Asier Suberbiolak Iñigo Muguruza musikariaren izena daraman ikerketa bekaren I. edizioa irabazi du.
2019ko irailean Iñigo Muguruza zendu ostean, Irungo Udalak musikari irundarraren izena eta izana gogoratzeko ikerketa beka bat sortzeko erabakia hartu zuen. Guztira, lau proiektu aurkeztu ziren deialdira eta, azkenean, Asier Suberbiola musikari donostiarrak aurkeztutako proiektua izan da bekaren irabazlea.
Martxoan Irungo Udalak Iñigo Muguruza musika ikerketako beka sortu zuela iragarri zuen. Ikerketa beka zendutako irundarrak musikari eta Irungo Kontserbatorioan irakasle gisa egindako ekarpena oroitarazi eta zabaltzeko helburuarekin sortu da. José Antonio Santano Irungo alkateak azaldu duenez, “Irungo Udalak aho batez Iñigo Muguruzaren izena eramango zuen beka bat antolatzea adostu zuen”. Bekaren I. edizioa aurkeztu eta egun gutxitan estatu osoan alarma egoera ezarri zenez, proiektuak aurkeztu zein deialdiaren ebazpena jakinarazteko epeak atzeratu ziren. Alkatearen hitzetan, “bekaren bitartez Iñigo Muguruzaren izena eta Irun hiria betirako loturik geldituko dira”.
Ikerketa bekaren I. edizioan Asier Suberbiola donostiarrak aurkeztutako “Iñigo Muguruza somenerako ikasmateriala” proiektua izan da garaile. Rebeca González Hezkuntza Ordezkari eta Kontserbatorioko presidenteak adierazi bezala, “bekaren bitartez Iñigo Muguruzak musikari, interpretatzaile, konpositore eta irakasle bezala egindako lana errekonozitu nahi da”. EAEn azken lau hamarkadetan musika modernoarekin zerikusia izan duten gaiei buruzko ikerketa sustatu nahi du udalak. Irabazlearen izena jakinarazi ostean, musikari donostiarrak 8.000 euroko zenbatekoa irabazi ostean, zortzi hilabete barru aurkeztu beharko ditu lanaren emaitzak.
José Antonio Santano Irungo alkateak azpimarratu zuenez, Irungo Udalak ez dauzka beka asko. Izan ere, ikerketa beka berri hau sortu aurretik, Serapio Mugika eta José Antonio Loidi beka ziren udalak antolatutako beka deialdi bakarrak. Hirugarren beka honek ezaugarri ezberdinak dauzka. Hala ere, alkateak azaldu duenez, beka sortzea erabaki zenean Iñigo Muguruzaren izena zein mailatan kokatu nahi zuten argi eta garbi izan zuten.
Irungo Udaleko ordezkariek eta Jabier Muguruzak osatutako epaimahaiak aurkeztutako lau proiektuen artean irabazlea hautatzeko egindako aukeraketa lana eskertu dute. Hortaz gain, Pedro Martínez Kontserbatorioko zuzendariak proiektua aurrera ateratzeko egindako esfortzuari aipamen berezia egin diote. Pedro Martínezek alkatearen dei baten bitartez jaso zuen ikerketa beka martxan jartzeko enkargua. Jabier Muguruzak azaldu dunez, “familiaren izenean eskerrak eman nahi dizkiot proiektua enkargu bezala ulertu ordez, proiektu pertsonal gisa garatzeko erakutsitako jarrerarengatik”.
Iñigo Muguruzak eta Asier Suberbiolak musika ulertu eta bizitzeko modua partekatzen dute. Hain zuzen ere, Jabier Muguruza Iñigoren anaiak azaldu duenez, “Iñigoren bizitzak bi ardatz nagusi zituen: zuzeneko musika eta irakaskuntza”. Anaiaren bizitzan funtsezkoak izan ziren eta bi arlo horien inguruan eman zuen bere bizitza profesionala. Jabier Muguruzak onartu duenez, “Iñigo bi arlo horiek noizbait berreskuratzeko ilusioarekin bizi zen”. Iñigoren anaiak azpimarratu duenez familiarentzat oso pozgarria izan da Iñigo Muguruza bekaren I. edizioa martxan ikustea, batez ere osasun krisialdiak eragindako egoera berezia tartean harrapatu arren, azkenean deialdia aurrera ateratzea posible izan delako.
Asier Suberbiolak aurkeztutako proiektuak bi arlo horien uztarketa planteatzen du. Musikaren ikerketa bekaren I. edizioko irabazleak adierazi duenez, “Iñigo Muguruzaren unibertsoan sartzea prozesu naturala izaten ari da, txikitatik entzun dudan musika delako”. Suberbiolak onartu duenez, etxean anaiekin batera eta, beranduago, kalean lagunekin parrandan entzun izan ditu Iñigo Muguruzaren talde desberdinen abestiak. Gainera, bekaren I. edizioaren irabazleak errekonozitu duenez, zuzeneko musika eta irakaskuntza bere bi pasioak dira, kontserbatorioan biolin ikasketak egiteaz gainera, unibertsitatean pedagogia ikasketak burutu baitzituen.
Asier Suberbiolaren hitzetan, “nire lanaren bidez musika herrikoiari bere identitatea emateko lanketa egin nahi dut”. Bekaren irabazleak azaldu duenez, musika herrikoiari behar duen balioa eman nahi dio, momentuko egoerak aisialdiak eta bertan entzundako musikak nolako garrantzia duen erakutsi baitu. Proiektuak bigarren atalak kutsu pedagogikoa izango du, partituretatik harago, Iñigo Muguruzaren taldeen abestiak berrinterpretatzeko aukera eskaintzeko.
Horrela, musikariak musikaren bitartez belaunaldi ezberdinen arteko zubia eraiki nahi du, musika modernoaren garapenari buruzko “erradiografia” eginez. Jabier Muguruzak azaldu duenez, “bekak Iñigoren memoria bizirik mantentzen lagunduko du eta, hortaz gain, herri musikaren ikerketan ekarpen handia suposatzea espero dut”.
Iñigo Muguruza 2019ko irailaren 5ean zendu zen. Bere bizitzan zehar Kortatu, Negu Gorriak, Delirium Tremens edo Joxe Ripiau bezalako taldeetan gitarra-jotzaile gisa aritu zen. Hortaz gain, 25 urtez Irungo Udal Musika Eskolako gitarra elektrikoko irakasle lanetan aritu zen. Irungo Udalak ikerketa bekaren bitartez musikari irundarraren izena eta ekarpena aurrerantzean gogoratzea posible izango da.
Donostiako Musika Hamabostaldia
Euskadiko Orkestra: Zuzendaria: J. Rohrer.
Donostiako Orfeoia: Zuzendaria: J.A. Sáinz Alfaro.
Bakarlariak: C. Reiss, V. Karkacheva, M. Schmitt, H. Müller-Brachmann.
Egitaraua: Beethovenen Missa Solemnis re maiorrean, op. 123.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Every action has reaction
BLACK BACON
Artza Records / American Leather Records
----------------------------------------------------------
Badira 25 urtetik gora Kataluniako jatorria daukan eta HHH hardcore talde aitzindariaren sortzaile Alex Montiel Euskal Herrira... [+]
UGER
Noiz: abuztuaren 11n
Non: Santa Klara ermitan (Ondarroa)
--------------------------------------------------------
Sargoriari bizirauten saiatzera egin dugu kostalderantz, husten zihoan hondartzan bainua hartu, afaldu eta Santa Klara eguneko kontzertuak... [+]
Egia esan, pena ematen dit kritika honi izenburu hau ipintzea. Bizeten Carmen oso opera ederra da, sentimendu unibertsalak jorratzen dituena, hala nola pasioa, jeloskortasuna, maitatuaren posesioa, independentzia... Eta hori guztia musika-lan bikaina oinarri hartuta. Baina... [+]
UPNk mozioa aurkeztu du Tafallako udalbatzan gobernu taldeari eskatzeko bertan behera utz dezala Raimundo el Canastero musika taldearekin zuen kontratua jaietan kontzertu bat egiteko. Lizarrako jaietan izandako polemikaren ondoren etorri da zentsura eskaera. PSN batu zaio... [+]
Albenizen Iberia Suite monumentalaren bertsio berri bat egitea meritu handiko lana da, merkatuan dauden grabazio bikainak kontuan hartuta. Hori dela eta, Luis Fernando Pérezek Musika Hamabostaldiko errezitaldian egindako lanak sekulako miresmena sortu zidan.
Orkestra handien eta obra handien kontzertuen ondoren, ezin diegu arreta jarri gabe utzi musika-patxada handiagoko, sosegu handiagoko baina edertasun berdineko proposamenei.
Luxenburgoko Orkestra Filarmonikoaren lehen kontzertuak erromantizismo berantiarraren kutsua izan bazuen ere, bigarren topaketan taldeak bi obra zirraragarri interpretatu zituen, istorioak kontatzen zizkigutenak. Obra exigenteak ziren, batez ere adierazkortasunaren aldetik, eta... [+]
Aspaldidanik Saran bizi den arren, goiza Bidasoaren ibarrean pasa behar zuenez gero, Hondarribiko parte zaharrean zitatu gaitu Ruper Ordorikak (Oñati, 1958). Goiz eguzkitsuan, puntual eta irribarretsu agertu da maldan gora, konsistorioaren parera, turista gazte kuadrilla... [+]
Musika Hamabostaldiak 85. edizioari hasiera eman dio, orkestra handi batekin eta inaugurazio baten mailako programarekin.