Artisau ogiak ez du presarik
Lezaeta herrira jo zuten Arrasateko Itziar Egidazuk eta bere bikoteak baserri bila, bertan okindegia jartzeko. Irin ekologikoz eta ore amaz egiten du ogia eta prozesu naturala azaldu digu, baita egun nagusi den okintza ereduarekin dagoen aldea ere.
Arrasaten bizi ziren Itziar Egidazu Ugalde eta bere bikotekidea, baina hango kale giroan erabat gustura ez, eta lekuz aldatzea erabaki zuten: “Nik etxean ogiak egiten nituen eta asko gustatzen zitzaidanez, baserri batera mugitu eta horretan saiakera egin genezakeela pentsatu genuen”. Ezkio-Itsasoko Hariztizabal baserrian hiru hilabete egin zituzten proba moduan 2015ean: “Esperientziak balio izan zigun benetan horrelako proiektu batean sartu nahi ote genuen ikusteko eta benetan zer sakrifizio suposatzen duen ezagutzeko”. Baietz erabaki zuten: proiektua abian jarri nahi zutela. Baserri bila hasi ziren bertan bizilekua eta okindegia egiteko.
Araizko herritxo batean lur-hartzea
Nafarroan toki gehiagotan ere etxe bila ibili ondoren, Lezaetakoarekin egin zuten topo azkenean. “Behean, ukuiluan, okindegia egiteko aukera zegoen, eta bizitzera sartzeko moduan zegoen etxea”, azaldu du Egidazuk. 2016an etxea erosi eta han bizi dira geroztik. Okindegia, berriz, 2017an jarri zuten martxan. Ezezaguna zitzaien eskualdea hasieran, baina urte hauetan beren txokoa egin dute bailaran eta elikadura burujabetzaren aldeko eta bertako ondarea berreskuratzeko hainbat ekimenetan parte hartzen dute: Araizko Zaporeak ekimenean edota Malloetako belar kable sistemaren berreskuratzean, esaterako.
Ogia egiteko tailerrak ere egin izan dituzte baserrian, bai helduekin eta baita haurrekin ere. “Helduekin egun osoko tailerrak egiten ditugu urtean behin, eta umeekin berriz legami fresko ekologikoarekin ogiak egiten ikasi genuen: prozesua azkarrago doa eta goiz batean egiteko aukera ematen du”.
Ore amaz eta irin ekologikoz egindako ogiak
Ogiak egiteko irina Kataluniako irindegi bati hartzen dio: “Hasieran errota jartzea planteatu genuen, baina bakarrik egiten dut lan, eta Aratzen laguntza edukita ere lan handia eskatzen zuen”. Momentuz, beraz, erositako irinarekin ari da: hori bai, irin ekologikoak eta harrizko errotan ehoak darabiltza, eta ogiak ore amaz egiten ditu. “Gure irina %100 gari aletik ateratakoa da, ez da okindegi arruntetakoa bezalakoa: horietan irinek gehigarriak dituzte, eta ogia egiteko legami kimikoak erabiltzen dituzte gainera”.
Okintza artisauan ekoizpen prozesua luzeagoa dela azaldu digu Egidazuk: ore amak fermentazio prozesu naturala eta luzea behar du, eta horrela ogi digestiboagoa lortzen da. Okintza arruntean prozesua elementu kimikoen bidez azkartu egiten dute. “Nolabait, bizi estilo azkarretara egokitua dago dena ekoizpen arruntean”.
Saltzeko, hasieran inguruko herrietako azoketan ibili zen Lezaetako okina, proiektua eta produktuak ezagutzera emateko batez ere. Orain, geroz eta bezero finko gehiago dituela, eskualdeko dendetan saltzen du gehienbat.
Nafarroako Hazialdekoren, Ipar Euskal Herriko Biharko Lurraren Elkartearen (BLE) eta Gipuzkoako Biolurren arteko elkarlanetik sortu berri da HoBBea, mugaz gaindiko proiektua. “Garien bueltan bagenuen aspalditik harremana gure artean, baina, nolabait, harreman horiek... [+]
Bigarren urtez segidan hartu du Habelarte baserritarren elkarteak Leitzako festetan, Gaztetxean, afariak emateko ardura. Nafarroako Mendialdeko ekoizle agroekologikoen produktuekin osatu dute eguneroko eskaintza, eta ehunka lagun pasatu dira abuztuaren 10etik 14ra haien... [+]
Aurreko urte bukaeran Elizondoko zahar-etxearen kudeaketa publifikatzeko jauzia eman zuen Baztango Udalak, eta geroztik, haren esku gelditu da egoitzaren antolaketa. Eskualdaketa horrekin batera, elikaduraren alorrean eraldaketa sustatzea izan da udalaren erabakietako bat... [+]
Mahaño Lanathoua 2017an hasi zen aitaren lurretan arbolak landatzen, oihan baratzea lantzeko ideiarekin. “Hasieran asmoa ez zen horretatik ekonomia bat sortzea, gure buruaskitasunerako bidean pausoak ematea baizik”, gogoratu du laborariak. Baina, landaketekin... [+]
Nekazaritzaz eta abeltzaintzaz askotan entzuten da lanbide "oso lotua" dela, jai egunik edo oporrik ez dela existitzen. Ipar Euskal Herriko Onetik eta Etxaldia gasnategiek, Berria eta Aldudeko Esne Kooperatibekin elkarlanean, laborariei bakantzak bermatzeko egitasmoa... [+]
2022an Nafarroako Liburutegien Sareak martxan jarritako proiektu berezia da hazien liburutegia. Clara Flamarique Goñi da Nafarroako Gobernuaren liburutegi zerbitzuko proiektuen arduraduna, eta honela gogoratu ditu hastapenak: “Zaragozako liburutegian martxan zuten... [+]
Joxe Blanco Gomez laudioarra Lamuzanaturgunea blog-aren bultzatzaile eta Laudiokolore ekimeneko kidea da. Urteak daramatzate Laudion basa landareen inguruko sentsibilizazioa eta formazioa egiten, eta maiatzean, Arraño mendiko baso orkideen inguruko jardunaldiak egin... [+]
Urteak daramatza Cederna Garalur landa garapenerako elkarteak elikaduraren eta lehen sektorearen inguruko lanketa egiten Nafarroako Mendialdean. Elikadura osasuntsurako eta kontsumo jasangarriago baterako bidea egitea da asmoa, eta bide luze horretan, egitasmo berria gauzatu du:... [+]
Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]
Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]
Arabako Bionekazaritza elkartearen eta Euskadiko Hazien Sarearen arteko lankidetzatik sortu zen duela urte pare bat Agroekoop kolektiboa. “Arabako agroekologiaren bueltako elkarteak lotzeko eta indartzeko, eta sinergiak sustatzeko asmoz sortu genuen”, adierazi du... [+]
Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]
Urteak daramatzate Atxondoko Biezko baserrian bizitzen eta lanean Aner Garitaonandiak eta Oihane Lekunberrik. “Kaletarrak ginen gu, nik enpresa eta turismo ikasketak egin nituen, baina mundu hori ez zitzaidan gustatzen…”, azaldu du ekoizleak. Lekunberrik,... [+]
2009an sortu zen Ja(ki)tea elkartea zenbait jatetxe, sukaldari eta gastronomia kritikariren arteko elkarlanetik. “Hasiera hartan, Gipuzkoako 14 bat jatetxe elkartu ginen, baina pixkanaka hazten joan da proiektua, eta gaur egun 37 gara”, azaldu du Xabier Zabaletak,... [+]
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]