Asko gara, etorri gurekin euskal eskola publikora
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren alde, eta beren umeak lehenengo aldiz hezkuntza sisteman matrikulatu behar dituztenei, baita gizarte osoari ere, eskola publikoa hautatzeko arrazoiak helarazi nahi dizkiegu:
Eskola publikoa gure ondoan dugu, auzoan eta herrian integratua, komunitate izaera bultzatuz; gertukoa izanda jasangarria da, familiarra, eta parte hartzailea, barruko zein kanpoko ekarpenei irekia; ume guztiak hartzen ditu bere altzoan eta gaurko jendartean bizitzeko tresnak ematen dizkie txiki-txikitatik, ezberdinen arteko elkarbizitza egunerokoan gauzatuz, aniztasunak aberastu egiten gaituelako. Ez dago lotuta inongo sinesmenari eta doakoa da. Euskalduna da eta etxeko hizkuntza edozein dela, euskara izango dute topagune eta euskal kultura ardatz. Azkenik, kohesio sozialaren tresna ezinbestekoa dugu: herriaren eskola baita, gure eskola. Horrela adierazi genuen pasa den urtarrilaren 18an, Tolosan, eskola publikoarekin konpromisoa duten pertsona esanguratsu askoren laguntzaz.
Karrantzako haranean, Gasteizko auzoetan, Anbotoko magalean, Goierriko herrietan, Arabar Errioxako mahastien inguruan, Lodosako lurretan, kresalak zipriztindutako Donostiako auzoetan, Aiaraldeko fabriken gerizpean, Bilboko itsasadarraren ondoko ikastetxeetan, Isuntza, Arrigorri edo Malkorbe hondartzak jolasleku diren haurren eskoletan, burdinaren herrietan, Meatzaldean, Aitzorrotz magaleko Debagoienako herrietan, Camile hartza Belaguako bailaran ibilitako bideetan… Bazter miresgarri horietan guztietan (eta gehiagotan) euskal eskola publikoa dugu zain.
Eskola publikoa, historian zehar irabazitako lorpenik handienetako bat, unibertsala eta berdintzailea den bakarra, ez da Jaurlaritzaren lehentasuna
Baina ezin dugu ahaztu garai txarrak datozela herritarren eskubideentzat orokorrean eta, bereziki, zerbitzu publikoen etorkizunerako. Eskola publikoa, historian zehar irabazitako lorpenik handienetako bat, unibertsala eta berdintzailea den bakarra, ez da Jaurlaritzaren lehentasuna. Osasun arloan gertatzen den bezala, neurriak hartzen ari da etengabe aukera pribatuei bidea errazteko eta publikoari murrizketak ezartzeko.
Politika pribatizatzaile honek diru publikoarekin hornitzen jarraitzen du leku askotan beharrezkoak ez diren ikastetxe pribatuak, alegia, eskaintza publikoa nahikoa den lekuetan eta sare pribatuaren eskola-plazen gain eskaintza baimentzen jarraitzen du; hezkuntza-planifikazioa bi sareak, pribatua eta publikoa, maila berean baleude bezala eginez. Betiko hitz politez haratago, hori da Hezkuntza Sailaren jokamoldea.
Baina irakaskuntza pribatuari ematen zaion euro bakoitza eskola publikoari kendu egiten zaio eta horra bideratzen den diru publikoak gizartearen sailkapena eta banaketa bultzatzen du ezinbestez.
Denon lana da zerbitzu publikoak defendatzea, osasun arloan, zaintzetan eta hezkuntzan ere, zerbitzu publiko horien guztien kalitateak jendartearen ongizate maila bermatzen baitu. Euskal Herri osoan, eta Euskal Autonomia Erkidegoan ere, Hezkuntzan, Eskola Publikoa da denona eta denontzat den zerbitzu publikoa.
Orain, EAEko ikastetxeetan matrikula egiteko garaia den honetan, asko gara Euskal Eskola Publikoaren aldeko hautua egiten dugunok. Gurea delako, etorri gurekin zu ere. Zoaz gertuen duzun eskola publikora, ezagutu, matrikulatu zure seme-alabak, eta parte hartu. Euskal Eskola Publikoan zure zain gaude.
Euskal Eskola Publikoaz Harro Topagunearen izenean, Maribel Lopez de Luzuriaga Alonso eta Koldo Zabala Atxa
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Goizean jaiki orduko hasten dira desegokitasunak. Beharbada lotarako erabili duzun lastaira ere ez zen egokiena. Baina, ezin ba idatzi desegoki sentiarazten nauten guztiez. Horregatik, udaberriko ekinozioa –egunaren eta gauaren arteko oreka– dela eta, oraindik ere,... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Antropozentrismoaren aldaera traketsena eurozentrismoa izan zen. Europako mendebaldea, geografikoki, Kontinente Euroasiarraren penintsula txiki bat besterik ez da, baina lau mende luzez gertaera demografiko, teknologiko eta ideologiko batzuk zirela medio, bazter horretako... [+]
Badakizuenok badakizue, beste gauza asko bezala, euskararen aldeko borrokan ere politikoek, eragile batzuek eta hedabideek beraien antzezlana saldu nahi digutela, benetakoa balitz bezala.
Lehen urtean pozik jaso nuen, "Euskaraldi" hau. Zer edo zer zen, ezer ez zegoela... [+]
Euskarak, mendez mende, zapalkuntza sistematikoa jasan du, eta oraindik ere borrokan dabil egunerokoan bere leku duina aldarrikatzeko. Hizkuntza baten desagerpena ez da inoiz berez gertatzen; planifikazio politiko eta sozialak eragiten du zuzenean. Euskaldunoi ukatu egin izan... [+]
Horra Libération egunkariak berriki argitaratu duen idazkia:
“Bayonne” bukatu da, Libérationek “Baiona” idatziko du
Hiri baten izenaren erabilpena ohiturazkoa delarik, egunkari batean izen horren erabilpena aldatzea zaila da. Alta, irakurleen... [+]
Eusko Jaurlaritzak eta Arabako Foru Aldundiak Datu Zentroen instalazioei ateak irekitzen dizkiete horiek arautzeko legedia sortu aurretik. Bilbao-Arasur Dantu Zentroarekin, bere lehen fasea gauzatuta, eta instalatzea amesten duen Solariaren Datu Zentroarekin, 110.000 m2... [+]
Otero jauna, garai honetan artzain honek ez du tarte handirik izaten ezertarako, justuan ibiltzen naiz, baina gaurkoan ezin utzi erantzun gabe zure azken kolaborazioa. Izan ere, sortu didan egonezinak pisua du. Haserrea ere astuna egiten zait. Ez pentsatu, ordea, dela zenbait... [+]
Duela gutxi, asteburu berean, Ertzaintzak bi salaketa jaso ditu: lehenengoa, emakume kolonbiar batena; lekukoen arabera, ertzainak kolpeka jarraitu zuen lurrera bota ondoren eta konorterik gabe zegoela; ospitalean garuneko edema eta paralisi partziala diagnostikatu zizkioten... [+]
Frantziskok "Franciscomanía" zeinuarekin hasi zuen bere Aitasantutza. Fenomeno soziologiko horri esker, Vatikanoko boterearen zirrikituak aldez aurretik ezagutzen ez zituen gaztetasunaren ikono eta Elizako aldaketa-haizeen intsuflatzaile bihurtu zen.
Era berean,... [+]
Euskal Herriko Mugimendu Feministak aurtengo Martxoak 8ko mobilizazioak "faxismoaren, erreakzionarismoaren eta zapalkuntzaren aurkako aliantzak" ehuntzean ardaztu ditu.
Kepa Kortak Naiz-en idatzitako “Musikariaren jakituria” artikuluan faxismoa definitzeko... [+]
Harea-erloju baten bidez irudikatu ohi da denboraren joana. Ospatu berri dugu Saharako Errepublika Arabiar Demokratikoak 49 urte bete dituela iragan den otsailaren 27an. Urte hauetan guztietan, harearen pisuak ez du oraino estali Saharako populuaren askatasun-nahia eta... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
UEMAk Telegram bidez banatzen duen “Euskararen Hemeroteka” kanalean honoko titularrak irakurri ditut bata bestearen atzetik: “Gipuzkoak euskararen aldeko bide-urratzaile izateko ardura hartu du”, eta jarraian “Udaltzainen hizkuntza eskakizunen... [+]