Artikutzari ere erabilera turistikoa eman nahi diotela salatu du EH Bilduk
EH Bilduren arabera, Artikutzako ostatua birgaitu nahi du Donostiako Udalak, “erabilera turistikoa izan dezan”. Oposizioko taldeak azaldu duenez, udal gobernuak aste honetan plazaratu ditu Europako Next Generation funtsen barruan Espainiako Gobernuak Donostiako helmugako turismo jasangarritasunaren planarengatik hiriari adjudikatu dizkion 4.400.000 euroekin aurrera eramango dituen proiektuak, eta horren barruan dago Artikutzakoa. EH Bilduk oraindik ez daki zehazki zenbat diru bideratuko duten Artikutzako proiektura.
EH Bilduk azaldu duenez, Cristina Lagé Turismo zinegotziak berak oposizioko taldeei aurreratu zizkien “Artikutzarentzat dituen planak”, Donostiako Turismoko Administrazio Kontseiluaren bileran. “Hain zuzen, udal gobernuaren arabera, Artikutzan ‘Naturaren Talent House’ bat eraikitzea da asmoa. Ildo horretatik, proiektu turistikoak “beste izen batzuekin ezkutatzea” leporatu diote udal gobernuari: “Donostiako iritzi publikoarentzat onartezina den zerbait saltzen saiatzeko hitzekin jolasten jarraitzea ez dugu onartuko. Adibide asko daude gure hirian, batez ere Parte Zaharrean, non proiektu turistiko argiak beste izen batzuen atzean ezkutatzen saiatzen ari diren”. “Donostiako EH Bilduk salatzen du Artikutzari ere turismo erabilera eman nahi izatea. Izan ere, Europako funtsen partida honen kudeaketa guztia turismo sailetik eraman da, argi eta garbi utziz zein den udal gobernuaren asmoa, hau da, Artikutzari erabilera turistikoa ematea”, gaineratu dute.
Koalizio abertzalearen ustez, “Artikutzan egin beharreko edozein esku hartze Ingurumen sailak egin behar du, ez Turismo sailak”. Era berean, gaineratu dute Artikutzak balio natural handia duela, eta, beraz, “ikerketa zentro” bat izaten jarraitu behar duela, “erabilera turistikotik babestuta”. Hain zuzen ere, gogorarazi dute 2004ean Natura 2000 sarearen parte izatera pasa zela Artikutza, baita 2016ko urtarriletik aipatu sareko Babes Bereziko Eremuetan dagoela.
Ez da erabaki isolatua
EH Bilduren arabera, Artikutzako proiektu turistikoa ez da “erabaki isolatua”: “Ez da lehenengo aldia Eneko Goiaren alkatetzan naturaguneak helburu turistikoekin erabili nahi izan direla. Gogoratu behar da, adibidez, Goiak Antondegiko muinoaren artifizializazioa bultzatu duela surf parke bat egiteko, eta gauza bera esan daiteke Santa Klara uhartean ezarritako eskulturarekin. Cristina Iglesiasen eskultura, nahiz eta hasiera batean alkateak ukatu, masa turismoa sustatzeko kanpainen protagonista bihurtu da”.
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
50 urte bete dira Polizia frankistak Mikel Gardoki Azpiroz ETApm-ko kidea tirokatuta hil zuenetik. Egiari Zor fundazioko kideek eta Gardokiren kide Juan Miguel Goiburu Mendizabal 'Goiherri'-k hartu dute parte ekitaldian.
Gastronomy Open Ecosystem (GOe) eraikinaren lanak azken etapan sartu dira dagoeneko, Joxe Mari Aizega Basque Culinary Centerreko (BCC) zuzendariak azaldu duenez, astelehenean Donostian egin duten bisita instituzionalean.
Gipuzkoako sorrera prozesuari buruzko bere doktore tesia aitzindaria izan zen, lurralde historikoen bilakaera ulertzeko. Deustuko Unibertsitateko irakaslea, historialari askorentzat eredu izan da bere lan egiteko eta irakasteko modua. Igande honetan hil da Elena Barrena Osoro... [+]
Maki gerrillari antifrankistek Euskal Herrian ez zuten presentzia bereziki nabarmena izan, baina batzuk pasatu ziren, baita erregimenaren errepresio bortitza pairatu ere. Guardia Zibilak hiru hil zituen Ibaetan 1947an eta bat Zubietan 1948an, ahaztuta badaude ere.
Bost greba egun deitu dituzte apirilerako, "lanez gainezka" daudela eta giza baliabide eta material "oso murritzak" dituztela argudiatuta. ELA sindikatuaren esanetan, udalak "ez du mugimendurik egin nahi".
Abenduan ezagutarazi ziren Espainia, Maroko eta Portugalen jokatuko den Munduko Futbol Txapelketako egoitzak. Donostia eta Bilbo zerrendan ageri ziren. Donostiako sei auzo elkartek, gutun bidez, FIFAri eskatu diote atzera botatzeko hiriaren egoitza izendapena; FIFA bera ere... [+]
Euskal Herriko Etxebizitza Sindikatu Sozialistak deitua, milaka lagun batu dira gaur eguerdian Donostian, “etxebizitzaren negozioaren aurka” eta “etxebizitzarako eskubide unibertsalaren alde”.
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Interview. Urez eta hondarrez
Egileak: Telmo Irureta eta Mireia Gabilondo.
Aktoreak: Telmo Irureta eta Dorleta Urretabizkaia.
Zuzendaria: Mireia Gabilondo.
Konpainia: Tentazioa.
Noiz: apirilaren 2an.
Non: Victoria Eugenia Klub Aretoan,... [+]
Hego Euskal Herriko lau hiriburuetan egin dituzte manifestazioak. Israelek Palestinan egin duen eta aurrera daraman genozidioarekin kolaboratzen duten enpresei laguntza publikoa emateri uzteko eskatu diete Nafarroako Gobernuari eta Eusko Jaurlaritzari.
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
EH Bilduk galdera sorta bat erregistratu zuen Eusko Legebiltzarrean Donostiako Metroaren igarobideko lanen gainkostua argitzeko. Informazio hori atzo jakinarazi zuen Susana Garcia Chueca Mugikortasun sailburu sozialistak.