Astra “kulturarako fabrika soziala” larunbatean inauguratuko dute Gernikan
Larunbat honetan inauguratuko dute Gernika-Lumoko Astra berritua. Programa zabala prestatu dute horretarako, urtarrilaren 5era arte iraungo duena. Arma fabrika zaharra “kulturarako fabrika soziala” bihurtu dute Gernikako herritarrek.
Abenduaren 29a izango da egitarauko egun nagusia, kalejirarekin hasi, Astrari ateak irekitzearekin segi eta dantza, musika, performanceak edo medialab ibiltariarekin bukatu. Beste egunetan ere eskaintza zabala: graffiti saioak, Lisabören eta Jupiter Jonen kontzertua, Linux instalazio jaia… Egitarauaren laburpena irakur daiteke Astraren webgunean.
Eraikinaren lehenengo okupazioaren 7. urteurrenarekin bat egingo du inaugurazioak. Proiektua bideratzen ari den koordinadorak adierazi duenez, “herritarren konkista” izan da puntu honetaraino iritsi izana. Herritarrak izango baitira proiektua gidatuko dutenak: “Arlo publikoaren kudeaketan jendartearen parte-hartze zuzena bultzatzen duen espazio” gisa definitu dute proiektua.
Kultura eta ekimen soziala
Kulturaren definizio zabala landu nahi dute, ekoizpen artistikoa bai, baina baita ekimen soziala, pentsamendu kritikoa eta esfera publikoaren demokratizazioa ere. “Astra denona da eta aldi berean inorena ere ez, erabili eta kudeatu nahi duten pertsona guztien esku dago, eta erabakiak modu parte-hartzailean hartzen dira asanblean nahiz lan-taldeetan”.
Lau faktoria izango ditu Astrak, honako diziplinak garatzeko: arte eszenikoak eta gorputz adierazpena; ikus-entzunezkoak eta diseinua; arte plastikoak eta eskulanak; eta hitzaren faktoria. Hortik harago baina, definizio itxietatik ihes egiten duen proiektua da:
“Astra bere egingo du erabiltzaile eta parte-hartzaile bakoitzak, eta gaztetxe, sormen lantegi, fabrika sozial eta kultural, kultura fabrika edo dena delakoa izango da, pertsona eta taldearen arabera”.
Prozesu luzea behar izan da Astra proiektuaren izaera definitzeko. Herritarren parte-hartzeari esker da posible asteburu honetatik aurrera Gernikan ikusiko dena, Leire Lopez Ziluagak Larrunen 160. zenbakian kontatu zuen moduan.
Informazio gehiago:
Astra proiektuari buruzko bideo honetan fabrikari buruzko informazio asko eskaintzen da:
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]
Duela bi urte Urdaibai Guggenheim Stop! plataforma herritarra sortu zenetik, Urdaibai ez dago salgai! leloa nonahi ari gara entzuten. Joan den urriaren 19an Gernikan milaka lagun bildu ginen proiektu horri ezetza emateko eta, nire aburuz, hiru dira arrazoi nagusiak... [+]
Auzitegi Nazionalean aurkeztu du salaketa eta “proiektua berehala eten dezaten” galdegin du. Bi lege urratzen dituela ohartarazi du: Kostaldeko Legea eta Europako Legea, Red Natura 2000ri dagokiona. Auzitegi Nazionalak Gobernuko Trantsizio Ekologikorako eta Erronka... [+]
Eusko Jaurlaritzak epe mugarik gabe gelditu du Muruetan egitekoa zen oinezkoentzako egurrezko pasabide baten exekuzioa, Guggenheim Urdaibai Stop plataformak helegitea jarri ondoren. Museoaren sarbideetako bat izan liteke bide hori eta biosferaren erreserba barruan legoke.
“Bi urteko gogoetaldia” iragarri zuten urte hasieran Eusko Jaurlaritzak eta Bizkaiko Foru Aldundiak, baina ez da geldialdia izaten ari, etorkizunean izan ditzaketen oztopoak aurreikusten eta atontzen ari baitira erakunde publikoak. Horrez gain, uda betean,... [+]
Boga Boga festibala antolatu dute Donostian, eta jaialdiaren bezperatan, EHUko Uda Ikastaroen barnean, bi eguneko jardunaldiak egin dituzte Dabadaba aretoan, Egia auzoan. Hainbat musikari ez ezik, zenbait makrofestibalen antolatzaileak bertaratu dira hizlari gisa, baita... [+]
Mende batean, Baionako Euskal Museoak izan duen bilakaeraz erakusketa berezia sortu dute. Argazki, tindu edo objektuak ikusgai dira. 1924an William Boissel Bordaleko militarrak bultzatu zuen museoaren sorrera, "euskal herri tradizionalaren" ondarea babesteko... [+]
Seo/BirdLife GKEak eta Guggenheim Urdaibai Stop plataformak bultzatzen dute ekimena, eta sinadura kopuruak Bilboko museoak urtero dituen bisitarien zenbatekoari erreferentzia egiten dio. Zehaztu dute “inpaktu kritiko eta itzulezinak” eragingo lituzkeela Urdaibiako... [+]
Ekologistak Martxan elkarteak bandera beltzak banatzen ditu urtero, kutsaduragatik eta kudeaketa txarragatik. Getariako makrogranjak eta Leioako Lamiakoko padurak jaso dituzte beste bi banderak.
Donostiako Kultura Garaikidearen Nazioarteko Zentroan dituen 6.300 metro koadroak erabiliko ditu Kutxa Fundazioak espazio berriarentzat eta 15 milioi euroko aurrekontua du proiektuarentzat. 2026ko udazkenean ireki asmo dute Atenea, eta hori baino lehen itxiko dute Miramongo... [+]