Asteartean etxegabetu nahi dute andre bat Astrabuduan, mailegu-enpresa bati 7.000 euro eskatzeagatik
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Etxegabetua izateko arriskuan dago andre bat Astrabuduan (Erandio, Bizkaia). Bertan bizi da duela lau hamarkadatatik, eta iruzur bat dela-eta dago kale gorrian geratzeko arriskuan. Emakumeak azaldu duenez, 7.000 euro eskatu zizkion bere garaian Bilboko mailegu-enpresa bati. Ikaragarrizko interesak ezarri zizkioten mailegu-emaileek, eta bere etxea abal gisa jartzera behartu zuten. Orain, iruzurraren bidez sortutako zorraren ondorioz, etxebizitza kendu nahi diote.
"Gaur nire burua etxebizitzarik gabe ikusten dut, asteartean [azaroaren 12an] etxegabetu egingo bainaute", esan du andreak Uribe Kostako Etxebizitza Sindikatu Sozialistak asteburuan argitaratutako bideo batean. Udaleko gizarte-zerbitzuek, gainera, ez diote oraingoz bizitoki alternatibarik ziurtatu: "Etxebizitza sozial bat eskaini zidaten. Gaur larunbata da; ez dago etxebizitzarik, ez dago giltzarik, ez dago kontraturik".
Etxegabetzea gelditzeko deia
"Beste behin, mailegatzaileen milaka euroko irabaziak lehenetsi dira, pertsona baten etxebizitza eskubidearen aurrean", seinalatu du Uribe Kostako Etxebizitza Sindikatu Sozialistak. Izan ere, ohartarazi du Astrabuduako bizilagun honi ere ez diotela etxegabetzeen kontrako moratoria ezarri, eta egoera okerragotu duela "udal-zerbitzuen utzikeriak": "[Biktimak] Ez ditu eskaintzen zaion etxebizitzaren ezaugarriak ezagutzen, eta ez diote eman horren giltza".
Hain zuzen ere, astearterako dago ezarrita etxe-kaleratzea, eta horri aurre egitera deitu du sindikatuak. Goizeko 09:00etan Astrabuduako Aldaieta Bideko 7. zenbakira bertaratzeko deia zabaldu du, etxebizitza-eskubidearen defentsan. "Negoziorako beste etxe huts bat egon ez dadin, batu etxegabetzea gelditzera", gaineratu du Euskal Herriko Etxebizitza Sindikatu Sozialistak.
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.