Aske utzi dute hamalau bezerori egindako erasoengatik atxilotutako tatuatzailea
Epaileak Jack Estrada behin-behinean aske uztea erabaki du, kontrol neurriekin. Akusatuak hilabeteko lehen egunean guardiako epaitegian aurkeztu beharko du, epaia atera bitartean.
Epaileak behin-behineko askatasuna agindu du Jack Estradarentzat, hamalau bezerori egindako erasoengatik atxilotutako tatuatzailearentzat. Atzo egin zuten Donostiako Epaitegian epaiketaren azken saioa, eta han deklaratu zuten azken lekukoek, zein akusatuak berak. Estradak behin-behineko espetxealdian zeraman iazko otsailetik, eta epaileak behin-behinean aske uztea erabaki du, kontrol neurriekin. Hain zuzen, akusatuak hilabeteko lehen egunean guardiako epaitegian aurkeztu beharko du, epaia atera bitartean.
2018ko otsaila hasieran tatuatzaile bat atxilotu zuen Udaltzaingoak, hainbat bezerori sexu eraso egitea leporatuta. 2018ko otsailaren 8an Martuteneko espetxean sartu zuten, eta, ordutik, urte bat eta zortzi hilabete daramatza behin-behineko espetxealdian. Guztira, 21 salaketa jaso zituzten orduan haren aurka, eta Martin Ibabe segurtasun zinegotziak orduan jakinarazitakoaren arabera, jasotako salaketen artean arau hauste penalak eta sexu erasoak zeuden.
Otsaila hasieran emakume batek Parte Zaharrean denda zuen tatuatzaileak egindako erasoa salatu zuen sare sozialen bitartez, eta horren ondorioz, Udaltzaingoak gertatutakoa aztertzeko ikerketa abiatu zuen. Gertakariak oihartzuna izan zuen hedabideetan, eta salaketak bata bestearen atzetik pilatzen hasi ziren. Lehen salaketa eta hiru egunetara atxilotu zuten tatuatzailea. Epaileak behin-behinean sartu zuen espetxean, eta ondoren, tatuaje dendaren erakusleihoa pintaketaz josi zioten.
Guztira, hamalau delitu egotzi dizkiote orain tatuatzaileari: lau sexu eraso, zazpi sexu abusu, behartze delitu bat. Estradak azkena deklaratzeko eskaera egin zuen, eta leporatu dizkioten ekintza guztiak ukatu zituen atzo. “Hau guztia antolatu du tatuaien negoziotik alboratu nahi ninduen kide batek”, adierazi zuen. Akusatuak ia bi orduz deklaratu zuen Gipuzkoako Fiskaltzaren, akusazio partikularren abokatuen eta bere defentsa daraman abokatuaren aurrean. Tatuatzaileak akusazio guztiak ukatu zituen, eta baieztatu zuen “inoiz ez duela jarrera ezegokirik izan bezeroekin”. Era berean, adierazi zuen frogak dituela salaketa guztiak faltsuak direla frogatzeko.
Fiskaltzak 20 urteko espetxe zigorra eskatu zuen hasieran, baina zortzi akusaziotan zigorrak igotzeko eskaera egin du orain, eta, hortaz, eskatutako zigorrak ia 30 urteko espetxe zigorrera iristen dira. Kalean da Jack Estrada, eta akusatuak hilabeteko lehen egunean guardiako epaitegian aurkeztu beharko du, epaia atera bitartean.
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
.jpg)
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]
Bortxaketen kasuentzako bideratu daitekeen kartzela zigorrik gorena jarri diote senar-ohi Dominique Pelicoti; eta beste 50 bortxatzaileei dagokionez, guztiak dituzte erruduntzat jo, baina fiskalak galdetzen zuena baino apalagoak dira zigorrak. Hiru hilabetez iraun du Mazango... [+]
Hiru hilabetez iraun du Mazango auziak, Gisèle Pelicotek irekitakoa, zeineten ikertu duten urte luzez senarrak somniferoz drogatu eta berak zein beste dozenaka gizonek 200 bat aldiz bortxatu izana. 51 gizon epaitu dituzte, eta senar ohi Dominique Pelicotentzat 20 urteko... [+]
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Biktimak 13 urte zituenean, 1998 eta 2001 artean, Lointek kirol taldeko Mario Lopez entrenatzaile ohiaren parteko sexu abusuak jasan zituen. Emakumeak duela urtebete salatu zuen, eta epaiketa 2025eko urtarrilaren 14tik 16ra egingo da, Bizkaiko Auzitegian. Mugimendu... [+]