Asiron: “Paralisi urteak atzean utzi nahi ditugu eta jendearen beharrei erantzuten hasi”
EH Bilduk prentsaurrekoa eskaini du asteazken goizean Iruñeko zentsura mozioaren inguruan. Joseba Asironek azaldu du bilerak abiatuko dituela talde aurrerakoi guztiekin, gobernu programa osatu ahal izateko, eta abenduaren 28ra arte "egun intentsoak" izango direla iragarri du.
EH Bilduk prentsaurrekoa eskaini du Iruñean, alkatetza aldatzeko zentsura mozioa aurkezteko PSNrekin egindako akordioari buruzko azalpenak emateko.
Miren Zabaleta Nafarroako EH Bilduko koordinatzaile nagusiak hitz egin du lehenik eta esan du "berri oso ona" dela esan du hasieratik. Bere esanetan, EH Bilduk eta PSNk "diagnosi partekatua" egiten dute oraingo egoeraren inguruan: UPNren udal gobernua "paralisi eta blokeo" egoeran zegoela. "Bost urtez aurrekonturik gabe" egon direla gogorarazi du. Hala, argi utzi du "garai berri bat" hasten dela hiriarentzat.
Akordioak hiru ardatz izango ditu, lehenengoa Iruñea "elkarbizitzarako hiri" bihurtzea: "Iruñea memoriaren justiziaren eta erreparazioaren hiri bihurtzeko lagunduko duten ekimen guztiak sustatzeko konpromisoa hartzen dugu", esan du Zabaletak.
Euskara bultzatzeko konpromisoa ere hartu dute, "hizkuntza gutxitua den heinean", baita biolentzia matxistaren kontrako edo hiri "inklusibo bat" egiteko neurriak hartzeko konpromisoa ere.
Bigarrenik, hiria hobetzeko hainbat egitasmo adostu dituzte, besteak beste, etxebizitzari dagokionez edo Sarasate pasealekuaren berrurbanizazioa eta Erorien Monumentuan esku hartzea; mugikortasun jasangarria sustatzeko proiektuak ere jarriko dituzte martxan.
Amaitzeko, Iruñean 2024 aurrekontuak "ahalik eta azkarren" onartzeko bideari ekin nahi diote. "Akordio ona dela uste dugu, hain ezberdinak garen bi kultura politikoren artean adostasunak eraikitzeko balio izan du".
Asiron: "Harri garrantzitsu bat da"
Joseba Asironek hitz egin du ondoren: "Gaurkoa oso egun garrantzitsua da Iruñean, harri garrantzitsua jartzen ari gara bere etorkizunarentzat, paralisi urteak atzean utzi nahi ditugu eta jendearen beharrei erantzuten hasi nahi dugu", esan du.
Lehenengo egunean zuten "ilusio" bera mantentzen dutela esan du alkategaiak eta eskerrak eman dizkie "zentsura mozioa sinatu duten indar politiko eta zinegiotzi guztiei, baita udal hauteskundeetan botoa eman ziguten herritar guztiei ere".
Bilerak talde politiko aurrerakoiekin
Horrez gain, iragarri du abenduaren 28ra arte "egun intentsoak" izango dituztela eta alderdi aurrerakoi guztiekin bilerak egingo dituela: "gobernuaren akordio programatikoa osatzeko helburuarekin".
PSNk udal gobernuan parte hartuko duen galderari erantzunez, "oso ongi irudituko litzaiguke" esan du Asironek, azken bi legegintzalditan "lan trinkoa" egin dutelako elkarrekin, baina hori PSNk erantzun beharko duela dio. Hala ere, ez balitz orain sartuko, irekita agertu da aurrerago horrela izan dadin, "ez litzateke arazorik izango".
Nolanahi ere, Zabaletak argi utzi du "Iruñearentzat egin den akordio bat" dela: "Gustatuko litzaiguke lehenago gertatu izana, baina orain izan da", esan du. Baina beste udal batzuetan antzeko zerbait gerta litekeenik ez du baieztatu EH Bilduko ordezkariak.
PSNk, EH Bilduk, Geroa Baik eta Zurekin Nafarroak bat egin dute Borboiak Nafarroako kultura sari nagusitik at gera daitezen. Espainiako erregeak 2015etik, Uxue Barkos lehendakari zenetik, ez daude ekitaldi handi honetara gonbidaturik.
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko... [+]
"Erorien Monumentuaz sozialistekin akordioa lortu izan ez balitz, eraikinak bere horretan jarraituko luke aurrerantzean ere eta hori zen guk onartzen ez genuen aukera bakarra”. Hala dio Joseba Asironek. Entzun elkarrizketa osorik hemen sakatuta.
.jpg)
Sortu berri duten organoaren eginkizun nagusien artean daude, besteak beste, diskriminazioaren aurkako politikak sortzea, migratzaileen eta gutxiengo etnikoen elkarteen parte hartzea sustatzea, Nafarroako arrazakeriaren egoera globala aztertzea, eta Arrazakeriaren eta... [+]
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
.jpg)
Entitate sozial honen langileek Etxebizitza, Gazteria eta Migrazio Politiken batzordean agerraldia egin dute haien lana azaltzeko. Hizlariek etxebizitza duinak, bizileku zein lan baimena erraztea eta osasun mentaleko baliabide publiko gehiago eskatu dizkiote Foru Gobernuari... [+]
María Chivite lehendakariak esan du kezkatuta dagoela Alemaniatik Volkswagenetik datozen albisteekin, baina aldi berean, konfiantza duela multinazionalak Iruñean duen lantegian, orain arte iragarritako planak betetzen ari direlako.
Nafarroako "eremu mistorako" deialdi bakoitzean, banan-banan, zehaztu beharko da euskarari zein atzerriko hizkuntzei ematen zaien puntuazioa, eta eremu ez euskaldunean ez da euskara baloratuko. Nafarroako Gobernuaren "jarrera euskarafobo, atzerakoi eta... [+]
Nafarren %68,3 biltzen dituzten 21 udalerri tentsio handiko eremu izendatuko dituela aditzera eman du Begoña Alfaro kontseilariak. Albistea begi onez hartu arren, EH Bilduk aurrekontuak babestearen truke herrietan “hutsik dauden etxebizitzak bizigarri” egitea... [+]
Etxebizitzaren arazoari irtenbidea ematea du helburu Nafarroako Gobernuak hasitako prozesuak. Tentsio handiko eremu izendatu nahi dituzten udalerrien artean daude, besteak beste, Iruñea, Tutera, Lizarra, Tafalla, Corella, Noain, Cintruénigo, Baztan eta Altsasu... [+]
EH Bilduk seigarren urtez jarraian Chivite lehendakariaren aurrekontuak ahalbidetuko ditu, abstentzioaren bidez. Egungo akordioa mantenduz gero, abenduaren 19ko Osoko Bilkuran gauzatuko da proposamena.