Fidel Castroren errautsak Askatasunaren Karabanan Habanatik Santiagorako bidea egiten ari dira. Karabana bere bidean uzten ari den argazki eta bideoen bilduma egin dugu.
1.000 kilometro baino gehiago egingo dituzte 1959ko urtarrilaren 2an ejertzito erreboltariak iraultzaren garaipenarekin eginiko bide bera jarraituz, baina aurkako noranzkoan.
Santiagon, José Martíren hilobitik gertu geratuko dira Castroren errautsak, Santa Ifigenia hilerrian. Castrok 1953an Martíren omenez bildu zituen “Mendeurreneko generazio” gisa ezagutzen diren kideak, Kubako Alderdi Iraultzailearen sortzailearen jaiotzak ehun urte bete zituenean.
Errautsek azaroaren 30ean Iraultzaren Plazatik abiatu zuten bidaia. Milaka pertsona gerturatu ziren bertara azken agurra emateko. Aurreko gauean, plazan, Castrori omenaldi jendetsua egin zioten kubatarrek, mundu osoko gobernuburuen hitzaldiekin, tartean Nicolas Maduro, Evo Morales, Alexis Tsipras edo Raul Castro. Azaroaren 30a egun berezia da Kubako Santiagon ere, 1959. urtean herria Fulgencio Batista diktadorearen aurka altxa zen.
Habanatik atera eta inguruko herriak zeharkatu dituzte errautsek. Gaua Santa Claran igaro dute, Ernesto “Che” Guevararen hilobiaren ondoan, bertako herritarren omenaldia jaso ondoren. Bertara iristean, bide guztian bezala, “Ni naiz Fidel!” Eta “Gora Fidel!” oihuak entzun dira.
Ostegunean errautsek Santiagorako bidea jarraituko dute eta igandean, abenduak 4, ehorzte zeremonia ospatuko da, Castrori azken agurra emateko.
Askatasunaren karabanak 1959an eginiko bidea eta errautsek jarraitzen dutena lotu ditu Kubako Granma egunkariak bere webgunean.
Hemen bidea uzten ari den argazki eta bideoz osaturiko galeria jaso dugu:
Karabanak jada egin duen bidea gorriz eta hurrengo egunetan egingo duena horiz. (Arg.: Juventud Rebelde)
Iraultzaren Plazan Fidel Castrori azaroaren 29an eginiko omenaldia. (Arg.: ellibertadorenlinea.com)
Komandantearen errautsek bidea hasi zuten unea. (Arg.: Ricardo López Hevia)
Habanako kaleak zeharkatu zituen lehenik, milaka lagunek azken agurra eman bitartean. (Arg.:La Nación)
Juventud rebelde egunkaria zuzeneko jarraipena egiten ari da, bideo eta komentarien bidez.
Jendeak "Fidel ni naiz!" eta "Gora Fidel!" oihuen artean agurtu du Castro. (Arg.:Granma)
Ezzkerrean haurrak karabana iritsi zain Matanzasen eta eskuinean leku berean Fidel Castro hitzaldi bat ematen 1959an, iraultzaren garaipena ospatzen. (Arg.: Ladyreme Pérez Pérez eta Granma)
Santiagora bidean, inguruko herriak zeharkatzen ari da karabana. (Arg.:Telesur)
Santa Claran omenaldia egin diote Castrori eta bertan igaro du gaua. (Arg.: Juvenal Balán)
Granmak bideoan jaso ditu karabana uzten ari den irudiak:
Amets Ladislao Kuban egon berri da bertako laborantza eredua eta elikadura sistema ezagutzen. Sobiet Batasuna (SESB) erori zenean eta jasaten duen mundu mailako blokeoa dela-eta, pestizida eta ongarri kimikorik gabe geratu zen Karibeko irla, eta kimiko horien ondorioz, lur oso... [+]
Nazio Batuen Batzar Nagusian onartu dute AEBek Kubari ezarritako blokeoa amaitzeko ebazpena: aldeko 187 boto izan ditu, aurkako bi (AEB eta Israel), eta abstentzio bat (Ukraina).
AEBetako Defentsarako Inteligentzia Agentzian analista lana egiten zuen, eta hainbat informazio sekretu helarazi zizkion Kubako Gobernuari 1984tik aurrera. 2001ean atzeman zuen FBIk, eta 25 urteko espetxe zigorra ezarri zion. Bere aurkako 2002ko epaiketan egin bezala, orain... [+]
Habanan egindako elkarrizketa baten bigarren atala izan liteke hau. 2011ko ekainaren 19an ARGIAren orrialdeetan mintzatu ginen Holguineko (Kuba) gotzainarekin. Francok estatu-kolpea jo zuen garaian Legazpiko alkate Daniel Arangurenen eta Emilia Etxeberriaren semea dugu, gurasoen... [+]
Pablo Milanés abeslari kubatarra zendu da, 79 urterekin. Madrilen eman ditu azken urteak, baina han eta hemen kontzertuak eskaini ditu, azken unera arte.
Bost edo sei metro luza daitekeen belar erraldoia da. Belarrari eusten dion zurtoin lodi eta indartsuak kanaberaren egitura du: malgua, zaila eta sendoa. Azukre kanabera da (Saccharum officinarum). Lurpean kanaberazko sustrai sare gogorra sortzen du, eta horrek eusten dio zutik,... [+]
Kubako herritarrek baiezkoa eman diote Familiaren Kode berriari (orain arte indarrean zegoena 1975ekoa zen). Bertan onartzen dira sexu berekoen ezkontza eta hauek haurrak adopzioan hartzeko aukera, haurdunaldi subrogatua arautzen du eta 18 urtez beherakoen ezkontza debekatzen... [+]
Etxerat elkarteak jakitera eman duenez, uda honetan etxera itzuli dira Emilio Martinez de Marigorta eta Felix Manzanos Cabo Berdetik eta Iñaki Rodriguez Kubatik. Oraindik, baina, beste bost deportatu eta 24 erbesteratu politiko daude Euskal Herritik kanpo.
Esperimentua egin dute: kalean aurkitzen joan diren gizonei proposatu diete argazki batean agertzea belarria lorez apainduta. Ez da beste munduko ezer, eta hala ere irainduta sentitu da gizon bat baino gehiago, hain da ahula batzuen maskulinitatea.
Gobernuz Kanpoko Erakundeak salatu du bigarren aldia dela gizon berak haien aurka egiten duela. Oraingoan esan die lokala erreko duela eta "komunista zikinak" eta "maritxuak" direla.
Koldo Mitxelena Kulturunean erakusketa zabal bat dago ikusgai Donostiako familia entzutetsuenetako bateko kideek ateratako argazkiekin: Aurrera eginez deitu diote. José Brunet Berminghamek XIX. mendearen azken herenean ateratako dozenaka argazkiz dago osatuta eta benetako... [+]