Asteburu honetan euskarazko liburu eta diskoen azoka Lazkaon, Ataunen eta Seguran
Azoka hauetara doan edonork izango du %15eko deskontua bertan erosten dituen liburu eta diskoetan. Hiru herri hauetako udalek hartzen dute beren gain herritarren deskontu hau. Giro ederra ziurtatuta egongo da hiru herri hauetan, kultur ekintzak, liburu aurkezpenak eta hainbat kale animazio antolatu baitituzte.
Seguran eta Ataunen ez dago liburu dendarik, beraz, azoka hau da herritarrek bertan liburuak eta diskoak eskuratzeko duten urteroko aukera. Lazkaon Gerriko liburu-denda dute eta bertatik hornitzen dituzte hiru azoketan mahai gainetan ikusgai egongo diren euskarazko liburuak eta diskoak.
35. azoka da Lazkaon antolatuko dena. Ostiralean 16:30etatik 20:00etara egongo da zabalik. Larunbatean 10:00etatik 14:00etara eta igandean 11:00etatik 14:00etara. Lazkaoko azokari bukaera herriko bandak emango dio, Gabonetako kontzertuarekin.
Seguran azoka Botikaxahar aretoan izango da. Ostiralean, azoka zabaltzeko ekitaldia egingo dute eta herriko koruaren emanaldia. Larunbatean 11:00etatik 14:30etara eta 17:00etatik 20:30etara egongo da zabalik. Igandean, 11:00etatik 14:00etara egongo da azokan erosteko aukera.
Ataungo azoka Herri Antzokian izango da, San Martin auzoan. Ostiralean 18:00etatik 20:00 arte irekiko dute azoka. Larunbatean eta igandean 10:00etatik 14:00ak arte egongo da azoka zabalik. Larunbatean, 12:00etan Castillo Suárezek Alaska poesia liburua aurkeztuko du. Igande eguerdian Miriam Lukik Argialdiak liburua aurkeztuko du.
Joxepa Madariaga Lazkaoko Gerriko kultur elkarteko bazkidea da eta gure galderei erantzun die azokaren bezperako egun lanpetuan:
Aurten lehenengoz ez da gaztelerazko libururik salgai egongo azokan. Nola eman duzue pauso hori?
Orain arte ere liburu gutxi dira gazteleraz salgai jarri izan ditugunak, sukaldaritza eta mendia gai zutenak. Doinuele Euskara Hutsezko Plazen Sareari esker eman dugu pausoa, Doinuelen oinarri gisa duguna herrian planteatu genuen eta erabaki genuen guk ere kendu egin behar genituela: sukaldari batek ateratzen duen erdarazko liburuari zergatik eman behar diogu lehentasuna azokan salgai jarrita, eta ez eleberri bat erdaraz ateratzen duen herritar bati? Garbi ikusi genuen erderazko liburu guztiak atera behar genituela azokatik. Liburudenda plazan bertan dago eta gazteleraz nahi duenak bertan erosi dezala, baina azokak duen %15eko deskonturik gabe.
Zein dira aurtengo berezitasunak?
Aurkezpen dexente jarri ditugu, ia denak gazte eta helduei zuzendutakoak. Aurkezpen formato anitzak erabili ditugu: Gerriko liburudendan egin direnak laburrak eta familia-girokoak izan dira, irakurtzeko gogoa pizteko helburuarekin. Udal liburutegian eta Gerriko elkarte gastronomikoan aurkeztu direnak gazteei zuzendutakoak izan dira, eskola ordutan, irakasleekin batera entzun dituztenak. Azkenik, ostiraletik igandera, azokan bertan egingo dira liburu aurkezpenak, frontoian, megafoniarekin.
Urtero egiten dugun moduan, aurkezpen denak dira inguruko idazleenak: Aitor Arana legazpiarrarena, Patxi Zubizarreta ordiziarrarena, Xabier Mendiguren beasaindarrarena, Laida Ruiz lazkaotarrarena, Irati Goikoetxea beasaindarrarena, Amaia Telleria Idiazabalgoarena, Eneko Aizpurua lazkaotarrarena...
Laida Ruiz azpimarratuko nuke, ilustratzailea da eta ilustrazioei bere lekua eman nahi diegu azokan. Uste dut orokorrean garrantzia hartzen ari direla, orain arte ilustratzaileak idazleen itzalean geratzen ziren, eta bere lekua hartzen ari dira.
Herriko eragileek ere parte hartzen dute azokan...
Ikastolak Bigarren Eskuko Jostailuen Merkatu Txikia antolatzen du, eta frontoian egongo dira haiek ere jostailuak saltzen. Hor ateratzen duten dirua Ruandara bideratzen dute.
Batxilergoko ikasleek ikas bidaiarako dirua lortzeko pintxoen eta txokolate beroaren postua jartzen dute azokan.
Larunbatean eta igandean, Lazkaon dagoen Biziolan Euskal Herriko emakume sortzaile eta ekoizle txikien azoka antolatu dute Dinagu kolektiboak eta Biziola kooperatibak elkarlanean.
Euskara hutsezko plazen sarea da Doinuele, eta Euskal Herriko zortzi ekimen hauek osatzen dute: (H)ilbeltza (Baztan), Geure Gelatik (Azkoitia), Literaturia (Zarautz), Ziburuko Azoka, Hernaniko azoka, Ikusi Mikusi (Sara), Lazkaoko azoka eta Sormene (Galdakao). Elkarrekin egin... [+]
Haur eta gazteei zuzenduta euskaraz dagoen literatur azoka bakarra da Ikusi Mikusi, Saran egingo dute eta Euskal Herri osoko 33 eskolatako 1.396 ikaslek, familiek eta arloko profesionalek hartuko dute parte. "Hazi handiak ereiten ditugu haur eta gazte horiengan".
Doinuele euskara hutsezko plazen sareko hurrengo hitzordua irailaren 30ean izango da, Doberaren eskutik, 11:00etan hasita. Zenbait idazlek liburuak aurkeztuko dituzte, tartean Jakoba Errekondok eta Garbiñe Larreak. Bertso saio literarioa eta kontzertua ere egongo dira.
Abuztuaren 31era arte egin daiteke postua jartzeko eskaera. Aurten diskoak saltzeko aukera ere egongo da, lehen aldiz. Emanaldi eta aurkezpenak iragarri dituzte antolatzaileek. Dobera euskara elkarteak antolatzen du euskara hutsezko azoka, eta orain, Doinuele Euskarazko Plazen... [+]
Joan den ekainaren 3an egin zen Ziburuko 4. Euskal Liburu eta Disko Azoka eta antolatzaileek –Baltsan Elkartea eta ARGIA– balorazio orokorra egin dute. Azoka handituz joan da bere erritmoan, urratsez urrats, urtetik urtera baieztatuz 2019ko hastapen hartan... [+]
Ladix Arrosagarai Baltsan elkarteko kidearekin mintzatu gara, Ziburuko IV. Euskal Liburu eta Disko Azokaren bezperan. Irrikaz daude ARGIArekin batera azoka antolatzen duen elkarte honetako kideak, zeruak errespetatuko duen konfiantzarekin, eta argitaletxe zein herritarren artean... [+]
Haira, Adrian Perez, Patxuko Nice eta Ixabe taldeak egonen dira kontzertu laburren bidez beren azken diskoa ezagutarazten. Liburu aurkezpenen gisara, musikagintzan den sorkuntzari ere lekua bideratu nahian dabiltza Baltsan eta ARGIA antolatzaileak. Larunbatean iraganen da... [+]
Baltsan Elkarteak eta ARGIA hedabideak antolatzen dute Ziburuko 4. Euskal Liburu eta Disko Azoka ekainaren 3an, Euskal Irratiak, Euskal Hirigune Elkargoa, Euskal Kultur Erakundea eta Ziburuko herriaren partaidetzarekin. Larunbatarekin, herriko plazan, aterpe pean, goizean... [+]
Ekainaren 3rako antolatu dugu Baltsan Elkarteak eta ARGIAk Ziburuko Euskal Liburu eta Disko Azoka, laugarrenez. Azoka honek euskararen erabilera bultzatu nahi du eta horretarako euskaldunei bi gauza eskaini nahi dizkie: kultur lanen kalitatea eta plazan euskaraz lasai egiteko... [+]
Ostiral arratsaldean hasita, hainbat liburu aurkeztu eta solaserako aukera bat edo beste eskainiko dira Azkoitiko Elkarguneko Herriko Plazan. Mariasun Landari omenduz zabalduko dute azoka.
Euskara hutsezko liburu eta diskoen azokek eta ekimenek indarrak batu dituzte: Doinuele sortu dute guztien artean, Euskarazko Plazen Sarea. Oraingoz, zortzi herri edo ekimenek osatzen dute sare hau eta gaur elkarrekin aurkeztu dute Bilbon aurtengo ekitaldien egutegia. Euskal... [+]