gauzatu ahal izan duela uste dutelako.
Elkarteko kideen ustez, “eskandalagarria” da Gizarte Segurantzaren Arabako zuzendaritzaren jarrera, “Lan Gaixotasunen prestazio ekonomikoa sistematikoki ukatu dielako mesoteliona pleurala daukaten pertsonei, Osalanek amiantoarekin lan egiten egon direla ziurtatu arren”. Gauzak hala, zuzendaritza horrek Espainiako Gobernuaren irizpideak urratzen dituela salatu dute Asviasmie Aiaraldeako kideek.
Nabarmendu dutenez, mesoteliomak “zalantza gutxi” sorrarazten ditu. “Pleuran edo peritoneoan kokatutako minbizia da, bizi-itxaropena asko mugatzen duena. Zientifikoki probatua dago ez duela tabako zaletasunarekin zerikusirik eta amianto fibrak arnasteagatik soilik eratzen dela”.
Aceros de Llodion eta Forjas Alavesasen
Arestian aipatutako kasuetan, langileek urte asko igaro zituzten Aceros de Llodion eta Forjas Alavesas fabriketan amiantotik gertu edo material horrekin zuzenean lan egiten, Amiantoaren aurkako taldeko kideek salatu dutenez. “Epaitegietako bide luzera jotzera derrigortzen dituzte biktimak eta euren familiak, prozesuak eragiten dituen kosteak eta prozesuak euren gain utziz”. Horregatik, “Konpentsazio Funtsaren” sorrera aldarrikatu dute.
“Duela zenbait hamarkada lan baldintza osasungaitzak pairatu behar izan genituen, minbizia sortzen duen material batekin lan egiten ari ginela jakin gabe, enpresek indarrean zegoen Higiene eta Segurtasun legeria urratzen zuten bitartean, lan administrazioaren konplizitatearekin”.
Gauzak hala, prestazioak ukatzeak helburu bati erantzuten diola uste dute Asviasmie Aiaraldeako kideek: “legea urratu zuten enpresak errugabetzea hauek prebentzio neurriak handitzera behartuak egon ez daitezen eta eginiko kaltearen erantzukizuna euren gain hartu behar ez dezaten”.
Gainera, nabarmendu dutenez, modu horretan Osakidetza izango da “osasun gastuak” ordaintzeaz arduratuko dena, “gu guztion zergekin”.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Bi urte igaro dira Espainiako Estatuan funtsa sortzeko legea onartu zutela, baina Pedro Sánchezen gobernuak oraindik ez du araudirik garatu eta ez du aurrekonturik funtsa diruz hornitzeko. Espainiako Kongresuan talde politiko guztiek aho batez eskatu diote, berriz ere,... [+]
Irailarekin batera badator ikasturte berriaren hasiera eta milaka haur eta nerabek ikastetxeetarako bidea hartuko dute berriz ere, batzuk pozik, beste batzuk ez hainbeste, baina denek euren azterketak eta lezioak motxilan dituztela. Beste hainbeste espero zitekeen euskal... [+]
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]
Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko... [+]
Laugarren dibisioko zortzigarren nabean egin diren desmuntaia lanen ondoren gertatu da amianto kutsatzea eta legez onartuta dagoena baino altuagoa izan da neurketaren emaitza. Langileei hartutako sei laginetatik lauk positibo eman dute.
Europar Batasuneko erakundeek adostuta, amiantoaren inguruko zuzentaraua aldatu eta minbizia sortzen duen mineralarekiko gehienezko esposizio-maila murriztu dute ekainean. Horretarako, funtsezkoa izan da Nantesen Tripode izeneko eraikinean frantziar administrazioko langileek... [+]
Europar Parlamentuak eta Europako Kontseiluak akordioa lortu dute amiantoaren inguruko araudia aldatzeko. Langileek mineral kantzerijenoarekiko izan dezaketen gehienezko esposizioa hamar bider jaitsiko dute. Europar Batasunaren arabera eraikuntzaren arloan 7 milioi langile daude... [+]
Legazpiko Patricio Echeverria enpresako langile ohi baten alargunari ere pentsioa onartu diote, senarra amiantoak eragindako gaixotasun batengatik hil zela onartuta.
Euskal Herriko amiantoaren biktimen elkarteak, Asviamiek, mozioa aurkeztu du gai kutsagarri horrek gehien kalteturiko Gipuzkoako eta Bizkaiko sei udalerritan. Egin gabe dagoen eta "beharrezkoa" den lan bat dela dio, "ingurumen-kutsaduragatik amiantoaren biktima... [+]
13 heriotza kontatu dituzte Aiaraldeko udalerri populatuenean. Asviamiek mozioa aurkeztuko du Laudion eta zerrendako lehen 10 postuetan agertzen diren Euskal Herriko udalerrietan.