Estatu Islamikotik ihesean ziren Hernanin agertutako hiru kurduak
Hernanin kamioi batean aurkitutako hiru iheslariak siriarrak zirela uste bazen ere, Eusko Jaurlaritzako Segurtasun Sailak baieztatu du Kirkukeko kurduak direla, eta Estatu Islamikotik ihesi zirela.
Une honetan, iheslarietako bi, 19 eta 26 urteko gizonezkoak, polizia-etxean daude Espainiako poliziaren zaintzapean. Hirugarrena, 19 urteko gizonezkoa hau ere, Donostiako ospitalean da behaketan. Argitzeko dago asilo eskaria egingo duten edo ez.
Poliziak haien aurkako kanporaketa txostena abiatu du. Horren aurrean, hiru iheslariek asilo eskaera egin dezakete. Onartu ezkero, Eusko Jaurlaritzaren kargu geratuko lirateke, eta Gipuzkoako Foru Aldundia arduratuko litzateke haien ongizatea bermatzeaz. Maite Peña Gipuzkoako Diputazioko Gizarte Gaietarako ahaldunak ziurtatu du egoerari “aurre egiteko” baliabideak dituztela, eta siriarrak izan edo ez protokoloak martxan jarriko dituztela Eusko Jaurlaritzarekin eta gainontzeko erakundeekin elkarlanean, Noticias taldeko egunkariek jaso duten bezala. Hiru kurduen helburua ordea, Erresuma Batura heltzea zen, eta beraz, asilo eskaerari uko egin ezkero kanporatuak izan daitezke.
Martitzenean, arratsaldeko zazpiak aldera aurkitu zituzten hiru iheslariak AP-8ko gasolindegi batean, Hernani parean. Hiru kurduak kamioi baten atoian zeuden ezkutatuta. Inguruan zebiltzan zenbait pertsonek oihuak eta kolpeak entzun zituzten aparkatuta zegoen kamioitik, eta Ertzaintzari deitu zioten. Atoitik atera zituztenean, hiru gazteak hipotermiak jota eta oxigeno faltarekin aurkitu zituzten. Hiru iheslarien helburua, Erresuma Batura iristea zen. Horretarako, batek 7.500 eta beste bik 9.000 dolar ordaindu zizkieten pertsonen trafikoan aritzen diren mafiei.
Bidean ezagutu zuten elkar
Ertzaintzari azaldu ziotenez, hilabeteko ibilbidea bere kabuz hasi zuten hiru gazteek, eta bidean ezagutu zuten elkar. Kirkuketik Turkiara iritsi ziren lehenik, eta bertan mafiei ordaindu ostean hainbat autotan jarraitu zuten bidaia Frantziara iritsi arte. Bertan, zehaztu ezin duten herri batean, igo zituzten kamioira. Kamioia Poloniatik Anberesko portura, (Belgika) eta hortik Madrilera zihoan. Ertzaintzak uste du iheslariak Belgikako hiri horretan igo zirela kamioira. Hamar graduko tenperaturan egin zuten mila kilometroko bidea, eta hotzari aurre egiteko lo zakuak soilik baliatu zituzten. Ertzaintzak kamioilariari bere bidea egiten utzi dio, iheslariekin zerikusirik ez duela baieztatu ostean.
HTSk boterea hartu duenetik, babes-eskaerak gelditu dituzte Mendebaldeko hainbat gobernuk. Alemaniak 47.270 eskaera utzi ditu bertan behera bat-batean, "Siriako etorkizun politikoa zalantzazkoa" dela argudiatuta.
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.