2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen udaltzainaren aurka.
Ahotsa.info-k kereila kriminala aurkeztu zuen 2022ko azaroan, Iruñeko udaltzain batek hedabideko kazetari bati salaketa faltsua egin ziolako. Nafarroako Probintzia Auzitegiak artxibatu egin du kereila.
2021eko ekainean du abiapuntua gatazkak. Ahotsako kazetari batek protesta batean udaltzainak izandako esku-hartzea grabatu zuen. Orduan, agenteak kazetaria salatu zuen Mozal Legea erabilita, poliziaren jarduna grabatu eta zabaltzeagatik. Udalak espedientea ireki zion kamerari, eta 600 euroko isuna ezarri zion. Espedienteak ziurtatzen zuen, besteak beste, kazetariak adin txikikoak erabili zituela ekintzan, mozorrotuta zihoala eta indarkeria erabili zuela. Gainera, udaltzainak leporatu zion "Espainiako legeekin ipurdia garbitzen dut" esan izana.
Kazetariak alegatu egin zuen, eta grabatutako bideoa bidali zion udalari. Bertan ikusten denez udaltzainaren akusazioak faltsuak direla, haren kontrako neurriak hartzeko eskatu zuen.
Udalak kazetariaren kontrako zigorra artxibatu egin zuen. Agentearen aurkako espedienterik ez zuen ireki, ordea. Orduan jarri zuen Ahotsak kereila auzitegian, udaltzainari agiriak faltsutzea leporatuta kazetariaren aurkako salaketak larriagotzeko asmoz.
Udaltzainak epaitegian deklaratu zuen eta epaileak kasua artxibatu zuen. Berriz ere errekurritu zuten, eta oraingoan Nafarroako Probintzia Auzitegiak berretsi egin du artxibatzea.
Ahotsa.info-ren adierazpenak
"Agente batek dokumentu ofizial batean adierazpen faltsuak egiteak ez du ondoriorik izan, ez baitu zigorrik jaso. Hori bai, auzitegiak argi utzi zuen kazetariaren aurkako zigorra gauzatu ez bazen, salaketa artxibatu egin zelako izan zela, hain zuzen ere, agentearen kontakizuna desmuntatzen zuten irudiak zeudelako. Ahotsa.info-ko kamerak bideoa grabatu izan ez balu, inolako zalantzarik gabe, Poliziaren bertsioan oinarritutako zigorra ordaindu beharko zukeen kazetariak", salatu du Ahotsak kereilaren artxibatzearen harira.
Varsoviako Barrutiko Auzitegiak argudiatu du González jada ez dagoela Polonian, eta ezin dutela jakin noiz aterako den Errusiatik. Auzitegiak ez du kazetari nabarniztarraren aurkako bestelako prodezurarik abian jarriko.
Asiak jarraitzen du izaten kazetari gehien atxilo dituen kontinentea: 2024an atxilotutako kazetarien %30 baino gehiagorekin. Txina, Israel eta Myanmar izan ziren berriemaile gehien espetxeratu zituzten estatuak iaz. Osotara, 200 kazetari baino gehiago hil eta ehunka zauritu eta... [+]
"Sedizioa bultzatzen duelako" hartu du Al-Jazeeraren zabalpena eta lana "aldi baterako" debekatzeko erabakia Palestinako Aginte Nazionalak. PAN "Israelekin lerrokatu izana" deitoratu du komunikabideak, argi utzirik "mehatxuen eta intimidazioen... [+]
2023an ezagutu genuen Solway Investment Group multinazional suitzar-errusiarraren boterea noraino iristen den. Guatemalan duen Fenix meategiaren gehiegikeriak agerian uzten zituen ikerketa baten berri eman zigun Prensa Comunitariako kazetari batek, eta elkarrizketa hori [+]
Pablo Gonzalezek Errusian jarraitzen du, Poloniako Gobernuak pasaporteak konfiskatu zizkion kazetariari eta "Poloniako autoritateen esperoan" daude, Euskal Herrira bueltatzeko. Hala azaldu dio Gonzalo Boyé abokatuak Berriari.
Poloniako Fiskaltza Nazionaleko bozeramaileak adierazi du euskal kazetaria oraindik formalki akusatu ez badute ere, “legearen arabera auzi-ihesean akusatua” izan daitekeela. Gonzalez preso trukean sartzeko erabakia Washingtonetik etorri zen, baina Poloniako zerbitzu... [+]
Kazetariak adierazi du ez diotela argi azaldu zergatik espetxeratu zuten, eta espetxean zegoela “bere buruaz beste egitea” iradoki ziotela, Russia Today-n izandako elkarrizketa batean. Esan du laguntza “gutxien espero zen tokitik” etorri dela.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.
Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]
