Artur Masek diputatu aktari uko egin dio
Komunikatu baten bitartez jakinarazi du Masek ez dela Parlamentuko diputatu izango. Aktari uko eginda forudun izateari utziko dio, eta ikusteko dago nola eragingo duen horrek azaroaren 9ko kontsultagatik Irene Rigau, Joana Ortega eta beraren aurka abiatutako prozesu judizialean.
CUPekin akordioa lotzeko Masek presidente izateari uko egin ostean, eguaztenean, Kataluniako parlamentuan lortutako diputatu aktari ere uko egin diola jakinarazi zuen. 1995tik izan da Mas diputatu. Orain, Convergencia Democratica de Catalunyarentzat (CDC) arituko dela lanean jakinarazi du. Udaberri partean kongresua egingo dute alderdia eraberritzeko. CDCk behera egin zuen Espainiako azken hauteskunde orokorretan.
Agur hitzaldi laburra egin zuen Masek Carles Puidgemonten presidente kargua hartzeko ekitaldian. Presidente berriari “itsasoratze ona eta ataka gainditzea” opatu zion. Presidente bezala egindako bost urteak gogora ekarri, eta eskerrak eman zizkien “beragan konfiantza izan eta Katalunia eraikitzen lagundu dioten guztiei”. Kataluniako presidente bezala egindakoagatik “kontzientzia lasai” duela adierazi zuen. “Sant Jaume plazara bokazio zintzoz heldu nintzen Kataluniaren zerbitzura lan egiteko. Horrela aritu izan naizen uste osoarekin noa”, gaineratu zuen.
Artur Mas eta Juan Jose Ibarretxe. Bi lehendakari, bi ibilbide, amets bat: herrien erabaki eskubidea. Kataluniakoa nola doan azaldu zuen Masek, hemengorako bere klabeak Ibarretxek. Eta atzoko Kursaalen Joxe Elorrietaren izpiritua falta zen.
Kataluniako prozesua eta erabakitzeko eskubidea hizpide izango dute gaur arratsaldean Juan Jose Ibarretxe lehendakariak eta Artur Mas Kataluniako presidenteak Donostiako Kursaalen. Hitzaldiaren leku guzti beteta dagoenez, 19:00etatik aurrera zuzenean jarraitzeko aukera izango da... [+]
Hautsak harrotu ditu azken egunotan Artur Masen kontrako auziak. 2014ko azaroaren 9ko kontsulta antolatzeagatik epaitzen ari dira Generalitateko presidente ohia, baina zeresana ez da soilik Masen partetik etorri, epaileak ere badu zerikusirik. Jesus Maria Barriento Pacho,... [+]
Astelehen honetan epaituko dituzte Artur Mas Generalitateko presidente ohia eta, bere lehendakariorde Joana Ortega eta hezkuntza sailburu Irene Rigau, 2014ko azaroaren 9ko kontsulta antolatzeagatik.
Gure Esku Dago dinamikak otsailaren 6an Kataluniako Auzitegi Nagusian epaituko dituzten politikari katalanei “elkartasuna eta babesa” adierazteko elkarretaratzeak egitera deitu dute. Artur Mas presidente ohia eta bi kontseilari ohi epaituko dituzte 2014ko azaroaren... [+]
Artur Mas, Joana Ortega eta Irene Rigau epaituko dituzte 2014ko azaroaren 9ko herri galdeketagatik, desobedientzia eta prebarikazio delituak leporatuz. Kataluniako Justizia Auzitegi Gorenak hartu du epaiketa hasteko erabakia. Data oraindik zehazteko dago.
Kataluniako presidente ohiak asteazkenean aurkeztu zuen bere zuzendaritza proposamena. Asteburuan egingo dute birfundazio prozesuko lehen kongresua.
CUPek Artur Mas presidente ez izendatzeko hartutako erabakiaren ondoren, prozesua berriz bideratzeko azken saiakera egingo dute bi indar politikoek ostegunean.
Per un gir a l´esquerra izeneko manifestua sinatu dute Kataluniako ezker independentistako hainbat lagunek CUPek irailaren 27ko hauteskundeen ostean hartutako jarrera babesteko.
Kataluniako Biltzar Nazionalak aurkeztutako dokumentuan Junts Pel Sí eta CUPi azaroaren 27a baino lehen gobernagarritasun akordioa lotzea eskatzen die. Errepublika Katalanerako bidean inor ez dagoela soberan eta atxikimendu berriak lortu behar direla adierazi dute... [+]
Inbestiduraren bigarren saioko hitzaldian proposamen berri bat egin dio CUPi Artur Masek, eta Antonio Bañosek ezezkoa eman dio. Aterik ez dutela itxi adierazi du Bañosek, eta akordioa lortzeko denbora dagoela gaineratu du.
Espainiarekin apurtzeko Junts Pel Sí-k eta CUPek alde bozkatu ostean, Generalitateko presidentearen lehen inbestidura saioan ez dirudi adostasunik egongo denik. JxS-k Artur Mas aurkeztuko du presidentegai eta VilaWebek aurreratu duenez CUPek Raul Romeva.
Itxura guztien arabera Artur Mas ez dute Kataluniako president izendatuko astelehen honetako saioan. Generalitatearen ardura nork har dezakeen ordea, ez dago hain argi.