Asteburuan Bilgune Feministaren urteurrena ospatu dute Oñatiko topagunean
‘Eztandak dardara gaitzala’ lemapean egin dute Euskal Herriko Topagune Feminista, ekainaren 11n eta 12an. Bilgune Feministaren sarea indartzea helburu, hainbat hitzaldi eta mahai-inguru egin dituzte asteburuan, baina batez ere ospakizunari eman diote garrantzia: 20 urteko ibilbidea ospatu dute, aldarrikapenez gain festarako tartea hartuta.
Oñatin elkartu dira Euskal Herriko feministak ekainaren 11n eta 12an, Bilgune Feministak antolatutako topagunean. Eztandak dardara gaitzala izan dute lema, eta jardueraz bete dute asteburua. 20. urteurrena ospatu dute eta berretsi sorrerako gogo berberarekin segitzen dutela.
Hainbat tailer eta hitzaldiz gain, kontzertuak eta jai giroa ere izan dituzte Oñatin. Bizitzak erdigunean jartzea burujabetza kontua da “mahai-inguru ibiltaria”rekin ekin zioten asteburuari larunbat goizean. Hasieratik izan duten xedeaz jardun zuten: Burujabetza Feminista. Bazkalostean tailer eta hitzaldi ugari egon ziren, hausnartzeko, ikasteko, eta iritziak zein jakintzak elkarbanatzeko.
Musika, bertsoa, antzerkia, dantza, soinua… presente izan ziren tailer eta emanaldietan. Halaber, Estallidos liburua aurkeztu zuten, eta Arantza Santestebanen hitzartzearekin 918 filma ikusi zuten. Feminismotik hainbat gai landu zituzten: zisheteroaraua, gatazkaren ikuspegi feminista, zaintza, ekofeminismoa, intersekzionalitatea, eta beste. Bertaratutako guztiak elkartu ziren 21:00etan, ekitaldi nagusian. Ondoren festarako aukera izan zuten talde hauen erritmoan: Ginger (Zarauzko punk taldea), IRA (Madrilgo rap taldea), Chocolate Remix (Argentinako reggaetoi taldea) eta gaua bukatzeko DJ Miau (euskal herritarrak).
Artisau azoka eta Anari, ixteko
Igandean goizean Dinagu emakume artisauen kolektiboak azoka ipini zuen, eta pilota tailerra ere izan zen. Eguna amaitzeko eta horrekin aurtengo topagunea, bazkari herrikoiaren ostean Anarik kontzertua eman zuen. Hortaz, Topagune Feminista hausnarketarako gunea izan da, baina azpimarratu dutenez, bereziki feministak saretzeko eta ospatzeko asteburua izan da.
Irakurri Jenofa Berhokoirigoinek 20. urteurrenaren harira Bilgune Feministako generazio ezberdinekin eginiko elkarrizketa: "Bageneukan iparra, baina beste jira bat ematera ausartu gara etengabean"
Egin berri dira Euskal Herriko Emakume* Abertzaleen Topaketa Feministak, azaroaren 16an, Laudion. Trantsizio feminista dimentsio guztietan lelopean 500 feminista elkartu ziren. Egun osoz amets egin zuten, utopiak lortzeko bidea marrazteko eta mugimenduko kideak ilusioz betetzeko.
Donostian egun osoko egitaraua prestatu dute 20. urteurrenean sakondu zuten “gorputza politikoa da” ildoari jarraitzeko. Gorputzen burujabetzari lotutako hitzaldi eta mahai-inguruak egongo dira, baita film laburrak ere. Jule Goikoetxea, Mijo Lizarzaburu, Mer Gomez... [+]
Martxoaren 8an Euskal Herriko Mugimendu Feministak zaintza sistema publikoaren aldeko greba bat iragarri zuen udazkenerako, zaintzak ezin baitu negozioa izaten jarraitu. Orain, kalez kale, auzoetan, herrietan, artikulatu behar da greba horretan burutuko den mugimendua... [+]
Duela hogei urte Euskal Herriko Bilgune Feministaren sorreran egondako bat –Edurne Epelde Pagola–, berriki kide egindako bat –Oihane Landazabal Bernabeu– eta bi hamarkadako ibilbidearen erdian kolektibo horretara sarturiko bat –Amaia Zufia... [+]
Duela hogei urte Euskal Herriko Bilgune Feministaren sorreran egondako bat –Edurne Epelde Pagola–, berriki kide egindako bat –Oihane Landazabal Bernabeu– eta bi hamarkadako ibilbidearen erdian kolektibo horretara sarturiko bat –Amaia Zufia... [+]
Duela 20 urte, 2002ko apirilean, sortu zuten Euskal Herriko Bilgune Feminista. Urteurrenaren testuinguruan, Topagune Feminista egingo dute ekainaren 11n eta 12an Oñatin, Eztandak dardara gaitzala lemapean.
Hogei urte beteko ditu aurten Bilgune Feministak, eta urtemugaren ospakizunari merezi duen tokia egin diote urteko eginbeharren zerrendan. 20 urtez paradisuak erretzen... Eztandak dardara gaitzala lelopean, datozen hilabeteetan hainbat herritan ospakizun ekimenak egiteko asmoa... [+]
2019ko azaroan Durangon egin ziren V. Jardunaldi Feministetan eztabaidatutako gaiak “Salda Badago” izenarekin argitaratu dituzte. Durangoko San Agustin kultur gunean aurkeztu dute liburua.
Euskal Herriko mugimendu feminista antiarrazista eta euskalduna helburu gisa jarririk, horretara heltzeko bideari begira jarri ziren kasik 600 emakume, Euskal Herriko VIII. Topaketa Feministen kari. “Bazter zabaletako errealitateak erdigunean” kokatzeko marko,... [+]
COVID-19 pandemiak eragindako egoera dela eta, aurrez aurre edo streaming bidez jarraitu ahal izango dira ekitaldiko hitzaldi eta tailerrak. Azaroaren 22a arte iraunen du izena emateko tarteak.
Koronabirusak eragindako zulo ekonomikoari aurre egiteko, “Ureztatu Elikatzen Zaituena” kanpaina abiatu du dute.
Asanblada irekia deitu du Bizitzak Erdigunean koordinadora feministak maiatzaren 2an. On-line izango da. Covid-19aren krisiari eta neoliberalismo patriarkal eta kolonialari aurre egiteko proposamenak dossierra ere plazaratu du, hogei talde feminista baino gehiagoren eta beste... [+]
Bilgune Feministako Osatze Taldeak idatzitako artikulua ekarri dugu, Bilgune Feministaren webgunetik. "Osasunak duen izaera politikoa ekarri nahi genuke eztabaidara. Izan ere, birusaren kontuarekin hedatzen ari den osasunaren ikuspegiak gaixotasunik eza defendatzen du, eta... [+]
Hiedra/Huntza aldizkari eta irratsaioak idatzizko lau ale eta sei entzunezko saiotan Mundubat mugimendu transfeministaren baloreak eta ideiak zabalduko ditu.
Komunitateak ehunduz herri ekimenetatik. Hori zuen izenburu EHUko Udako Eskolen barnean ekainaren 17an eta 18an egin zen ikastaroak. Euskal Herriko Unibertsitateko NOR, Parte Hartuz eta AFIT Antropologia Feministako Ikerketa Taldeek 2018 osoa pasa dute ekimen herritar... [+]