Astean sei eguneko lanaldia ezarri du Greziako Gobernuak
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Greziako Gobernuak iazko irailean onartu zuen Georgiadis Legea deiturikoa, gobernuko Demokrazia Berria alderdiaren gehiengoaren bidez. Lan-erreformak jasotzen dituen neurrien barruan, lanaldiari lotutako hainbat aldaketari egin diete bide: sektore publikoko eta pribatuko langileei ezarri ahal zaien lanordu kopurua handitu dute, eta oraintsu sartu dituzte indarrean horretarako neurriak.
Teorian, lan-fluxu "etengabea" duten sektoreetan areagotu ahalko diete lanaldia beharginei. Lan-fluxu horren adierazle izango lirateke, esaterako, lana txandaka antolatzea edo, "behar bereziek" bultzatuta, ahalegin "puntual" bereziak egin behar izatea. Dena den, sindikatuek behin eta berriz salatu dute oso zalantzagarria eta nahasia dela definizio hori.
Erreforma justifikatzeko, Kyriákos Mitsotákisen gobernu kontserbadoreak aitzakiatzat hartu du "lehiakortasuna hobetzea" eta "kualifikatutako langile faltari" aurre egitea. Oraingoz, industrian hasi dira erreforma aplikatzen eta lanaldiak handitzen: egunean 24 orduz martxan izaten diren lantokietan, hain zuzen ere. Georgiadis Legea, berez, kontraesanean sartzen da zenbait lan-hitzarmen kolektiborekin, nahiz eta ez diren asko Troikaren murrizketa- eta austeritate-politiken ostean.
Sei lanegun, egunean hamahiru ordu eta kaleratze malguagoak
Enpresek uztailaren 1etik daukate gaitasuna langileei lanaldia handitzeko, astean seigarren lanegun bat inposatuta. Beharginek ez daukate eskubiderik lanegun gehigarri horri uko egiteko. Momentuz, aldaketa hori da lantegietan ezartzen hasi diren lehenengoa, baina ez da lan-erreformak barne hartzen duen eta ahalbidetzen duen neurri bakarra.
Seigarren laneguna legeztatzeaz gain, egun bakoitzeko lanaldia luzatzeko aukera zabaldu diete enpresaburuei. Gainera, aukera egongo da lanaldi osoko (zortzi orduko) lan bat eduki arren, lanaldi partzialeko bigarren lan batean (gehienez egunean bost ordukoa) aritzeko. Modu horretan, eta bi lanak kontuan hartuta, legezkoa izango da langile batek egunean hamahiru orduz jardutea. Orain arte ere ohikoa izan da praktika hori, baina ez zegoen legeztatuta.
Hori gutxi balitz, kaleratzeak eta "eskariaren araberako enpleguak" erraztuko ditu erreformak. Enpresaburuek aukera izango dute langile bat botatzeko bere lan-kontratuko lehen urtean, aurrez jakinarazi gabe eta kalte-ordainik eman gabe. Eta hain polemikoak diren "eskariaren araberako enpleguei" lege-esparru bat emango die, bestalde, Greziako neurri-sorta berriak. Langileen eskubide politikoei ere, nola ez, egingo diete eraso: gogorrago zigortuko dituzte piketeak, sei hilabeterainoko kartzela-zigorrak aurreikusita.
Momentuz, seigarren lanegunari lotutako neurria hasi dira aplikatzen. Esperotzekoa da, pixkanaka, erreformak baimentzen dituen gainerako praktikak ere ezartzea.
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.
Lan baldintzen "prekarietatea" salatzeko kontzentrazioa egin zuten asteartean egunkariaren egoitzaren aurrean. Abenduaren 2tik sindaura greban daude langileak eta mobizlizazioak "areagotzea" erabaki dute orain.
Langileek salatu dute zuzendaritzak ez diela lan baldintzen gaiari heldu nahi izan eta enpresak nahiago izan duela Gaztea Sariak ekitaldia bertan behera utzi, “horrek sortutako albo-kalte ekonomiko eta sozial guztiekin”, arazoari irtenbidea eman baino.
Mendizale batek asteburuan ikusi du animalia Lapurdiko Azkaine herrian, eta otsoa dela baieztatu du Pirinio Atlantikoetako Prefeturak. ELB lurraldean "harraparien presentziaren kontra" agertu da.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Jakina da lan ikuskariak falta ditugula geurean. Hala ere, azken egunotan datu argigarriak ematea lortu dute: lan ikuskaritzaren arabera, EAEko enpresen %64ak ez du ordutegien kontrolean legedia betetzen. Era berean, lehendakariordeak gaitzetsi du, absentismoaren eta oinarrizko... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Martxoaren 8a hurbiltzen ari zaigu, eta urtero bezala, instituzioek haien diskurtsoak berdintasun politika eta feminismoz josten dituzte, eta enpresek borroka egun hau “emazteen egunera” murrizten dute, emakumeei bideratutako merkatu estereotipatu oso bati bidea... [+]
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]
Martxoak 8aren izaera iraultzailea berreskuratzeko deia egin du Itaia emakumeen antolakunde sozialistak. Irene Ruiz Itaiako kideak azaldu digunez, “oldarraldi erreakzionarioaren eta matxismoaren aurrean proposamen iraultzailea hauspotu eta kontzientzia sozialista... [+]
SPRI sozietatearen eraikinaren aurrean elkartuko dira langileak hurrengo asteko ostiralean.
Ingelera orduak handitu eta euskarazkoak murrizteko foru aginduaren kontrako helegitea aurkeztu du STEILAS sindikatuak. “Murgiltzea ataka larrian jartzen ari dira” salatu dute.
Arriskuan dauden BSH, Sunsundegui, Nano Automotive, Siemens Gamesa, Tenerias Omega, Tasubinsa eta Volkswagen enpresetako langile batzordeek haien egonezina azaldu dute eta Nafarroako Gobernuari "benetan bermatzailea den legeria bat artikulatzea" eskatu diote.
Ibilgailu baten bidez, Ver.diren protesta batean zeuden manifestariak aurretik eraman ditu. Duela egun gutxi, supremazista zuri batek 11 pertsona erail zituen Suedian.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.