Asel Luzarraga Euskal Herrian dago
Asel Luzarraga idazlea Euskal Herrira heldu zen atzo. 220 eguneko espetxe-zigorra ezarri zion Txileko justiziak. Luzarraga, ordea, aske geratu zen, jada betea baitzuen zigorra, kartzelan lehenik eta etxean gero. Kartzela zigorraz gain, Luzarragak Txile utzi beharko zukeen epaia irmo egin eta hamabost egunera. Halere, bere aurka egindako prozesuaren kontrako helegitea jarri zuen Luzarragak, eta bitartean ezin dute kanporatze agindurik eman. Helegiteak aurrera egin ezean, gainera, epaiketaren kontrako errekurtsoa jarriko du idazlearen abokatu Jaime Madariagak. ASKEL plataformako kideek ondorengoa azaldu dute: "Ondo dago eta pozik dago gure artean dagoelako. Egun gutxiren buruan jakin gura duguna azalduko digu".
Informazio gehiago:
- Asel Luzarraga errudun jo dute (2010-09-03)
- Asel Luzarraga ez dute espetxeratuko, baina Txiletik kanporatua izan daiteke (2010-09-08)
Asel Luzarraga idazleak Los buenos no usan paraguas. Desmontando un montaje; desnudando al Estado. (Zintzoek ez dute aterkirik erabiltzen. Muntaia bat desmontatuz; Estatua biluztuz ) bere aurkako salaketa, atxiloketa eta bizipenak biltzen dituen liburua aurkeztuko du urriaren... [+]
Asel Luzarraga idazle, musikari eta blogari euskalduna errudun jo du Txileko epaitegiak. Etxean lehergaiak egiteko materiala izatea egotzi diote, eta datorren asteartean jakinaraziko dute zein zigor ezarriko dioten.
Eskuinak irabazi ditu Txileko hauteskunde presidentzialak, hogei urtez oposizioan izan ostean. Sebastian Piñera izanen da presidente berria, askok Silvio Berlusconi agintari italiarrarekin alderatzen duten enpresaria. Augusto Pinochet berpiztu dela diote askok, eta... [+]
