Asteburuko eraso sionistak eta horien gaineko hedabideen manipulazioa salatu dituzte Bilbon
Asteburuan Bilbon izan dira Hapoel Holon saskibaloi-talde israeldarra eta haren jarraitzaileak, eta israeldarren eta herritarren artean jazotako istiluak izan dira albiste. Asteazkenean, Bilbo Zaharreko eta Alde Zaharreko bizilagunek elkarretaratzea deitu dute, gertakizunen gaineko beren kontakizuna plazaratzeko. Eraso sionista eta faxisten aurrean erantzuteagatik hainbat hedabide herritarrak kriminalizatzen saiatu direla salatu dute, baita eraso horien aurrean Poliziak ez esku hartu izana ere. Bilboko Udalari gertakizunen gaineko erantzukizuna hartzeko eskatu diote.
Asteazken arratsaldean, Bilbo Zaharreko eta Bilboko Alde Zaharreko auzokideek deituta, elkarretaratzea egin zuten San Anton zubian. Igandeko istiluetan Hapoel Holon saskibaloi taldearen jarraitzaile israeldarrek gogor kaltetutako Amets tabernaren parean bildu ziren hainbat pertsona, eta 19:00ak jotakoan errepidea moztu zuten "egun hauetako gertaeren eta esan ez denaren aurrean" beren kontakizuna plazaratzeko.
Izan ere, hori izan da salatu duten gauzetako bat: zenbait hedabidek asteburuko gertakizunei buruz hedatu duten kontakizuna, eta kontakizun horrekin sionistei aurre egin dieten auzokideak kriminalizatzeko saiakera. El Correo egunkariak publiko egindako albisteari erreferentzia zuzena eginez, auzotarrak "propalestinar erradikaltzat" jo izana deitoratu zuten. Horren aurrean, hala mintzatu dira: "Ez, jaunok. Auzokide solidarioak gara, eta ez ditugu bidegabekeriak onartzen, ez eta rol joko honetan esleitu nahi zaigun papera ere. Antolatuta egoteko eta instituzioen edo basati faxista edo sionisten erabakietatik defendatzeko asmoa alde batera uzten ez duten auzoak gara".
Beraiek egin dutena palestinar herriari elkartasuna adieraztea eta erasoen aurrean defendatzea besterik ez dela izan adierazi dute. Auzo gisa dituzten balioen artean garrantzitsuenetako bat elkartasuna izanik, "estatu sionistako talde honek asteburua gure artean igaroko zuela jakin genuenetik, Palestinako okupazioari normaltasuna emanez, herri honen borrokari ikusgarritasuna ematea erabaki genuen". Hala, hainbat taberna eta kultur-gunek Palestinako bandera zintzilikatu zuten, eta israeldarren bisitaren aurrean mobilizazioak deitu ziren ostiral zein igandean. Istiluak Hapoel Holonen jarraitzaileek hori jasan ezin izan zutelako gertatu zirela azaldu dute.
Salatu dute, baita ere, Bilbon egon diren bitartean "bai udaltzainek bai ertzainek eman dieten zigorgabetasun guztiarekin" egin dietela eraso herritarrei sionistek. Eta ildo horretan, galdegin dute zein ekarpen egiten dioten hiriari Saskibaloiko Champions League-aren Final Four-a bezalako ekimenek, eta horrez gain, zer dela eta jokatzen duen Asiako talde batek Europa mailako torneo batean. "Estatu sionista ez da Europa", gogorarazi dute, ulertzera emanez Israelen parte hartzearekin Palestinaren okupazioa normalizatzea bilatzen dela.
Beren bizipenak eta kontakizunak plazaratuta, elkarretaratzea ixteko Bilboko Udalari eskatu diote har dezala gertakizunen gaineko erantzukizuna eta eraso sionistak eta faxistak jasan dituen herritarren aldeko jarrera. Beren aldetik, auzo gisa ezein erasoren aurrean autodefentsaren hautuan berresten direla jakinarazi dute.
Gertakarien kronologia
Asteburuan jazotako gertakarien gainean nagusitu den kontakizunaren aurrean, beren kontakizuna entzunarazteko beharrizana mamitzen joan da herritarren artean. Behar horri erantzun dio asteazkeneko agerraldiak, baita asteartean AZET Bilboko Alde Zaharreko Etxebizitza Sindikatuak egindako gertakarien kronologiak ere. “Udalaren gezurren eta intoxikazio mediatikoaren aurrean, gertatutakoa errepasatuko dugu. Ez da kontatu dizuten moduan gertatu!”, ohartarazi dute.
Twitterreko hari batean jaso dituzte egunez egun gertatutakoak. Bertan kontatu dute Hapoel Holonen jarraitzaileak sinbologia sionistarekin ibili zirela heldu zirenetik, eta bilbotarrek palestinar herriari erakutsitako elkartasun keinuen aurrean probokazioari ekin ziotela, istiluei bide emanez. Besteren artean, seinalatu dute israeldarrek igandean Nix hoteletik abiatu zutela manifestazioa, gogoraraziz “sionistek kudeatutako eta finantzatutako israeldar hotela dela”.
Gertakizunen nondik norakoak xehetasun gehiagorekin ezagutu daitezke hari honetan:
? Sobre las ?????????? ????????? ? ????????? de este fin de semana en Bilbo. Frente a las mentiras del Ayuntamiento y a la intoxicación mediática, repasamos lo que ha pasado.
— AZET Etxebizitza Sindikatua (@AzTaldea) May 10, 2022
¡?? ?? ???? ?? ?? ???????! HILO:? pic.twitter.com/pDt4Ywva9q
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
Hirurehun bat pertsona hurbildu ziren jende katea osatzeko Marengo eta Pannecau zubien artean.
Dirudienez, Euskal Herrian migrazioa arazo bilakatu da azken bi hamarkadetan. Atzerritarrez josi omen dira gure lurrak. Gure kultura arriskuan omen dago fenomeno “berri” horren ondorio. Lapurretak, bortxaketak, liskarrak… Bizikidetza arazo horiek guztiak... [+]
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Oldarraldi faxistaren aurrean askatasuna leloarekin manifestaziora deitu dute dozenaka herritarrek. Ostiralean —hilak 21— 19:00etan Herriko Plazatik abiatuko da protesta, eta ahalik eta jendetsuena izatea nahi dute deitzaileek, faxismoaren oldarraldiari galga... [+]
Atxuri auzoan 2019ko azaroaren 5ean Voxen kontra egin zuten bederatzi pertsonaren kontrako epaia iritsi da. Akusatuek ez dute espetxean sartu beharko.
Larunbatean pertsona talde batek Tolosaldeako Kontseilu Sozialistako kide bati eraso egin ziola salatu dute. Azaldu dutenez, "faxistei aurre" egin zien propaganda jartzen ari zirela, eta piperbeltz espraiarekin zipriztindu zuten.
Larunbatean hamarnaka milaka herritar manifestatu dira Berlinen eta Alemania osoan. Otsailaren 23ko hauteskunde orokorren atarian, gainontzeko alderdiei eta bereziki CDU alderdi kontserbadoreari exijitu diete AfD eskuin muturreko alderdiarekin harreman oro eteteko.
Vox alderdi faxistak Iruñeko Arrotxapea auzoan "informazio-mahai" bat jartzeko asmoa iragarri zuen, eta "kaleetan faxistarik nahi ez duen" langile-auzo anitz baten gaitzespenarekin egin dute topo. Berriozarren ere izan dira VOXekoak, eta bertan ere... [+]
‘Gerraren eta faxismoaren aurka’ lelopean manifestazioa antolatu du Gazte Koordinadora Sozialistak larunbatean Iruñean eta Bilbon.
Atxuriko irakasle eta ekintzaile batek uko egin dio akordioari kontzientzia arrazoiak direla eta. Voxek bost urteko kartzela-zigorra eskatzen du auzokidearentzat, Fiskaltzak aldiz zazpi hilabeteko espetxe-zigorra hauteskunde-delituagatik eta hiru hilabeteko isuna mehatxu... [+]
Duela bost urte Bilboko Atxuri auzoan Voxen diskurtsoaren aurka mobilizatu ziren bederatzi gazte epaituko dituzte. Goizean bildu dira Bilboko Probintzia Auzitegiaren aurrean zenbait kide, akusatuen absoluzioa eskatzeko eta faxismoaren gorakada salatzeko.